Isaías 26:21 - Biblia Enxet

²¹ Hakte etyapok sa' Wesse' egegkok ma'a aphamakxa nak chá'a yaqwayam ellegássesagkohok apkeltémakxa melya'assáxma m'a énxet'ák apheykha nak keso náxop, kamaskok sa' kakpósek kaxwók énxet apmatñà keso náxop, yáxñakxoho sa' kapekkenekxak ma'a ektémakxa nak chá'a ekyetno apyógkexma énxet ma'a kañe'.

Isaías 26:21 ပူးပေါင်းရင်းမြစ်များ

Job 16:18

Keso ekmaso sélteméssesakxa nak ko'o, kéméxcheyk kalanaxchekxak heykxa amya'a; ¡xapop, nágkakpós aqsa m'a sélmaxneyeykha nak!

Job 20:27

Néten sa' katnehek ekpekkencháseykekxa yáxña'akxoho m'a aptémakxa mey'assáxma, kampekxak sa' néten xapop yaqwayam kaxének aptémakxa'.

Isaías 10:3

¿Háxko sa' kóltéhek kéxegke apkelyetsetchásekxo sa' kéltémakxa m'a Dios, kélwet'a sa' kaxegmak makhawók ma'a kéllegeykegkoho nak? ¿Yaqsa sa' kólyo'ókxak kólmaxnegwakxak yaqwayam kapasmok? ¿Háxko sa' kólnegkenwók ma'a aqsok kélagkok ekxámokma élmomnáwa nak?

Isaías 13:11

Aptáhak Wesse' egegkok se'e: “Allegássesagkohok sa' ko'o apyókxoho énxet'ák eñama apkeltémakxa élmasagcha'a, keñe sa' ma'a énxet'ák élmasagcha'a agko' nak apkeltémakxa allegássesagkohok eñama m'a apkelánéyák aqsok ekmaso agko'. Amasséssessók sa' ko'o ektémakxa nak éleymáxkoho apkelwáxok ma'a énxet'ák apkeleymákpoho nak, mékoho sa' ko'o atnessásekxak ma'a megyésso nak eleykpoho tén han ma'a megkalyexnegwayam nak chá'a apkelpeywa elwanyaha apnámakkok.

Isaías 18:4

Aptáhak seyáneya Wesse' egegkok se'e: “Tásek ko'o sélyeheykha m'a sekhamakxa nak, máxa m'a ektémól'a ekhem éltátchesso ekmexamakxal'a exma, máxa m'a yálye ektéyeykmohol'a ekmexanmakxal'a exma eknakxamáxchexa m'a aqsok ekyexna kélcheneykekxa.

Isaías 22:14

Tén axta sexekmowásekpoho ko'o m'a Wesse' ekha nak apyennaqte. Aptáhak axta seyáneya s'e: “Malásekhekxók sa' ko'o xa megkólya'assáxma nak; kóletsapok sa' kéxegke eñama xa kéltémakxa nak.” Wesse' egegkok ekha nak apyennaqte appeywa xa.

Isaías 65:6

Táxésamaxcheyk eyke sekhakxa ko'o ekyókxoho xa, mawanmeyha sa' aqsa nahan ko'o; atnéssesek sa' ekpayhawo nak atnéssesek;

Isaías 65:7

ekhawo nak chá'a apkeláneyak aqsok ekmaso agko' ma'a ekweykekxoho m'a apyapmeyk nak. Apkelwatneykegkek chá'a néten meteymog élekhahéyak ma'a aqsok ekmátsa nak ekpaqneyam éten agkok, elókáseykegkek chá'a m'a néten egkexe nak. Alyetsetchásekxak sa' sekxók apkeltémakxa ekmaso, keñe sa' atnéssesek ma'a ekpayhawo nak atnéssesek.” Wesse' egegkok apxeyenma xa.

Isaías 66:6

Wesse' egegkok apkextegyawasso xa ektepa nak éxtegyawà m'a tegma apwányam tén han ekyennamáxma ektepa nak ma'a tegma appagkanamap, yaqwayam eyaqmagkásekxak apkeltémakxa m'a apkelenmexma nak.

Ezequiel 8:6

Tén axta aptáha seyáneya s'e: “¿Apwet'aya aqsok ekmaso agko' apkeláneykegko nak ma'a énxet'ák Israel, seyenyókassama nak ko'o m'a tegma appagkanamap ahagkok? Étak sa' eyke makham mók aqsok ekmaso agko'.”