Isaías 24:22 - Biblia Enxet

²² yánchásekxak sa', exatmok sa' kañe' magmowagkexa nak antépok, exnésha sa' kañe' negmomaxchexa, nanók sa' nahan katnehek ellegássesagkoho'.

Isaías 24:22 ပူးပေါင်းရင်းမြစ်များ

Isaías 10:4

Sa' agkok kéxegke kólháxahagkok nepyeseksa m'a apkelmomap nak tén han ma'a aptekyawa axta neyseksa kempakhakma, kóletsaphok sa' xamo'. Makke kamassak makham aplo m'a Wesse' egegkok; xénchek makham apwáxok ellegássesagkoho'.

Isaías 2:19

Apkempákxeyk sa' agkok néten Wesse' egegkok, apsawheyáseykxoho sa' apyawheyáseykha m'a xapop, elántexek sa' énxet'ák ma'a meteymog áxwa, cham'a kañe' xapop nak; elyexanmok sa' apmonye' m'a Wesse' egegkok negáyo nak, elyexanmok sa' amonye' m'a Wesse' apcheymákpoho.

Isaías 24:17

Máxa aqsok nawha'ák sa' etnahagkok ma'a énxet'ák apheykha nak keso náxop, apmenxeneykhal'a apkelnempaqwayam, essenhan ma'a ketók ekpalleykenxal'a máxek, tén han élmomakxa kelhanma.

Isaías 42:22

kélmenyexchessegkek eyke chá'a aqsok apagkok xa énxet'ák nak, kélyementamomchek nahan chá'a, apyókxoho nahan apkelmomakpok chá'a, kélxatamchek chá'a m'a kañe' magmowagkexa nak antépok; kélmomchek chá'a xa énxet'ák nak méko nahan xama énxet enxoho yaqwayam elántekkesek, kélpóssegkek chá'a, méko nahan chá'a xama énxet enxoho yaqwayam elwagkasek teyp.”

Ezequiel 38:8

Kalyeykhagkok sa' apyeyam, exkak xép yaqwayam etxek ma'a xama apchókxa ekyetnamakxa axta kempakhakma, kélxátekháseykekxeyk eyke makham ma'a; cham'a xama apchókxa apkexpánma axta énxet ekxámokma agko' ma'a apkelókxa apheykegkaxa nak chá'a pók aptémakxa énxet'ák tén han kélmassesseykmoho kélagkók axta, kéláncheseykekxeyk eyke makham ma'a egkexe élekhahéyak nak Israel. Apkelweykteyk makham apkelenyekto m'a ekyókxoho apkelókxa, tásek sa' nahan katnehek apheykha apyókxoho m'a.

Zacarías 9:11

Keso aptáhakxa nak appeywa Wesse' egegkok se'e: “Jerusalén, alántekkesek sa' ko'o kañe' máxek meyke nak yegmen ma'a énxet'ák kélagkok kélxata axta kañe', eñama m'a éma kélteméssesso axta ekmámnaqsoho agko' ekhémo mók nélpaqhetchásamáxkoho.

Zacarías 9:12

Kéxegke, kélmomaxche nak, megkólwatésseyam nak kélhaxanma yaqwayam kólmeyekxak makham ma'a kélxagkok apyennaqte. ¡Kólchexyem makham! Éltennássek ko'o peya ayeykhássamhok sekmeyáseykekxa ektaqmalma kélheykha m'a ekwánxa axta kéllegeykegkoho.