Isaías 22:25 - Biblia Enxet

²⁵ “Kayawheykha sa' láwa kélyaqxaqxamakxa axta ekyennaqte agko' xa ekhem nak; kóllók sa', keñe sa' katyamok, keñe sa' ma'a ekyókxoho aqsok kélmakheyáseykha axta m'a, kalpaqxek sa'.’” Wesse' egegkok ekha nak apyennaqte, apxeyenma xa.

Isaías 22:25 ပူးပေါင်းရင်းမြစ်များ

Salmos 146:3

Nágkólawho chá'a énxet ekyawe nak kéláyo, cham'a énxet apkeletsapmo nak chá'a, megkamopwána nak hegwagkasek teyp,

Salmos 52:5

Emasséssamhok apagko' sa' eyke han xépxa m'a Dios: emok sa', keñe sa' etekkesek ma'a apxagkok nak; yaqhek sa'.

Isaías 22:23

Máxa taháno ekyawe eyeymáxkoho apagkok sa' etnehek ma'a ekheykha nak apyáp apxagkok. Awasqakkasek sa' ko'o m'a aphamakxa nak. Máxa sa' atnéssesek ma'a ektémól'a láwa kélyaqxaqxól'a ekyennaqte.

Isaías 22:24

Sa' kólmakhésha chá'a ekyókxoho aqsok élmomnáwa ekyetnakxa nak chá'a m'a apyáp apnámakkok, tén han ma'a apyókxoho aptawán'ák neptámen nak, tén han ma'a ekyókxoho mók ektémakxa nak chá'a aqsok étkók kélmeykegkaxa, cham'a egheykok nak ekweykekxoho m'a yátegwáxwa.

Isaías 46:11

Ekwóneyha ko'o xama énxet apkeñama nak teyapmakxa ekhem, makhawók sa' yenyeyk exegma', ektémól'a m'a náta ekyawe ekteykekxohol'a mók ápetek elánegwak sa' ekyókxoho m'a aqsok sekmáheyo nak alána'. Sa' atnehek alának aqsok ma'a sektáhakxa axta sekxeyenma, cham'a yaqwánxa axta atnehek, alának sa' nahan.

Isaías 48:15

Ko'o axta sekxeyenma xa, ko'o axta seyáneyeykha tén han séltémo exegma', tásek sa' chá'a katnehek apwayam ma'a apmahágkaxa enxoho chá'a.

Jeremías 4:28

Kasawhekxohok sa' ekyaqhapmóxma náxop, keñe sa' néten kayaqtések exma. Ekxénchek ko'o xa, megkaqhek sa' nahan ewáxok, ekpenchessek yaqwayam alána', malwátéssemek sa' nahan.

Ezequiel 5:13

Keñe sa' kamaskok seklo; wánxa sa' atnehek séltaqnawéyak ma'a, awanmeyekxak sa'. Massék sa' agkok ko'o séltaqnawéyak ma'a, elya'ásegwók sa' ektáha ko'o sekxeyenma sélmeyeykha ekyawe agko', ko'o sektáha nak Wesse'.

Ezequiel 5:15

Élanak sa' agkok ko'o yetlo seklómo ahagko' ma'a sekxénakxa axta atnéssesek xeye', tén han seklegassásegkoho sa' ekyawe agko', apyókxoho énxet sa' ewanyaha, etaqnawak sa' nahan, ekpexchesso apyempe'ék ekyawe agko' sa' katnéssesek ma'a énxet'ák apwakhaya nak neyáwa'. Ko'o sekxeyenma xa, sektáha nak Wesse'.

Ezequiel 5:17

Naqso', wáphaksek sa' ko'o kélnepyeseksa kéxegke m'a meyk, negmasse tén han ma'a nétsapma, tén han ma'a aqsok nawha'ák éllo yaqwayam sa' katnéssesek meyke kélketchek; wának sa' nahan ko'o kóltekyók kélxámokma kélagko' ma'a neyseksa kempakhakma. Ko'o sekxeyenma xa, sektáha nak Wesse'.”

Miqueas 4:4

Apyókxoho énxet'ák sa' exmakha meyke apkelaye, exmakha sa' ellókasek apkelyampe kóneg anmen yámet pessesse agkok, tén han kóneg higo yámet. ¡Wesse' egegkok ekha apyennaqte appeywa xa!