Isaías 25:4 - Biblia Enxet

⁴ Hakte xép apteme apyexanmomakxa m'a énxet apmopyósa nak, apmasma m'a aplegeykegkoho nak aphakxa meyke aqsok, apyexanmomakxa m'a ekwa'a enxoho éxchahayam ekyennaqte, pessesse apagkok ma'a ekmexna enxoho mayáhat. Máxa éxchahayam ekyennaqte éxcheheykmohol'a ekhem apmopsamágexa apkelennama m'a énxet'ák megkalmayósa nak elanok aqsok,

Isaías 25:4 ပူးပေါင်းရင်းမြစ်များ

Salmos 107:41

Emassésseshok chá'a ekmaso apheykha m'a meyke nak aqsok apagkok, ¡exámassásekxak chá'a apnámakkok ektémól'a kélnaqtósso!

Salmos 119:31

Wesse', ekyetlamchek ko'o m'a apchánamakxa nak antéhek, ¡nágyoho amegqáwhok ahagko'!

Salmos 12:5

Aptáhak appeywa Wesse' egegkok se'e: “Kélnaqtawáseykegkók ma'a meyke nak aqsok apagkok, kéllegassáseykegkók ma'a apkelyelqamákpoho nak. Cháxa keñamak peya nak ko'o wampekxak néten, apasmok sa' ekhawo ektémakxa nak chá'a apkelmopmenyého.”

Salmos 121:5

Wesse' egegkok chá'a aptaqmelchesso exchep; Wesse' egegkok chá'a m'a apmasma nak, aphama nak xamo' xép yaqwayam epasmok.

Salmos 35:10

Sa' atnehek apaqmétek ekweykmoho kañók agko' ewáxok se'e: “Wesse', méko ekhawo exchep. Apkelwagkassegkek xép teyp énxet'ák apkelmopyóseka apkelmoma m'a énxet'ák apkelyennaqte nak, apkelwagkassegkek xép teyp énxet'ák meyke nak aqsok apagkok apkelmoma m'a apnaqtawáseykegkoho nak chá'a.”

Salmos 55:8

Wanyehek axta ekpekhe agko' eyxánegkesek ma'a éxchahayam ekyennaqte, tén han segyettekhane.”

Salmos 72:13

Apyósekak sa' chá'a elanok ma'a apkelyelqamákpoho nak, elwagkasek sa' teyp ma'a meyke nak aqsok apagkok.

Salmos 72:4

¡Elánekxések sa' chá'a apheykha wesse' apwányam ma'a meyke nak aqsok apagkok! ¡Epasmok sa' chá'a m'a apketchek nak énxet'ák ekhakxa nak chá'a eyeyméxchexa aqsok, kóneg sa' etnessásekxak ma'a apnaqtawáseykegkoho nak chá'a!

Salmos 9:10

Wesse', mey'ássemek chá'a exchep ma'a énxet apya'áseykegkoho nak, meyenyewek chá'a m'a apya'eykekxa nak chá'a exchep.

Salmos 91:1

Énxet apchásenneykekxa nak Dios Meyke Ekhémo segmasma, cham'a Ekha nak Apyennaqte,

Isaías 11:4

Elyekpelkohok sa' chá'a yetlo ekpéwomo apkelánéseykekxa amya'a m'a énxet'ák apkelyelqamákpoho nak, emyókasek sa' nahan chá'a ektémakxa nak apheykha m'a énxet'ák meyke nak aqsok apagkok ma'a apchókxa. Máxa yámet sa' katnehek ma'a appeywa, yaqwayam sa' kallegássesagkohok ma'a énxet'ák apkelyennaqteyáseykha nak apyempe'ék, xama apwátekhapma sa' etnehek elnápok ma'a énxet'ák élmasagcha'a nak apkeltémakxa.

Isaías 14:32

¿Háxko sa' kóltéhek kólátegmowagkokxak ektáha nak élápháseykha m'a apchókxa nak? “Dios appekkenma m'a Sión. Sa' elyexánegwakxak chá'a énxet'ák apagkok ekyentaxnamo nak chá'a apheykha m'a”.

Isaías 16:3

Aptáhak apkeláneya apheykha nak Sión se'e: “Kóllánekxa yaqwánxa kóltéhek yaqwayam hẽlmeyók negko'o, kólteme segmasma negko'o. Hegáhakkas pessesse kélagkok ektáhakxoho yetseksók ekhem, ektémól'a m'a axta'al'a; elmés apkelyexanmomakxa m'a énxet'ák kélnaqleykekxa nak megkatnahakxa apkelókxa. Nágkólpelakkasses aqsa kólának elmakpok ma'a énxet'ák apkelxegányam nak.

Isaías 17:10

hakte kelwagqámeykegkek ma'a Dios ektáha axta apkelwagkasso teyp, megkaxeyenmak kélwáxok apteme axta apkelmasma apyennaqte m'a. Kélchekhamchek kéxegke s'e namyep étkók éltaqmalma nak, kélchencháseykekxeyk pánaqte exnók ma'a aqsok kéláyókxa éleñama nak mók nekha,

Isaías 27:5

Kéltamhók agkok ko'o almeyók, tásek hépetchekxak makham, naqso', tásek hépetchekxak makham ko'o.”

Isaías 28:6

egkések sa' nahan ekpéwomo apkeláneykegkokxa chá'a amya'a énxet'ák segyekpelchémo m'a kañe' sẽlyekpelchémókxa nak, egkések sa' nahan élyennaqte apkelwáxok ma'a sẽlpextétamo apmasma nak chá'a m'a tegma apwányam.

Isaías 29:19

Elpeykessásekxak sa' makham apkelwáxok Wesse' egegkok ma'a énxet'ák apmopyóseka nak, kalpayhekxak sa' apkelwáxok xamók Dios aptaqmalma nak Israel ma'a énxet'ák meyke agko' nak aqsok apagkok.

Isaías 29:20

Esawhohok sa' ma'a énxet'ák élyenneykha nak chá'a apkelpeywa, emasséssók sa' ma'a énxet'ák apkeleymákpoho nak, elmassegwók sa' ma'a énxet'ák élxéneykha nak apkelwáxok wánxa elanagkok ma'a aqsok ekmaso,

Isaías 29:5

Katlakkasek sa' eyke aqsa ellegássesagkohok ekmanyehe agko' Wesse' ekha nak apyennaqte m'a apkelenmexma nak, yetlo takha' aplo, xóp ekyawheykha, tén han éxtegyawà ekyennaqte, éxchahayam ekyennaqte, tén han yaphope néten ekmaso yetlo eyáléwe ekmassesseykmohol'a aqsok. Xapop ánek agko' sa' etnekxak ma'a apkelenmexma apxámokma nak, máxa pa'at apák élchampe sa' kólteméssesek ma'a apyaqmáseykha apxámokma nak.

Isaías 32:2

Máxa sa' etnehek chá'a xama m'a negyexánegkesseykekxexal'a éxchahayam, segmasmal'a kawak ma'a éxchahayam ekyennaqte agko', máxa sa' etnahagkok ma'a ektémól'a yegmen atamnek ényél'a m'a neyseksa ekyamáyekxa nak xapop, máxa sa' etnahagkok ma'a ektémól'a meteymog ekyawe agko' pessesse agkok émha m'a meykexa nak énxet.

Isaías 33:16

méko sa' katnehek apha xa, kaxek sa' apyexanmomakxa m'a meteymog élyennaqte nak, kaxek sa' chá'a m'a apto, megkameykkehek sa' nahan chá'a m'a yegmen apyá.

Isaías 33:2

Wesse', hẽlayósho henlanok negko'o, ektáha nak nélhaxanma exchep. Etne chá'a sempasmo negko'o yókxoho ekhem, tén han sẽlwagkasso teyp ma'a ekwa'a enxoho ekmaso negheykha.

Isaías 37:36

Apxegkek axta m'a Wesse' egegkok apchásenneykha, apkelnáhapwokmek axta nahan ciento ochenta y cinco mil énxet ma'a apkelpakxeneykegkaxa axta m'a asirios; keñe axta mók ekhem, kelsakak axta, hágkek axta aphopák apyókxoho m'a.

Isaías 49:25

Apxénchek Wesse' egegkok kélwanchek kólyementók: “Kólyementemekxak sa' apkelma axta m'a énxet apyennaqte nak, kólyementemekxak sa' aqsok ekxámokma axta apkelma m'a wesse' aplo nak. Ko'o sa' alátegmoweyxchek chá'a m'a apmáheyo nak chá'a elátegmoweykpok; ko'o ahagko' sa' nahan alwagkasek teyp ma'a étchek nak xeye'.

Isaías 57:13

Kélpáxamáha sa' agkok kóltegyaha ekpasmo, megkapasmehek sa' ma'a kéleykmássesso kélagkok nak, megkalwagkasek sa' teyp. Éxchahayam sa' kalsók ekyókxoho xa; xama ekwátekhapma sa' kamasséssók. Keñe sa' ma'a ektáha nak chá'a ko'o seyáyo exek sa' chá'a m'a apchókxa, exek sa' chá'a m'a egkexe ekpagkanamaxchexa ahagkok nak.”

Isaías 66:2

¡Ko'o ahagko' sélane ekyókxoho xa aqsok nak, axta keñamak élánteyapma! Ko'o sekxeyenma xa, sektáha nak Wesse'. “Énxet sekpasmomo nak chá'a ko'o, cham'a énxet apmopyósa nak ekyentaxnamo nak chá'a apwáxok apcháyo nak chá'a m'a sekpeywa.

Isaías 8:14

Sa' etnehek apho kelhanma kélagkok kéxegke m'a; sa' etnehek meteymog yaqwayam kalpelápagkasek ma'a, cham'a yaqwayam sa' kalyaqnegkesagkok ma'a ánet apchókxa ekhéyak nak ma'a kañe' Israel; etnehek sa' ektémól'a xama kelhanma, yaqwayam sa' kalmok ma'a énxet'ák apheykha nak Jerusalén.

Jeremías 16:19

Wesse', segkésso nak sekyennaqte, tén han setaqmelchesso, semasma nak chá'a ekwa'a enxoho ekmaso sekha; xeyep sa' elyo'ótak pók aptémakxa énxet'ák apkeleñama m'a makhawók agko' nak xapop. Sa' etnehek chá'a yának se'e: “Wánxa axta aqsa apkelxaweykekxo ẽlyapmeyk nano' negko'o m'a aqsok kéláyókxa ekteme nak mékoho, tén han meyke nak ekmowána.

Ezequiel 38:9

Máxa yaphope néten ekyentaxnól'a sa' etnehek xép emmok ma'a, yaqwayam yápok ma'a apchókxa, keñe sa' máxa éxchahayam ekyennaqtél'a etnehek énnaqtések apyempehek etxek yetlo apyókxoho sẽlpextétamo apagkok ma'a, tén han ma'a énxet'ák apxámokma nak.

Sofonías 3:12

Alheyásekxak sa' ko'o kélnepyeseksa kéxegke m'a énxet'ák kéltemessáseykekxa nak meyke éleymáxkoho apkelwáxok tén han mékoho, yaqwayam sa' melya'ássók ma'a sekwesey nak.