Isaías 26:2 - Biblia Enxet

² Kólmeykesák atña'ák yaqwayam sa' elántexek ma'a énxet'ák apkelpéwomo melyenseyam nak apteme melya'ásseyam.

Isaías 26:2 ပူးပေါင်းရင်းမြစ်များ

Salmos 106:5

yaqwayam sa' ko'o ótak ektáhakxa ekpayheykekxa apkelwáxok ma'a apkelyéseykha nak, yaqwayam sa' ko'o kapayhekxak ewáxok tén han alsawaksohok xamók ma'a énxet'ák ektáha nak xép apagkok.

Salmos 118:19

Hélmeykessesák ko'o atña'ák ma'a tegma appagkanamap, atxek sa' ko'o agkések ekxeyenma ewáxok Wesse' egegkok.

Salmos 118:20

Cháxa Wesse' egegkok átog apagkok xa, sa' elántexek chá'a m'a élpéwomo nak chá'a apkeltémakxa.

Salmos 24:7

¡Kólmeykesák nanók atña'ák nak! ¡Kólmeykesagkoho agko' sa', keñe sa' etxek ma'a Wesse' Apwányam apcheymákpoho nak!

Éxodo 19:6

Kéxegke sa' nahan kóltéhek kélpasmo kélmaxnéssesso énxet'ák ahagkok xa kélyókxoho nak, énxet'ák ektáha nak chá'a apkelpagkanchásamap ko'o.’ Eltennasák sa' ekyókxoho israelitas xa.

Isaías 45:25

Ko'o sa' kañék elmallánek apyókxoho m'a énxet'ák Israel, kaqheykha sa' apkelwáxok hélanok ko'o.”

Isaías 54:14

Keynnaqtések sa' xeyep ma'a ekpéwomo nak nentémakxa, kamaskok sa' kóltawasagkoho', kamaskok sa' nahan apkelmenaye, kamaskok sa' nahan kapekhaksek apwáxok ma'a apyegwakto nak.

Isaías 54:17

méko axta eyke éláneya xama enxoho m'a kélmeykha ekmowána enxoho kamasséssók xép. Elwanmeyásekxak sa' apyókxoho m'a ektáha nak apxéneykha. Keso sekméssamo nak chá'a ko'o ektáha nak sétleykha s'e: negwayam teyp.” Wesse' egegkok xa ektáha nak apxeyenma.

Isaías 58:8

Keñe sa' kápogwátek ma'a cháléwasso kélagkok, kaxhok sa' ma'a ektémól'a élseyéxma axto'o, ñohok sa' nahan kaltaqmelekxak ma'a kélyensé nak. Katnamok sa' kélmonye'e m'a kéltémakxa ekpéwomo kalyetlók sa' ma'a élseyéxma ahagkok.

Isaías 60:11

Kalmayhagkok sa' aqsa chá'a kaxwók ma'a atña'ák kélagkok; megkólapagkokxeyk sa' chá'a ekhem tén han axta'a, yaqwayam sa' kólewának chá'a kólsantagkasek ma'a aqsok ekxámokma élmomnáwa apagkok nak ma'a pók aptémakxa énxet'ák, yaqwayam sa' elántaxnegwaták chá'a m'a kelwesse'e apkelwányam yetlo apkeláneykha.

Isaías 60:18

Kamaskok sa' kañexchek kaxwók ekyennameykhaxma apkelyennaqteyáseykha apyempe'ék énxet ma'a kañe' xapop kélagkok nak, kamaskok sa' nahan kélmassésseyam aqsok tén han kéltawáseykha, kaltamhaxchek sa' aqsa kélhaxta nak nepyáwa tegma apwányam kélagkok ‘Segwagkasso teyp’ keñe sa' ma'a atña'ák kélagkok nak kaltamhaxchek ‘Nélpeykessamo Dios’.

Isaías 60:21

“Énxet meyke apkeltémakxa sa' etnahagkok apyókxoho m'a énxet'ák kélagkok, etnahagkok sa' chá'a apagkok apchókxa meyke néxa, éltekteyapmakxa m'a xama yámet ektáha axta ko'o séneykekxa ahagko', sélane axta ko'o yaqwayam axekmósek ektémakxa seyeymáxkoho.

Isaías 61:3

tén han yaqwayam almések apkelháxaqxo éltaqmalma megkatnaha nak táhap ma'a énxet'ák apkellegeykegkoho nak ekyentaxno apkelwáxok ma'a Sión, tén han sokmátsa ekpeykeseykekxoho nak egwáxok megkatnaha nak ma'a nenlekxagweykha, tén han negmeneykmasso nélpeykessamo, megkatnaha nak ma'a magya'áseyak nak nentáhakxa. Kólteméssesek sa' apkelwesey “Yenta'a élyennaqte élpéwomo éltémakxa” apkeneykekxa m'a Wesse' egegkok yaqwayam exekmósek apcheymákpoho.

Isaías 62:1

Mawanmeyha sa' aqsa ko'o eñama sélásekhayo kéxegke énxet'ák Sión; mallókassemek sa' ko'o sekyampe eñama sélásekhayo kéxegke, énxet'ák Jerusalén, ekwokmoho ektepa m'a kéltémakxa ekpéwomo ektémól'a katyapok ma'a ekhem, tén han ekwokmoho eyápogwata m'a kélwagkásamáxche teyp ektémól'a m'a táxa eyáléweykhal'a naw'a yántápak.

Isaías 62:10

Kólántép yókxexma, kólántép teyp nak atña'ák, kóllanés ámay ma'a énxet'ák ahagkok. Kóltaqmelchesho sa' kéllane ámay, kólyetnakhés sa' ma'a meteymog; kólchenegkes sa' aqsok magkenatchesso yaqwayam sa' melchenatchesek elwetak ma'a pók aptémakxa nak chá'a énxet'ák.

Isaías 62:2

Elwetak sa' kéltémakxa ekpéwomo m'a pók aptémakxa nak chá'a énxet'ák, elwetak sa' kéleymáxkoho m'a apyókxoho kelwesse'e apkelwányam nak. Keñe sa' kaxek axnagkok kélwesey; Wesse' egegkok apagko' sa' nahan etegyeksek kélwesey.

Zacarías 8:20

Keso aptáhakxa nak appeywa Wesse' ekha nak apyennaqte s'e: “Elxegmak sa' makham énxet tén han ma'a apheykha nak apyókxoho tegma apkelyawe.