Isaías 25:6 - Biblia Enxet

⁶ Elanaksek sa' ektámaxche ekyawe Wesse' ekha nak apyennaqte apyókxoho pók aptémakxa énxet'ák ma'a egkexe Sión, nento éltaqmalma nak tén han ma'a vino ektaqmalma nak, yetlo m'a élmátsa agko' nak nento tén han ma'a vino ektaqmalma agko' nak.

Isaías 25:6 ပူးပေါင်းရင်းမြစ်များ

Salmos 36:8

Etawagkok chá'a aptéyak éltaqmela, ekhéyak nak ekxámokma m'a apxagkok; elagkok chá'a exchep yegmen ekmátsa eñama nak ma'a wátsam apagkok ektaqmalma,

Salmos 63:5

Kapayhekxohok agko' sa' chá'a ewáxok, ektémól'a antók ma'a nento élmátsa élánamáxche nak ektámáxche ekyawe, alpeykeshok sa' chá'a yetlo ekpayheykekxa ewáxok.

Salmos 78:68

Judá énxet'ák apagkok axta aqsa Apkelyesáha, tén han ma'a egkexe Sión, apchásekhayo apagko' axta chá'a.

Cantares 1:2

¡Hepetses hana sekxo'! Yeykhágweykmók agko' ekmátsa vino m'a ektémakxa nak chá'a seyásekhayo.

Cantares 1:4

¡Héntemekxa heykxe kaxwo'! ¡Wesse' apwányam, héntemekxa kañe' apxagkok! Kalpayhekxak sa' egwáxok yetlo exchep; kalxénwakxohok sa' egwáxok ekyeykhágweykmoho ektémakxa vino m'a ektémakxa nak chá'a seyásekhayo. ¡Neyke temék ekmámenyého nak chá'a m'a kelán'ák!

Cantares 5:1

Eyáxeg, sekpagkanma, ektaxnegwa'akteyk kañe' séneykekxexa pánaqte exnók ahagkok. Élmákxeyk kaxwók ma'a yámet ánek ahagkok ekmátsa nak ekpaqneyam tén han ma'a élmátsessamo nak élpaqneyam aqsok. Ektókek kaxwók yányawhéna' apyegmenek ahagkok, ekyenchek nahan ma'a vino ahagkok tén han ma'a weyke nagkeygmenek ahagkok. Énámakkok sélásekhayo, kóltawák, kólyenák nahan, ¡kólyenák ekwánxa enxoho kélmaka!

Isaías 1:19

Leyawók sa' agkok kélwáxok kóltéhek ekha kélyeheykekxoho, kóltawagkok sa' aqsok ekyexna éltaqmalma ektekkesso nak xapop;

Isaías 25:10

Etaqmelchesek sa' Wesse' egegkok ma'a egkexe Sión, keñe sa' ma'a Moab elteyammaha, máxa sa' etnéssesek ma'a ektémól'a pa'at apák kélteyammeykhal'a m'a kélchexakhamakxa nak aqsok apák.

Isaías 56:7

anaqlanták sa' ko'o m'a egkexe ahagkok ekpagkanamaxchexa nak alpeykessásekxak sa' apkelwáxok ma'a exagkok ektamhomaxchexa nak chá'a nempeywa nélmaxnagko. Almok sa' ko'o takha' aqsok apkelwatno tén han apkelnapma apnegkenweykekxa chá'a m'a néten nak ekwatnamáxchexa aqsok sélmésso, hakte eltamhakpok sa' ko'o exagkok ektamhomaxchexa nempeywa nélmaxnagko apagkok ma'a apyókxoho énxet'ák.

Jeremías 48:11

Apkelweteyak chá'a meyke ektáhakxa apheykha m'a énxet'ák Moab, megkólnaqleykekxak makham megkatnahakxa apkelókxa xama enxoho. Aphémók ma'a vino kélpekkenmal'a aqsa meyke kéltaqheyáseykha, megkólyetmeykekxal'a m'a mók kélyeta nak, cháxa keñamak megkamassama nak chá'a ekmátsa, tén han ekpaqneyam.

Daniel 7:14

Kélméssek axta apmopwána, apcheymákpoho tén han aptémakxa wesse' apwányam. Apyókxoho énxet'ák apheykha nak ekyókxoho apkelókxa tén han mók ektémakxa nak chá'a apkelpeywa axta aptamhágkok chá'a apkeltamhókxa axta etnahagkok. Megkamassegwomek sa' ma'a ektémakxa nak apmopwána, megkólmasséssemek han ma'a aptémakxa nak wesse' apwányam.

Zacarías 8:3

Amyenták sa' ko'o makham ma'a Jerusalén, yaqwayam axek makham ma'a. Keñe sa' Jerusalén eltamhakpok Tegma Apwányam Meheyenseyam, keñe sa' ma'a egkexe ahagkok nak ko'o sektáha nak Wesse' ekha sekyennaqte, kaltamhaxchek sa' Egkexe Ekpagkanamaxche'.