Isaías 26:14 - Biblia Enxet

¹⁴ Apkeletsekkek eyke m'a, menaqxétekhágwomek chá'a; pessesse aptamhágkokxa', melchempekxeyk chá'a néten hakte apkellegassásegkok xép, apmasséssekmek nahan, apmasséssekmók apagko' nahan apkelxénamap chá'a.

Isaías 26:14 ပူးပေါင်းရင်းမြစ်များ

Job 18:17

Kamassegwók sa' apxénamap keso náxop, megkaxénaxchekxók sa' chá'a kaxwók apwesey.

Job 24:20

Kalwánaqmak sa' han ma'a egken agko' nak; yápa apketkók sa' etwok, méko sa' han kaxénwakxohok chá'a awáxok ma'a. Máxa yámet kélyaqtónma sa' etnehek eyaqnenek ma'a ekmaso nak aptémakxa.

Job 7:9

Temék aphagwayam nak chá'a takhaxpop ma'a ektémól'a yaphope kayeykha', keñe kamassegwók: mopwanchek chá'a etaqhohok apkeñamakxa', melwetekxók han chá'a m'a apnámakkok nak.

Salmos 106:28

Apkelyetleykekxeyk axta m'a Baal-peor, apteykegkek axta han chá'a m'a kélnáhakkasso nak aqsok kéláyókxa meyke élennama nak.

Salmos 109:13

Esawhakpohok sa' eletsapok ma'a aptawán'ák neptámen, kamassegwomhok agko' sa' apwesey.

Salmos 135:17

yetneyk aheyk'ák, megkallegyek eyke ektemegweykmoho exma; ¡méko han ma'a élennama!

Salmos 36:12

¡Kóllano ektáhakxa appalleyam ma'a énxet'ák élmasagcha'a nak apkeltémakxa! ¡Appallakme', menaqxétekhagkokxeyk chá'a!

Salmos 59:5

Wesse', Dios ekha nak apyennaqte, Dios apagkok nak Israel, exatakha', ellegássesagkoho xa énxet'ák melya'áseyak nak xép; nágkalapyósho elanok xa élmasagcha'a nak apkeltémakxa, apkelsexnenagko nak chá'a apnámakkok.

Salmos 9:6

Apkeletsekkek ma'a sélenmexma, apkeletsapawók xamo' ma'a tegma apkelyawe apagkok nak; xép apmassésseykmok, massegwokmók agko' nahan apkelxénamap.

Éxodo 14:30

Cháxa ekhem apkelwagkasakxa axta teyp Wesse' egegkok israelitas neyseksa apkelma m'a egipcios, apkelwet'ak axta nahan israelitas egipcios aphopák ma'a neyáwa wátsam ekwányam nak.

Proverbios 10:7

Kaxénwakxohok chá'a kélwáxok aptémakxa axta m'a énxet ekpéwomo axta aptémakxa', yetlo ektaqmalma apxénamap; keñe m'a énxet ekmaso axta aptémakxa', ñohók chá'a kamaskok ekxénweykekxoho kélwáxok.

Eclesiastés 9:5

Énxet'ák meletsapa nak makham, apya'ásegkok megkatnehek chá'a meletsapma, keñe eyke m'a énxet'ák apkeletsapma nak, melya'ásegkok aqsok, méko han aqsok elweta', hakte méko chá'a kaxénwakxohok awáxok.

Isaías 10:3

¿Háxko sa' kóltéhek kéxegke apkelyetsetchásekxo sa' kéltémakxa m'a Dios, kélwet'a sa' kaxegmak makhawók ma'a kéllegeykegkoho nak? ¿Yaqsa sa' kólyo'ókxak kólmaxnegwakxak yaqwayam kapasmok? ¿Háxko sa' kólnegkenwók ma'a aqsok kélagkok ekxámokma élmomnáwa nak?

Isaías 26:19

Eyke m'a énxet'ák apagkok apkeletsapma nak enaqxétekhágwók sa', kanaqxétekhagkokxak sa' ma'a aphopák nak. Enaqxétekhagkok sa' ma'a apkeletsapma nak keso náxop, elwehesha sa' kalpayhekxak apkelwáxok. Hakte apcháphassegkek xép élseyéxma apagkok ekho yálye, keñe sa' ma'a apkeletsapma axta elántépekxak makham keso náxop.

Isaías 37:19

tén han apkexakkassama nátex ma'a aqsok apcháyókxa nak, hakte naqsók háwe dios ma'a, énxet apkelane, eñama nak ma'a yámet tén han meteymog. Cháxa keñamak apmassésseykmo nak.

Isaías 8:19

Megkatnehek sa' metne elának kéxegke énxet'ák se'e: “Kólpaqhetchesaxkoho m'a apkelhagák axta énxet'ák apkeletsapma tén han apkelyohóxma apkelyexchásamákpoho nak chá'a elpaqmétek, melyennaqtésso nak chá'a apkelpeywa. ¡Apyókxoho énxet chá'a elpaqhetchesakpohok ma'a aqsok apcháyókxa tén han elmaxnéssesek chá'a eyeyméxchexa etnahagkok énxet'ák apkeletsapma m'a énxet'ák meletsapma nak

Deuteronomio 4:28

Sa' kólpeykeshok chá'a aqsok kéláyókxa énxet nak chá'a apkelane m'a, cham'a kéleykmássesso élánamáxche nak yántéseksek tén han ma'a meteymog, megkate nak exma, tén han megkañe nak ektemegweykmohóxma, tén han megkato nak ekto, tén han ma'a meyke nak énnama.