Isaías 22:16 - Biblia Enxet

¹⁶ “¿Yaqsa apkelánéya exchep se'e? ¿Yaqsa ekmésso yaqwayam yának kalanaxchek xama takhaxpop se'e? ¿Yaqsa éltémo yának kóllánegwók xama sẽlátawanyamakxa m'a néten nak? ¿Yaqsa éltémo yának kólmétawók meteymog ma'a néllókassamakxa nak chá'a nélyampe?

Isaías 22:16 ပူးပေါင်းရင်းမြစ်များ

Génesis 50:5

xama axta apmáheyo yetsapok táta apkeltémok axta atnéssesek naqsók wátawanyegwakxak ma'a takhaxpop, appenchessamo axta apma, ekyetnama nak ma'a Canaán. Éltamhók ko'o heyhok amyekxak wátawanyegwakxak táta m'a; ekpenchessek sa' agkok seyátawanye, eyxyamok sa' makham.

2 Samuel 18:18

Apkeltémok axta han kóllanaksek xama meteymog ekyawe Absalón megyetsapmakxa axta, ekxénweykekxoho chá'a kélwáxok, ekyetnama nak ma'a éltamhomaxchexa nak Ekyapwátegweykenxa Xapop Wesse' Apwányam, appekkenmeyk axta han apwesey, hakte méko axta xama enxoho apketche neptámen yaqwayam eleyxchesek. Makhemek makham éltamhomaxche “Absalón ekxeyenweykekxoho kélwáxok xa meteymog nak”.

2 Crónicas 16:14

tén axta kélátawanyegwákxo m'a takhaxpop apkeltémo axta kóllanaksek ma'a David Tegma Apwányam apagkok. Kélpekkenchek axta néten taháno, yetlo sokmátsa, tén han ma'a mók ektémakxa nak chá'a pánaqte áwa' élmátsa nak élpaqneyam kéltaqmelchessamo nak kéllane. Tén axta kéláléwássesa ekyawe agko' táxa.

Job 3:14

yetlo m'a kelwesse'e apkelwányam tén han apkeláneykha apkeltémo axta kóllánésagkok tegma apkelyawe apkeltaqmalma,

Isaías 14:18

Apyókxoho kelwesse'e apkelwányam apkelókxa chá'a apkeletsapmak yetlo kéláyo, yetneyk chá'a takhaxpop apagkok apagko' xama;

Isaías 14:19

keñe exchep kélyenyawa aqsa megkatnahakxa takhaxpop, máxa m'a aqsok ápak kélyamasmal'a megkaleklól'a kélwáxok kóllano', máxa m'a kélhápak élteyammomáxchel'a nepyeseksa m'a énxet'ák aptekyawa, kélyaqténcháséyak la'a apyespa'ák, kélchexakhál'a m'a kañe' máxek ekxámokmakxal'a m'a meteymog.

Isaías 22:17

Eyensók sa' xép makhawók agko' ma'a Wesse' egegkok, apteméssessamól'a m'a énxet ekyennaqte nak apyempehek. Énnaqtések sa' apyempehek emok,

Isaías 52:5

Keñe kaxwo', ¿Yaqsa sekwet'a? Meykexho aqsok ekmaso apkelánéyak kélnaqlákxak énxet'ák ahagkok ma'a Babilonia. Apkeleykpók apkelpaqméteyncha'a ekyennaqte m'a ektáha nak apkelma, megkeytyapweykmok selókáséyak.

Miqueas 2:10

¡Kólchempekxa néten! ¡Kólxeg! Háwe néllókassamakxa negyampe s'e; kólmasséssók sa' meyke eyeymomáxche eñama ekyetno élánamáxche aqsok ekmaso m'a kañe'.