Isaías 25:9 - Biblia Enxet

⁹ Sa' katnehek kalpaqmetaxchek, cháxa ekhem nak: “Cháxa Dios egagkok xa, negáyo nak chá'a, nélhaxanma nak hẽlwagkasek teyp. Kalpayhekxa egwáxok, ólátsaha, ẽlwagkassek teyp ma'a.”

Isaías 25:9 ပူးပေါင်းရင်းမြစ်များ

Génesis 49:18

“¡Xép, Wesse' ahagkok, élhaxneyk ko'o hewagkasek teyp!

Salmos 100:1

¡Kólmeneykmásses Wesse' egegkok, kélyókxoho kélheykha nak keso náxop yetlo ekpayheykekxa kélwáxok!

Salmos 20:5

Keñe sa' negko'o ólátsaha kalpayhekxak egwáxok eñama apmallanma, ólya'aksek sa' néten bandera yetlo nenxeyenma apwesey Dios egagkok. ¡Wesse' egegkok sa' elának ekyókxoho aqsok apkelmaxneyeykha nak!

Salmos 21:1

Wesse' egegkok, payhekxeyk apwáxok wesse' apwányam, hakte xép apmeyásak apyennaqte; ¡Payhékxók agko' apwáxok hakte xép apmeyásak apmallanma!

Salmos 27:14

¡Nágkólya'ássem Wesse' egegkok! ¡Kólwasqápekxoho, nágkólyelqaxche'! Naqso', ¡nágkólya'ássem Wesse' egegkok!

Salmos 33:20

Magya'ásseykmok negko'o m'a Wesse' egegkok; ¡empasmomchek chá'a m'a! ¡ẽltaqmelchessegkek nahan!

Salmos 33:21

Ẽlpeykessásekxeyk negko'o egwáxok Wesse' egegkok; magya'ásseykmok ma'a apwesey ekpagkanamaxche nak.

Salmos 40:17

Wesse', ná hélwánaqma aqsa ko'o sektáha nak sekmayósa, tén han eklegeykegkoho ewáxok. Xép apteme sepasmo, tén han sewagkasso teyp, ¡Hepásegwata heykxa', Dios ahagkok!

Salmos 9:14

Keñe sa' atnehek alának apyókxoho énxet neyseksa sénmeykha m'a atña'ák nak Jerusalén, payhawók xép kólteméssesek apcheymákpoho, axének sa' ekpayhékxo ewáxok hakte ewagkassek teyp xép.

Salmos 95:1

Kólxegma', agmeneykmássesek Wesse' egegkok yetlo ekpayheykekxa egwáxok; agmeneykmássesek ma'a sentaqmelchesso nak negko'o, tén han Segwagkasso teyp.

Isaías 33:2

Wesse', hẽlayósho henlanok negko'o, ektáha nak nélhaxanma exchep. Etne chá'a sempasmo negko'o yókxoho ekhem, tén han sẽlwagkasso teyp ma'a ekwa'a enxoho ekmaso negheykha.

Isaías 33:22

Kelyelqamáxcheyk táma' kélnaqtete xa yántakpayhe ekyawe nak massegkek élyennaqtésso m'a yámet ekwenaqte agkok nak; megkólwanchek kólpeykásekxak ma'a apáwa agkok nak. Ólyementamok sa' ekxámokma agko' aqsok apagkok ma'a sẽlenmexma nak, kawomhok sa' apkelxawéyak aqsok apagkok ma'a meyke nak apaqta'ák, elmagkok sa' aqsok ma'a élmasagcha'a nak chá'a apyókxa apkelyelqamap nak chá'a. Hakte Wesse' egegkok apteme énxet segyekpelchémo egagkok, apteme senlánésso chá'a segánamakxa tén han wesse' apwányam egagkok, sa' hẽlwagkasek nahan teyp ma'a.

Isaías 35:1

Kapayhekxa awáxok yókxexma meykexa nak énxet, ekyamáyekxa nak exma xapop, kapayhekxoho agko' awáxok kalyapwekxa' makham,

Isaías 35:10

apkelmeykekxa nak neyseksa aqsok ekmaso m'a Wesse' egegkok; elántexek sa' Sión yetlo apkelmeneykmasso élpayheykekxa apkelwáxok, katnahagkok sa' chá'a élpayheykekxa apkelwáxok neyseksa apheykha. Elwetak sa' élpayheykekxa apkelwáxok tén han apkelátseykha, kamassegwók sa' ma'a apkellekxagweykha tén han éllapwáméyak.

Isaías 35:2

kalántekkásekxa makham ma'a pánaqte exnók ektémól'a m'a pánaqte exnók élyápaqmate éltaqmalmal'a, kalpayhekxoho agko' kélwáxok. Dios sa' etnéssesek ektaqmalma agko' ektéma nak ma'a Líbano, tén han megkéssamakxa katyapok aqsok ektéma nak ma'a Carmelo tén han ma'a ekyapwátegweykenxa nak xapop ma'a Sarón. Apyókxoho énxet sa' elwetak Wesse' egegkok élseyéxma apagkok tén han ma'a Dios egagkok apcheymákpoho nak.

Isaías 35:4

kólteme kólának énxet'ák eyeye nak chá'a apkelwáxok se'e: “¡Kólwasqápekxoho, nágkólé'! ¡Keso Dios kélagkok se'e yaqwayam elwagkasek teyp, ellegássesagkohok sa' ma'a kélenmexma ekpayhawo nak yaqwayam ellegássesagkoho'!”

Isaías 37:20

Dios Wesse' egegkok, hẽlmallahanches negko'o neyseksa apmáheyo hẽlnápok ma'a asirios, yaqwayam sa' elya'asagkohok apyókxoho pók aptémakxa nak chá'a énxet'ák apheykha keso náxop, apteme exchep Wesse', wánxa xama Dios.”

Isaías 40:9

Yenát sa' egkexe néten nak Sión, énnaqtés sa' appeywa exének amya'a ektaqmela. Nágye aqsa énnaqtések appeywa m'a Jerusalén, etne sa' ellegaksek tegma apkelyawe nak Judá s'e: “¡Keso Dios kélagkok se'e!”

Isaías 41:16

Yempaksek sa' tén sa' kalsók éxchahayam; segyettekhane ekyennaqte sa' kaxpánchesha. Keñe sa' xép kapayhekxak apwáxok xamók ma'a Wesse' egegkok, kaqheykha sa' apwáxok ma'a Dios Aptaqmalma nak Israel.

Isaías 49:23

Sa' katnehek ekteme yapmeyk ma'a kelwesse'e apkelwányam nak keñe sa' ektaqmelchesso chá'a m'a kelwesse'e kelwán'ák nak. Eltekxeyagkok sa' chá'a aptapnák xóp amonye' exche', ekwokmoho apkeltekxeya nápaqta'a xóp ekweykekxoho m'a kelwesse'e kelwán'ák nak, awanhók agko' sa' katnehek apcháyo. Keñe sa' kay'asagkohok ko'o sekteme Wesse', kay'asagkohok sa' nahan memegqáyhek chá'a m'a ektáha nak ko'o mehey'ásseyam.”

Isaías 51:3

Kapyóshok sa' ko'o alanok ma'a Sión, tegma apwányam apmopsagko nak apyókxoho. Namyep éltaqmalma sa' atnessásekxak ma'a ekyamáyekxa nak exma xapop yókxexma meykexa nak énxet, ektéma axta m'a Edén apkeneykekxexa axta aqsok ma'a Wesse' egegkok. Keytek sa' ekpayheykekxa egwáxok ma'a tén han negátseykha, tén han negmeneykmasso tén han negháxenmo m'a kélpáwasso ekmátsa.

Isaías 52:10

Apxekmóssek apmopwána Wesse' egegkok nápaqta'awók ma'a apyókxoho pók aptémakxa énxet'ák. Kólya'asagkohok sa' ekyókxoho keso náxop sẽlwagkasa teyp ma'a Dios egagkok.

Isaías 60:16

Elmések sa' nento élmátsa agko' ma'a pók aptémakxa nak chá'a énxet'ák, elsókásegmak sa' aqsok apagkok ekxámokma élmomnáwa m'a kelwesse'e apkelwányam nak; elya'ásegwók sa' sektáha ko'o sélwagkasso teyp, ko'o sektáha nak Wesse', tén han sektáha sélmallahanchesso aqsok ekmaso, ko'o ekha nak Sekyennaqte Jacob Wesse' apagkok.

Isaías 61:10

¡Appeykásekxeyk ewáxok Wesse' egegkok! Awanhók agko' segkésso sélsawassamo m'a Dios ahagkok, hakte egkéssek ma'a nélwagkásamáxche teyp apagkok, ¡ewagkásawók ahagko' teyp! Máxa ektáhak ma'a ektémól'a énxet élyamhopma kélatchessessól'a apqátek ma'a apkelháxaqxo ektaqmalma, ektémól'a m'a xama kelán'a ekmáheyól'a kalyamhápok kélnáxegkáseykhal'a kólnatmeyásekxak ma'a élnatanma éltaqmalma.

Isaías 64:4

Axta kañamaxchek xama enxoho amya'a; axta nahan kóteyamaxchek xama enxoho mók aqsok kéláyókxa élane xa ektéma nak aqsok, élánésso m'a ektáha nak chá'a apcháyo.

Isaías 65:18

Kólessawaksoho kélagko', kalpeykesekxoho agko' kélwáxok meyke néxa m'a sekmako nak alána', hakte alának sa' ko'o Jerusalén ekmátsa agko' tén han énxet élpayheykekxa apkelwáxok apheykha m'a kañe'.

Isaías 8:17

Massegkek eykhe apkelányo Dios ma'a Jacob énxet'ák apagkok, aleyxek sa' eyke aqsa ko'o. Hakte seyásenneykekxa ko'o ektemék ma'a.

Miqueas 7:7

Aleyxek sa' eyke ko'o m'a Wesse' egegkok; malwataksek sa' sélhaxanma m'a Dios ahagkok sewagkasso nak teyp, hakte yeyxhok sa' ko'o sélmaxnagko m'a.

Zacarías 10:7

Máxa sẽlpextétamo sa' etnehek ma'a Efraín. Kapayhekxak sa' apwáxok, máxa sa' etnehek ma'a ektémól'a kapayhekxak egwáxok agyenek vino, kalpayhekxak sa' nahan apkelwáxok apkelwet'a enxoho m'a apketchek. ¡Kapayhekxak sa' apwáxok eñama m'a Wesse' egegkok!

Zacarías 9:9

¡Kapayhekxoho agko' apwáxok xép, tegma apwányam Sión! ¡Enneykmés kapayhekxak apwáxok, xép tegma apwányam Jerusalén! Apya'aweykteyk xép, Wesse' apwányam apagkok Wesse' appéwomo, tén han segwagkassamo teyp, háwe eyke eyeymáxkoho apwáxok, yámelyeheykok apchánte, yámelyeheykok étkok.