Isaías 26:17 - Biblia Enxet

¹⁷ Wesse', máxa kelán'a lóso' nentamheykegkok negko'o nápaqtók xép ketók ekmaheyókxal'a katnehek naqláwa, ekyettelegweykhal'a, ekpayheykhal'a átog kañegkohok ekmáske.

Isaías 26:17 ပူးပေါင်းရင်းမြစ်များ

Génesis 3:16

Keñe axta kelán'a aptáha apcháneya s'e: Kañegkohok sa' chá'a exche' neyseksa ekteme lóso', tén han ma'a ektáha enxoho chá'a naqláwa. Kámenyéhok sa' chá'a atáwa', yának sa' eyke kalyahakxohok chá'a exche' m'a.

Salmos 48:6

Taxneyk axta apkelwáxok apkelaye: apkelpexyawáha axta apkellegágkoho ekmáske, máxa axta aptamhágkok ma'a kelán'a ekmáheyól'a katnehek naqláwa;

Isaías 13:8

elyegwáwhok apagko' sa'. Káhapwak sa' ekyawe agko' apkelyegwakto tén han apkellegeykegkoho ekmáske, máxa sa' etnahagkok elpexyawha m'a ektémól'a kelán'a káskok awáxok kamáwhok katnehek naqláwa. Égweyk sa' aqsa chá'a elanok ma'a pók, kalyexwásekxak sa' nápaqta'a apkelmegqakto.

Isaías 21:3

Élpexyennegkessek ko'o sekwet'a, éttelegwáseyha ekmáske, máxa ektáhak ma'a ektémól'a kelán'a káskok awáxok kamáwhok katnehek naqláwa, meheñásak ektemegweykmohóxma m'a seklegeykegkoho ekyentaxnamo ewáxok, mehéteyásak aqsok ma'a sekyegwakto.

Isaías 37:3

apkeltamho eltennaksek aptáhakxa appeywa m'a wesse' apwányam, aptáhak axta s'e: “Sakhem néllegeykegkaxa ekyentaxno egwáxok, sẽllegassáseykegkoho tén han sẽltemessáseykekxa mékoho; máxa m'a kelán'a, ketók ektegkessamakxal'a étche kasawhaxchek ma'a ekwasqapma.

Jeremías 30:6

Kóltegyaha hana sa' amya'a, apwanchek kexaha etnehek apnaqláwa xama énxet apkenna'. ¿Yaqsa eyke ektáha sekwet'a nak ko'o apkelyettelegweyncha'a m'a énxet'ák, máxa aptamhágkok ma'a ekmáheyól'a etnahagkok apnaqláw'ák? ¿Yaqsa ektáha élmópeykxo nak nápaqta'a m'a apyókxoho nak?

Jeremías 4:31

Ekleg'ak ko'o ekpayheykha kélátog kéllegeykegkoho ekmáske, ektémól'a xama kelán'a kaxwe ekmáheyól'a kótak étche kategkesek apkemha apmonye' étche; Sión ekpayheykha átog ma'a, élya'asa nak néten amék, ektáha ekpaqmeta s'e: ¡Ko'o laye! ¡Peyk heyaqhek ma'a tekyawa yapmeyk nak!”

Jeremías 6:24

Aptáhak apkelpaqmeta énxet'ák Jerusalén se'e: “Nenleg'ak negko'o amya'a, ẽlyélaqtéssek han negaye; néllegagkók élyentaxno egwáxok tén han ekmáske, máxa m'a kelán'a ekmáheyól'a katnehek naqláwa.