Isaías 24:20 - Biblia Enxet

²⁰ Máxa anmen áto' sa' katnehek kayawheykha, máxa tegma aphápak sa' katnehek kayawheykha meykel'a apyennaqte apkelánamap. Yentexók agkók ma'a megkay'assáxma, teyekmek sa' agkok, megkólxátekhásekxeyk sa' chá'a.

Isaías 24:20 ပူးပေါင်းရင်းမြစ်များ

Génesis 41:31

Kalwagqamaxchek sa' ma'a ektémakxa ekxámokma nento, hakte awanhek sa' katnehek ma'a meyk segaqhe.

Job 12:25

apkelpaknameykegkaxa nak chá'a elxog neyseksa ekyáqtessóxma, elyawheykha chá'a aptémól'a anmen át'ák.

Salmos 107:27

Máxa anmen át'ák axta aptamheykegkok apkelyawheykencha'a; ¡mékoho axta tamheykekxak ma'a ektémakxa axta apkelmopwancha'a aqsok!

Salmos 38:4

Eyeykhágweykmók ko'o may'assáxma; yentexók agko', malenmáxamáxche'.

Isaías 1:28

alyaqtennagkok sa' eyke m'a élyennaqte nak apkelwáxok tén han ma'a melya'assáxma nak, eletsapok sa' ma'a seyamasma nak.

Isaías 1:8

Sión aqsa kéméxche', máxa kélpakxanmal'a entemék ekyetnama axakkók ma'a neyseksa nak anmen yámet kélcheneykekxa, máxa tegma kélpakxanmal'a aqsa néten meyke kóneg entemék ekyetnama axakkók ma'a nepyeseksa nak yánsamáne kélcheneykekxa, máxa tegma apwányam apwakhél'a apkelenmexma entemék ekyetnama axakko'.

Isaías 19:14

Melya'áseyak aqsok apteméssessók Wesse' egegkok ma'a; cháxa apkelyetnakhássesseykmo nak chá'a ekyókxoho aqsok apkelánéyak ma'a énxet'ák Egipto, ektémól'a m'a anmen áto' apyekxéyak la'a tén han apkelyawheykhal'a.

Isaías 24:1

Kóllano, esawhohok sa' aqsok Wesse' egegkok keso náxop, yetsagkasek sa', ekmaso sa' etnessásekxa', yexpánchesek sa' énxet'ák apheykha m'a kañe'.

Isaías 28:7

Yetneyk nahan chá'a nápakha apkelyawheykha eñama élnapma vino tén han élpelápagkáseykha chá'a m'a anmen ekyennaqte segaqhamól'a: apkelyawheykha chá'a m'a apkelmaxnéssesso nak Dios énxet'ák apagkok tén han ma'a Dios appeywa apkellegasso nak eñama élnapma m'a anmen ekyennaqte segaqhamól'a, kelyeykessegkexma m'a vino; kelpelápagkáseykha m'a anmen ekyennaqte segaqhamól'a, elyawheykha chá'a m'a apkelwet'a enxoho aqsok kélxekmósso, kalnápok nahan chá'a m'a apkelxéna enxoho yaqwánxa kólteméssesek xama énxet.

Isaías 29:9

¡Kóllenxanmagkoho aqsa kéxegke kélteme élyeyháxma! ¡Kóllenxanmagkoho aqsa kélteme meyke kélaqta'ák, meyke kélwete xama aqsok! ¡Kóllenxanmagkoho aqsa kélyawheykha aptémól'a m'a anmen áto', neyseksa megkólyenéyak eykhe m'a anmen segaqhamól'a!

Isaías 38:12

Éllekkessek sekpakxanma, élyementegke', máxa m'a ektémól'a kóllók keláneykha nepkések appakxanma. Máxa temék sekyókxa m'a ektémól'a yátépépe' apagkok ma'a xama énxet apchótmo nak chá'a, kélyaqtónmal'a nepxet. Yókxoho ekhem señassáseykegkoho tén han yókxoho axta'a.

Isaías 43:27

Apkeláneykegkek axta melya'assáxma m'a apmonye'e axta apyapmeyk nano', énmexeykekxeyk axta m'a apkelxekmósso axta exchep,

Isaías 66:24

“Elchexyók sa', elwetágwaták sa' énxet aphopák ektáha axta ko'o sénmexeykekxa. Meletsepek sa' ma'a yápa apketkók ektáha nak apto, megkaspónhek sa' nahan ma'a táxa ektáha nak élwatno. ¡Yetsek sa' elanok ma'a apyókxoho énxet'ák!”

Jeremías 25:27

Tén axta aptáha seyáneya Wesse' egegkok se'e: “Eltennés sa', ko'o sektáha nak Wesse' ekha sekyennaqte, Dios apagkok nak Israel, séltamho énagkok ekweykmoho élnapa tén han apkelyekxágko, tén han ekwokmoho apkelyaqnenágko náxop, yaqwayam enxoho melchempekxeyk néten, eñama m'a kempakhakma peya nak ko'o waha'.

Jeremías 4:24

Énmexawók axta m'a élámhakxa nak meteymog élekhahéyak, kelpexyennegkek axta; kelyawheykha axta ekyókxoho m'a egkexe nak.

Jeremías 51:29

Yawheyha xapop, pexyennegkek nahan, hakte apkelanak Wesse' egegkok ma'a ekxeyenma axta apwáxok elána', apmáheyo etnéssásekxak Babilonia meyke xama aqsok ekmaso agko'.

Jeremías 8:4

“Jeremías, eltennés sa' énxet'ák se'e amya'a sektáhakxa nak ko'o sekpeywa: “Apyaqnenchek agkok chá'a xama énxet yempekxak chá'a néten; apxegánegwokmek agkok chá'a m'a ámay, etaqhegwók chá'a.

Lamentaciones 1:14

Apweteyak ko'o may'assáxma m'a Wesse' egegkok; etéteykekxeyk han ma'a, máxa yámet ekyentaxno temék sekpatmeykencha'a: ¡masséssegkek sekyennaqte! Egkéssegkek ko'o Wesse' egegkok ma'a énxet'ák mamowána nak alenmexekxa'.

Daniel 11:19

Emyekxak sa' eyke makham wesse' apwányam ma'a tegma apkelyennaqte apagkok apchókxa nak; kasógwakxak sa' eyke apxega, yetsapok sa', megkólya'asagkehek sa' han ektáhakxa.

Amós 8:14

Elyaqnenagkok sa' meyke apkelchampeykekxa néten ma'a apteméssesso nak chá'a naqsók apkelmésso apkelpeywa m'a aqsok kéláyókxa nak Samaria, apteme nak chá'a apkelpeywa s'e: ‘Negásenneykekxeyk chá'a negko'o m'a aqsok apcháyókxa nak ma'a Dan’, Negásenneykekxeyk chá'a negko'o m'a aqsok kéláyókxa nak ma'a Beerseba.”

Nahúm 1:5

Kalpexyennók chá'a apmonye' m'a meteymog élwenaqte nak; kalpayhekxak chá'a apmonye' m'a xapop élekhahéyak nak. Kayawheykha chá'a xapop ekwet'a enxoho; tén han ma'a ekyókxoho yókxexma nak keso náxop, ekweykekxoho m'a ekhéyak nak awáxok.