Isaías 24:18 - Biblia Enxet

¹⁸ Máxek sa' etyamok chá'a m'a apyexánegkesso nak chá'a apkelnempaqwáméyak, keñe sa' ma'a apteyapma nak chá'a kañe' máxek kamok kelhanma. Mámeye ekwányam sa' kaweywenták néten keñe sa' kayawheykha m'a xapop awhak nak.

Isaías 24:18 ပူးပေါင်းရင်းမြစ်များ

Génesis 19:24

keñe axta Wesse' egegkok appalchesánto táxa, tén han aqsok ánek ekyátekto eyáléwomo nak, néten Sodoma tén han Gomorra;

Génesis 7:11

Chaqhawók axta m'a diecisiete ekhem ektáhakxa nak apqánet pelten, seiscientos apyeyam apagkok axta temék ma'a Noé. Cháxa ekhem élmayhékxexa axta m'a éleñamakxa nak chá'a yegmen kóneg ma'a wátsam ekwányam, kelmayhekxeyk axta han atña'ák ma'a néten élmeykegkaxa nak chá'a yegmen.

2 Reyes 7:2

Apchátegmowágkek axta apyetleykencha'awól'a chá'a wesse' apwányam ma'a Dios appeywa aplegasso: —Elmeykesagkok sa' eykhe Wesse' egegkok átog étkók ma'a néten, megkatnehek sa' eyke xa aptáhakxa nak. Apchátegmowágkek axta Eliseo: —Apaqta'ák apagko' sa' eykhe étak xép xa, metwehek sa' eyke.

Job 20:24

Kegketchek sa' agkok ma'a sókwenaqte, yágke sa' kathanyekxa' élánamáxche nak sawo ekyexwase.

Salmos 18:15

Yáxña'akxoho axta tamheykekxak ma'a neysekso nak wátsam; negwetayók axta m'a awhak nak xapop, eñama Wesse' egegkok appeywa ekyennaqte agko', tén han apwátekhapma ekyennaqte.

Salmos 18:7

Yetlómok axta ekyawheykha xapop ekyennaqte agko': kelyawheykha axta m'a egkexe ekweykmoho m'a awhók nak; Wesse' egegkok aplo axta kelyawheyáseykha.

Salmos 18:8

Apwéhek axta teyapmak ekpánma, keñe apátog ekteyapma táxa segaqhamo nak; ¡apátog axta kelánteyapmak átex éláléweyak nak!

Eclesiastés 9:12

Méko ekya'ásegkoho ekwánxa kammok néxa ekhem agkok: ekhawo ektémakxa nak kelasma kólmok yám'én, keñe náta ma'a kelhanma, cháxa ektémakxa nak han énxet xa, katlakkasek aqsa chá'a káhapwak aqsok ekmaso neyseksa melhaxanma.

Isaías 13:13

Keñe sa' kalpexyennók ma'a néten, kaqxegmakha sa' nahan ekyetnamakxa m'a xapop seklawa sa' ko'o xa ekhem nak, cham'a seklawa ahagko' sa'.

Isaías 2:19

Apkempákxeyk sa' agkok néten Wesse' egegkok, apsawheyáseykxoho sa' apyawheyáseykha m'a xapop, elántexek sa' énxet'ák ma'a meteymog áxwa, cham'a kañe' xapop nak; elyexanmok sa' apmonye' m'a Wesse' egegkok negáyo nak, elyexanmok sa' amonye' m'a Wesse' apcheymákpoho.

Isaías 2:21

elántexek sa' ma'a kañe' meteymog áxwa, cham'a meteymog élyawe nak áxwa, yaqwayam elyexanmok apmonye' m'a Wesse' egegkok negáyo nak, elyexanmok sa' amonye' m'a Wesse' apcheymákpoho, cham'a apkempákxo sa' néten tén han apsawheyásekxoho sa' apyawheyáseykha m'a xapop.

Isaías 42:22

kélmenyexchessegkek eyke chá'a aqsok apagkok xa énxet'ák nak, kélyementamomchek nahan chá'a, apyókxoho nahan apkelmomakpok chá'a, kélxatamchek chá'a m'a kañe' magmowagkexa nak antépok; kélmomchek chá'a xa énxet'ák nak méko nahan xama énxet enxoho yaqwayam elántekkesek, kélpóssegkek chá'a, méko nahan chá'a xama énxet enxoho yaqwayam elwagkasek teyp.”

Isaías 8:14

Sa' etnehek apho kelhanma kélagkok kéxegke m'a; sa' etnehek meteymog yaqwayam kalpelápagkasek ma'a, cham'a yaqwayam sa' kalyaqnegkesagkok ma'a ánet apchókxa ekhéyak nak ma'a kañe' Israel; etnehek sa' ektémól'a xama kelhanma, yaqwayam sa' kalmok ma'a énxet'ák apheykha nak Jerusalén.

Jeremías 48:43

Cháxa keñamak sektáha nak ko'o sekpeywa, ko'o sektáha nak Wesse': Máxa aqsok nawha'ák sa' etnahagkok ma'a énxet'ák Moab, apmenxeneykhal'a apkelnempaqwayam, essenhan ma'a ketók ekpalleykemxal'a máxek, tén han élmomakxa kelhanma.

Jeremías 48:44

Máxek sa' etyamok chá'a m'a apyexánegkesso nak chá'a apkelnempaqwáméyak, keñe sa' ma'a apteyapma nak chá'a kañe' máxek kamok kelhanma, hakte wahak sa' ko'o apkellegeykegkoho m'a énxet'ák Moab. Ko'o sekxeyenma xa, sektáha nak Wesse'.

Lamentaciones 3:47

nélmenaye, kelhanma, sẽlmassésseyam, tén han ekmaso negha, ¡cháxa sentéma nak negko'o xa!

Ezequiel 11:8

¿Kélakaya kempakhakma? Wáphaksek sa' ko'o kempakhakma kélnepyeseksa kéxegke. Ekméssek ko'o sekpeywa, sektáha nak Wesse'.

Ezequiel 12:13

Ayenyenták sa' eyke ko'o takhapxet yám'én ahagkok, keñe sa' kamok ma'a. Eyntemekxak sa' ma'a Babilonia, caldeos apchókxa nak, métyehek sa' eyke m'a xapop nak, sa' yetsapwók ma'a.

Ezequiel 15:7

Sélenmexma sa' ko'o atnehek xa énxet'ák nak. Elmallánek sa' ma'a xama táxa, keñe sa' ma'a mók táxa nak kalwatnek. Ekxénchek sa' agkok ko'o sektáha sélenmexma m'a, kólya'ásegwók sa' kéxegke sektáha ko'o Wesse'.

Amós 5:18

¡Énxet'ák sa' laye, élpekhésso nak kawak Wesse' egegkok ekhem apagkok! ¿Kélya'ásegkóya kéxegke yaqwánxa katnehek xa ekhem nak? Ekyáqtéssóxma sa' katnehek, háwe sa' élseyéxma.

Amós 5:19

Sa' katnehek ma'a ektémól'a xama énxet yenyehek étak méwa, keñe ethanyohok xama óso, essenhan ma'a ektémól'a énxet aptaxnegweykekxal'a kañe' apxagkok, apyepetchegweykekxal'a nápakha tegma, keñe katakxek yéwa.