Isaías 27:10 - Biblia Enxet

¹⁰ Apmopso aptáhak ma'a tegma apwányam apyennaqte nak, máxa m'a tegma aptaqmópéyak la'a, máxa m'a ekyamayél'a exma yókxexma meykel'a énxet. Weyke ekteykegkaxa pa'at ma'a, ekteykegkaxa m'a yámet áwa' tén han ekheykegkaxa chá'a kallókasek élyampé.

Isaías 27:10 ပူးပေါင်းရင်းမြစ်များ

Isaías 17:2

Etaqmopagkohok apagko' sa', pa'at émhakxa sa' katnekxa'; katawagkok sa' pa'at kélnaqtósso meyke kélmenxeneykha m'a.

Isaías 17:9

Eltaqmopagkok sa' tegma apkelyawe apkelyennaqte apagkok xa ekhem nak, ektéma axta apkeltaqmópeykegko tegma apkelyawe apagkok ma'a heveos tén han ma'a amorreos eñama apkelaye m'a israelitas. Yókxexma meyke xama aqsok sa' katnekxa', ekyamayéxma,

Isaías 24:10

Apmopso aptamhákxak ma'a tegma apwányam, apkelyeykhásamákpoho nak chá'a apkeltémakxa énxet'ák apheykha m'a kañe', mogwanchek antexek xama tegma enxoho.

Isaías 25:2

Meteymog ektaháneykekxa mók aptemessáseykekxak ma'a tegma apkelyawe nak, apmopsagcha'a aptemessáseykekxak ma'a tegma apkelyawe apkelyennaqte nak; apmasséssesseykmek tegma apkelyawe apagkok ma'a apkelenmexma nak, megkólnaqxétekhasagkokxeyk sa' nahan chá'a kaxwók ma'a.

Isaías 32:19

kóláxñásekxohok sa' eykhe m'a naxma nak, kóltegkesek sa' eykhe nahan ma'a tegma apwányam nak.

Isaías 35:1

Kapayhekxa awáxok yókxexma meykexa nak énxet, ekyamáyekxa nak exma xapop, kapayhekxoho agko' awáxok kalyapwekxa' makham,

Isaías 49:21

Keñe sa' xeye' katnehek awáxok se'e: ‘¿Yaqsa axta setasso ko'o xa étchek nak? Méko axta ko'o étchek, mowanchek nahan óta'; élyentameykekxeyk axta ko'o megkatnahakxa seyókxa, ektaqmópeykegkek axta, ¿Yaqsa séktegkessesso ko'o xa? Exakkók axta ko'o ektaqmópeykegkok, ¿háxko eyke apkeleñamakxa xa?’”

Isaías 64:10

Yókxexma meykexa énxet tamheykekxak ma'a tegma apkelyawe apkeltaqmalma apagkok nak, apmopso aptamheykekxak ma'a Jerusalén, kélmassésseykmek nahan.

Isaías 7:21

Énxet ekhakxa enxoho aptósso xama weyke tén han apqánet nepkések xa ekhem nak

Isaías 7:25

Xámók sa' katnehek yámet ekha nak am'ák ma'a egkexe kélcheneykekxexa axta chá'a aqsok yetlo kélmeykha m'a sówaxpehek. Kampagqeykxak sa', méko sa' kamhagkok ma'a. Weyke ekteykegkaxa pa'at sa' aqsa katnehek ma'a tén han nepkések.

Jeremías 25:37

Aplókek Wesse' egegkok, keñe aptawáseyncha'a m'a yókxexma ektaqmalma apagkok nak.

Jeremías 26:18

“Apkeltennassegkek axta apyókxoho énxet'ák Judá, aptémakxa appeywa Wesse' egegkok ma'a Miqueas, apkeñama axta Moreset, cham'a aptémakxa axta wesse' apwányam Judá m'a Ezequías. Axta aptemék apkelanagkama s'e: “Aptáhak Wesse' ekha nak apyennaqte s'e: Namyep kélpeyncheyam xóp sa' katnekxak ma'a Sión, meteymog ektaháneykekxa mók sa' katnekxak ma'a Jerusalén, keñe sa' néten egkexe apyetnamakxa nak tegma appagkanamap, náp'at sa' katnekxa'.”

Jeremías 26:6

sa' atnéssesek ko'o sekteméssessamakxa axta Siló s'e tegma appagkanamap nak. Apkelxéneykha ekmaso sa' ko'o atnéssesek apyókxoho énxet'ák apheykha nak keso náxop, cháxa tegma apwányam nak.’”

Lamentaciones 1:4

¡Yaqhapmók exma m'a ámay nak Sión! ¡Méko xama énxet apye'eykekta kélessawássessamo! Meyke énxet aptáhak ma'a atña'ák nak tegma apyawe, apkellekxagweykha m'a apkelmaxnéssesso nak Dios énxet'ák apagkok, kelyaqhápeyha awáxok ma'a kelán'a étkók, legágkók ekmáske m'a Jerusalén.

Lamentaciones 5:18

Meteymog ektaháneykekxa mók tamheykekxak ma'a egkexe Sión; cha'a élweynchámeykegkaxa nak kaxwók yammáleg ma'a.

Ezequiel 36:4

Meteymog élekhahéyak Israel, kóleyxho Wesse' egegkok appeywa apcháphássesso m'a meteymog élekhahéyak, tén han ma'a egkexe yámnáxap'awo nak, tén han ma'a wátsam nak tén han ma'a élyapwátegweykenxa nak chá'a xapop; tén han ma'a tegma aphopák appalleyam axta meyke nak énxet ma'a kañe', tén han ma'a tegma apkelyawe meyke nak xama aqsok ma'a kañe Israel, apkelmenyexchessama axta aqsok apagkok ma'a énxet'ák apheykha nak nepyáwa, tén han aptéma axta apkelasmeyáseykha chá'a.

Miqueas 3:12

Kéxegke keñamak peya kólpeynchámekxohok xóp ma'a egkexe Sión, kéxegke keñamak peya etnekxak nápakha'a apketkók ma'a Jerusalén, tegma apwányam nak egkexe Sión, kápekxak sa' ekmompánaqma m'a egkexe nak tegma appagkanamap.