Isaías 24:8 - Biblia Enxet

⁸ Massegwokmek kéltekpageykha m'a kéltekpaga ekmátsa nak chá'a ageyxho' ekpáwà, tén han ma'a arpa, massegwokmek apyennegkessóxma m'a ekmátsa nak chá'a eneywagkok.

Isaías 24:8 ပူးပေါင်းရင်းမြစ်များ

Job 3:7

¡Tásók axtal'a katnehek megkate étche kelán'a xa axta'a nak, méko axta katnehek kélwehéseykha kélátseykha!

Job 30:31

Sélekxagweykha tamheykekxak sekháxenmo m'a arpa appáwà nak, keñe yámámok ekpáwà ektamheykegko sélapwayam.

Salmos 137:2

Ólchexnagkok axta chá'a arpa egagkok ma'a néten xóxeg, apkelámha axta m'a tegma apwányam nak.

Isaías 16:10

Kamaskok sa' ekpayheykekxa egwáxok tén han negátseykha m'a yókxexma; kamaskok sa' ma'a negwóncháseykha nak ekpayheykekxa egwáxok, tén han ma'a negmeneykmáseykha nak neyseksa anmen yámet kélcheneykekxa, kamaskok sa' nahan kalyaqhapaxchek ma'a anmen yámet ekyexna yaqwayam kalanaxchek ma'a égmenek. Massegwokmek ma'a nélpáxameykha nak negátseykha.

Isaías 5:12

Keytek chá'a kélháxenmo arpa apkelpáwá, tén han ma'a pók aptémakxa nak chá'a yát'axpog, tén han kéltekpaga nak chá'a tén han ma'a yámámok kélpáwasso nak. Awanhek nahan chá'a katnehek vino kéllane m'a ektámáxche ekyawe, keñe megkaxeyenma chá'a kélwáxok ma'a aqsok apkelane nak chá'a m'a Wesse' egegkok, megkólya'ásegkok ma'a aqsok apkelane nak.

Isaías 5:14

Mayhak ekyawe agko' átog ma'a takhaxpop, máxa m'a xama aqsok nawhak eklól'a kamayhek, yaqwayam kalmenaqsapok ma'a énxet'ák ekweykekxoho m'a apkelámha apmonye'e apagkok, cham'a énxet'ák ekmátsa nak chá'a eneywagkok yetlo apyennegkessóxma.

Jeremías 16:9

Hakte ektáhak ko'o sekpeywa s'e, sektáha nak Wesse' ekha sekyennaqte, Dios apagkok nak Israel: Amasséssók sa' ko'o élmeneykmásamáxche nak chá'a kélessawássessamo, tén han ekpayheykekxa nak chá'a egwáxok se'e apchókxa nak, tén han ma'a élmeneykmásamáxche nak chá'a sẽlyamhopma. Katnehek sa' kélyennákxa nak makham kéxegke xa, kéxegke kélagkok sa' nahan kólweta'.

Jeremías 25:10

Amasséssessók sa' ko'o nepyeseksa eklegamaxche m'a kélmeneykmasso nak chá'a ekhem kélessawássessamo, tén han élpayheykekxexa nak chá'a kélwáxok, tén han ma'a élmeneykmásamáxche nak chá'a sẽlyamhopma, tén han ma'a élaqtáweykha nak chá'a m'a meteymog kéltekxekxo, kamassegwók sa' nahan ekwetamaxche élsassóxma m'a cháléwasso.

Jeremías 7:34

Amasséssók sa' ko'o kélmeneykmasso nak kélessawássessamo tén han ekpayheykekxa egwáxok ma'a tegma apkelyawe nak Judá, tén han ma'a ámay nak Jerusalén, tén han ma'a negmeneykmasso nak chá'a sẽlyamhopma; meyke xama aqsok sa' katnekxak ekyókxoho xa apchókxa nak.”

Lamentaciones 5:14

Méko kaxwók apkelwányam ma'a atña'ák nak tegma apwányam; massék kaxwók eklegáxko apkelmeneykmasso m'a apketkok.

Ezequiel 26:13

Keñe sa' amasséssók ko'o nenlegayo m'a kélmeneykmasso, megkanyexchekxók sa' nahan chá'a kaxwók apkelpáwá m'a arpa kélagkok nak.

Ezequiel 28:13

Aphegkek axta m'a Edén, Dios yókxexma éltaqmalma apagkok nak, kélnáxegkáseykha axta m'a mók ektémakxa nak chá'a meteymog éltaqmalma: cham'a meteymog ekyexwasél'a, tén han ma'a yáma ekyátekto ekyepetchél'a yáma hó pa'at, tén han ma'a ekyennaqtél'a hó pa'at, tén han ma'a ekyátektól'a, tén han ma'a ekmopél'a élyenma, tén han ma'a éltaqmalmal'a ektáxama élmakteykha, tén han ma'a ekyápaqmatél'a, tén han ma'a ekyexwase agko' la'a, tén han ma'a hó pa'at la'a; sawo ekyátekto élmomnáwa axta m'a aqsok étkók éltaqmalma apagkok tén han ma'a apkelchenméhe nak, kéllánesso axta m'a sekxók axta apkelánamákpo.

Oseas 2:11

Amasséssessók sa' ekpayheykekxa awáxok, tén han ma'a élsawássessamókxa nak chá'a, tén han ma'a pelten aphaxnagkok, tén han ma'a ekhem sábados, tén han ma'a ekyókxoho élsawássessamókxa nak chá'a ekhem.

Amós 6:7

Kéxegke sa' kélmonye'e kólnaqlakxak megkatnahakxa kélókxa, kamaskok sa' ekyennameykha exma neyseksa kélláneyak ektámáxche ekyawe.