Isaías 25:1 - Biblia Enxet

¹ Wesse', xép apteme Dios ahagkok; agkések chá'a ko'o exchep ekpayheykekxa ewáxok, atnéssesek nahan chá'a eyeymáxkoho m'a apwesey, hakte apkeláneyak chá'a m'a aqsok apmáheyo nak chá'a elána' sempelakkasso nak agweta', apxeyenma axta chá'a elának eyeynamo m'a nanók agko' axta.

Isaías 25:1 ပူးပေါင်းရင်းမြစ်များ

Salmos 111:4

Apkeláneyak aqsok sempelakkasso nak agweta' megkalwagqánamaxche'. Wesse' egegkok apteme ektaqmeleykha apwáxok henlano', tén han apmopyósa henlano';

Salmos 118:28

Ekméssek ko'o exchep ekxeyenma ewáxok, ekteméssessegkek han eyeymáxkoho m'a ektémakxa nak apteme apwányam apagko', hakte xép apteme Dios ahagkok.

Salmos 145:1

Dios ahagkok, Wesse' apwányam ahagkok, axének sa' chá'a exchep apteme apwányam, axénmakha sa' chá'a ektaqmela apwesey meyke néxa.

Salmos 146:2

Alpeykeshok sa' chá'a ko'o Wesse' egegkok sekyennákxa nak makham; anneykmássesek sa' ko'o negmeneykmasso Dios ahagkok, sekhakxa nak makham.

Salmos 31:15

Xép apmeykha sekyennaqte, ¡hewagkas teyp nepyeseksa sélenmexma señassáseykegkoho nak chá'a!

Salmos 40:5

Wesse', Dios ahagkok, xámok agko' nak la'a exchep senlánésso aqsok éltaqmela, xámok agko' aqsok senlánésso ekxeyenma apwáxok negko'o. ¡Méko aphawo exchep! Émenyeyk eykhe ko'o axének xa, tén han alyetsetek, mowanchek eyke, xámok agko'.

Salmos 40:6

Mopmenyeyk xép ma'a kélnaqtósso ektekyawa nak, tén han ma'a aqsok kélcheneykekxa ekyexna kélmésso naqsa nak chá'a; meltémók han kólsakxések ma'a aqsok kélwatno nak, tén han ma'a aqsok kélmésso naqsa ekmasséssamo nak magya'assáxma. Enegkenchessegkek xép eheyk'ák yaqwayam aña'.

Salmos 46:10

“¡Kólwatés kélnápomáxche'! Kólya'asagkoho sektáha ko'o Dios! ¡Ko'o sekteme néten agko' nepyeseksa m'a pók aptémakxa énxet'ák! ¡Ko'o sekteme néten agko' ekyókxoho keso náxop!”

Salmos 75:2

Aptáhak Wesse' egegkok se'e: “Élyesáha sa' agkok ko'o xama ekhem, alyekpelkohok sa' yetlo ekpéwomo sektémakxa.

Salmos 78:4

óltennasha sa' chá'a m'a egketchek. Óltennasha sa' chá'a kaxwe nak apmáheyo elántépekxak egmonye', ektémakxa ekyawe apmopwána Wesse' egegkok, tén han aqsok sempelakkasso nak agwetak apkelane.

Salmos 89:1

Wesse', sa' atnehek chá'a ko'o sekmeneykmasso axének apteme segásekhayo; mayétekkessemek sa' chá'a sekxeyenma apteme mehenyenyaweykha.

Salmos 98:1

¡Kólmeneykmásses Wesse' egegkok, axnagkok negmeneykmasso, hakte apkeláneyak ma'a aqsok sempelakkasso nak agweta'! ¡Apmallanegkek yetlo ekyawe agko' apmopwána, tén han apyennaqte ekteme nak ekpagkanamaxche'!

Salmos 99:5

¡Kólpeykesho Wesse' egegkok, Dios egagkok, kóltekxeyák kéltapnák ma'a apmonye' aphakxa nak! ¡Dios apteme appagkanamap!

Éxodo 15:2

Wesse' egegkok keñamak sekmeneykmasso, hakte cham'a sénnaqtésso m'a, tén han sewagkasso teyp. Cham'a apteme Dios ahagkok ma'a, alpeykeshok sa'; táta Dios apagkok ma'a, atnéssesek sa' apcheymákpoho.

Isaías 11:5

Exog sa' chá'a yetlo apcháhakkásamap ma'a aptémakxa ekpéwomo tén han ma'a amya'a ekmámnaqsoho nak, ektémól'a m'a nentétamáxchel'a.

Isaías 12:1

Sa' kóltéhek kólpaqmétek kéxegke xa ekhem nak: “Wesse', ekméssek xép ekpayheykekxa ewáxok, hakte etaqnagkamchek axta eykhe ko'o exchep, massék eyke m'a aplo, egkeyásékxeyk makham meyke ektáhakxa ewáxok.

Isaías 26:13

Wesse', Dios egagkok, nentemegkek negko'o kelwesse'e egagkok ma'a pók kelwesse'e nak, negya'ásegko' eyke exchep apteme wánxa Wesse' egegkok.

Isaías 26:8

Wesse', negyekpelchémók negko'óxa ektaqmalma nélxega m'a ámay senxekmóssamakxa nak ma'a segánamakxa apagkok. Egmenyeyk chá'a negko'o exchep kaxének egwáxok.

Isaías 28:29

Cháxa aptémakxa nahan elánekxak yaqwánxa etnehek ma'a Wesse' ekha nak apyennaqte. Yetneyk aqsok sempelakkasso nak agwetak ekxeyenma apwáxok elának ma'a, yetlo apya'áseykegkoho ekyawe nahan chá'a epenaksek apkelane.

Isaías 40:27

Israel, ¿yaqsa ektáha appaqméteyncha'a nak? Jacob, ¿yaqsa ektáha aptáha nak se'e? “Melányók ektémakxa sekha m'a Wesse' egegkok; mopmenyeyk hélanok ma'a Dios.”

Isaías 46:10

Ekxeyenmeyk axta ko'o yaqwánxa katnehek ektemegwánxa néxa m'a sekxók eyeynókxa axta; ekxeyenmeyk axta yaqwánxa katnehek egmonye' m'a sekxók megkatnamakxa axta makham. Axta ektemék ko'o s'e: Kalanaxchek sa' ma'a aqsok sekmáheyo nak alána'; alának sa' ko'o ekyókxoho m'a sekxeyenma nak alána'.

Isaías 46:11

Ekwóneyha ko'o xama énxet apkeñama nak teyapmakxa ekhem, makhawók sa' yenyeyk exegma', ektémól'a m'a náta ekyawe ekteykekxohol'a mók ápetek elánegwak sa' ekyókxoho m'a aqsok sekmáheyo nak alána'. Sa' atnehek alának aqsok ma'a sektáhakxa axta sekxeyenma, cham'a yaqwánxa axta atnehek, alának sa' nahan.

Isaías 49:4

Keñe axta ko'o ektéma élchetamso ewáxok se'e: “Chaqhémok sektamheykencha'a, eksawhomakyek sekyennaqte meyke sekwete xama aqsok.” Naqso' eyke aptaqmelchessama Wesse' egegkok ma'a ekyókxoho aqsok sélane nak chá'a, yetneyk ekyaqmageykekxa sektamheykha m'a aphakxa nak Dios ahagkok.

Isaías 49:5

Ekxawáyak ko'o ekha séláyo nápaqtók Dios Wesse' ahagkok, hakte cha'a apteme sénnaqtésso m'a. Aptáhak Wesse' egegkok se'e, ektáha axta sélane sekyetnamakxa kañe' méme awáxok yaqwayam atnehek apkeláneykha, yaqwayam enxoho wának elchexyók makham ma'a énxet'ák Israel, cham'a Jacob énxet'ák apagkok nak, yaqwayam enxoho elyepetchegwaták makham:

Isaías 61:10

¡Appeykásekxeyk ewáxok Wesse' egegkok! Awanhók agko' segkésso sélsawassamo m'a Dios ahagkok, hakte egkéssek ma'a nélwagkásamáxche teyp apagkok, ¡ewagkásawók ahagko' teyp! Máxa ektáhak ma'a ektémól'a énxet élyamhopma kélatchessessól'a apqátek ma'a apkelháxaqxo ektaqmalma, ektémól'a m'a xama kelán'a ekmáheyól'a kalyamhápok kélnáxegkáseykhal'a kólnatmeyásekxak ma'a élnatanma éltaqmalma.

Isaías 7:13

Tén axta aptáha Isaías se'e: “Kóleyxho kéxegke s'e, wesse' apwányam David aptawán'ák neptámen. ¿Kélanagkamcheya kexyókók kólya'aksek exma énxet, kélmako nak han kólya'aksek exma m'a Dios ahagkok?

Joel 2:26

Kóltawagkok sa' kéltéyak kéxegke ekwokmoho kélyaqkanakmo, kólteméssesek sa' nahan apcheymákpoho Dios Wesse' kélagkok, hakte élánéssegkek ko'o kéxegke ekyawe agko' aqsok ektaqmalma nak. Kamaskok agko' sa' elmegqeyk ma'a énxet'ák ahagkok,

Números 23:19

Maghawok negko'o m'a Dios nentáha nak énxet néletsapmo nak chá'a, metnehek apmopwána amya'a, meyaqmagkassemek nahan mók ma'a aqsok apxeyenma. Apxénchek agkok xama aqsok, elának nahan. Apxénchek agkok nahan élanak xama aqsok, elának nahan.