Isaías 22:18 - Biblia Enxet

¹⁸ máxa aqsok ekyaqye sa' etnéssesek éttelegwasagkok, eyensók sa' ma'a ekyawakxa nak exma xapop. Sa' yetsapwók ma'a. Sa' kaxnagwók yátnáxeg apkelyenyawasso apagkok eyaqheykencha'a nak chá'a apwáxok ma'a, emegqaksek sa' xép ma'a wesse' apagkok tén han ma'a ekheykha nak apxagkok.

Isaías 22:18 ပူးပေါင်းရင်းမြစ်များ

Job 18:18

Kólyenyók sa' ekyáqtésakxa exma apkeñama m'a élsakókxa exma; kóltekkesek sa' keso nélwanmeygkaxa.

Salmos 52:5

Emasséssamhok apagko' sa' eyke han xépxa m'a Dios: emok sa', keñe sa' etekkesek ma'a apxagkok nak; yaqhek sa'.

Isaías 17:13

Xama axta apkelpaqhetchesa ekyennaqte agko' ma'a Dios, makhawók axta apkelmahágkok apkelyexanma, axta aptamhágkok ma'a ektémól'a pa'at kalsók éxchahayam ma'a yókxexma, ektémól'a am'ák kalpexyawasagkok náxop kalsók ma'a éxchahayam ekyennaqte agko'.

Isaías 22:17

Eyensók sa' xép makhawók agko' ma'a Wesse' egegkok, apteméssessamól'a m'a énxet ekyennaqte nak apyempehek. Énnaqtések sa' apyempehek emok,

Amós 7:17

Keso aptáhakxa nak appeywa Wesse' egegkok se'e: ‘Kelán'a ekyaqmagkáseyak pók énxet ektegye selyaqye sa' katnehek aptáwa' exchep ma'a nepyeseksa nak tegma apwányam, keñe sa' apketchek apkelennay'a tén han kelwán'ák, kólyetxeygkok chá'a sawo kólnápok; xama aqsok sa' katwasaxchek kólexpánchesek ma'a xapop apagkok, yetsapok sa' xépxa m'a xapop apagkok nak énxet'ák melya'áseyak nak Dios, keñe sa' israelitas elmakpok, kólnaqlók makhawók agko' ma'a apchókxa.’