Isaías 22:14 - Biblia Enxet

¹⁴ Tén axta sexekmowásekpoho ko'o m'a Wesse' ekha nak apyennaqte. Aptáhak axta seyáneya s'e: “Malásekhekxók sa' ko'o xa megkólya'assáxma nak; kóletsapok sa' kéxegke eñama xa kéltémakxa nak.” Wesse' egegkok ekha nak apyennaqte appeywa xa.

Isaías 22:14 ပူးပေါင်းရင်းမြစ်များ

2 Samuel 6:23

Keñe axta Mical ektéma megkate étche, ekweykmoho étsapma.

Isaías 13:11

Aptáhak Wesse' egegkok se'e: “Allegássesagkohok sa' ko'o apyókxoho énxet'ák eñama apkeltémakxa élmasagcha'a, keñe sa' ma'a énxet'ák élmasagcha'a agko' nak apkeltémakxa allegássesagkohok eñama m'a apkelánéyák aqsok ekmaso agko'. Amasséssessók sa' ko'o ektémakxa nak éleymáxkoho apkelwáxok ma'a énxet'ák apkeleymákpoho nak, mékoho sa' ko'o atnessásekxak ma'a megyésso nak eleykpoho tén han ma'a megkalyexnegwayam nak chá'a apkelpeywa elwanyaha apnámakkok.

Isaías 26:21

Hakte etyapok sa' Wesse' egegkok ma'a aphamakxa nak chá'a yaqwayam ellegássesagkohok apkeltémakxa melya'assáxma m'a énxet'ák apheykha nak keso náxop, kamaskok sa' kakpósek kaxwók énxet apmatñà keso náxop, yáxñakxoho sa' kapekkenekxak ma'a ektémakxa nak chá'a ekyetno apyógkexma énxet ma'a kañe'.

Isaías 30:13

cháxa keñamak kéltáha nak kélsexnánémaxche kélagko' kéxegke. Kélhawók ma'a meteymog kélhaxtal'a nepyáwa tegma netna'awo élmayhel'a, ekpelakkassól'a aqsa kayaqnenek neyseksa megkaxeyenma kélwáxok katnehek;

Isaías 31:2

Apwanchek eyke nahan aqsok ma'a, apwanchek etekkesek ma'a ekmaso nak negha, apxénchek agkok xama aqsok, elának nahan. Yenmexek sa' ma'a énxet'ák élmasagcha'a nak apkeltémakxa, appasmo nak chá'a m'a apkeláneykegkoho nak aqsok ekmaso.

Isaías 5:9

Naqsók ko'o aptáha appeywa seyáneya Wesse' ekha nak apyennaqte s'e: “Apxámok sa' tegma kólmasséssók; cham'a apkelyawe nak tén han ma'a apkeltaqmalma nak, méko sa' kaxnekxak xama m'a.

Isaías 65:20

Méko sa' xama sakcha'a yetsapok aptáhakxoho ketchetsék ma'a kañe' nak, méko sa' nahan xama enxoho apwányam yetsapok aqsa neyseksa mewagkasso néxa apteme apwányamo. Apketsapma nak cien apyeyam apagkok exénakpok sa' apketsapma apketkok, keñe sa' ma'a mewayam nak cien apyeyam apagkok, exénakpok sa' aptaqnómap.

Isaías 65:7

ekhawo nak chá'a apkeláneyak aqsok ekmaso agko' ma'a ekweykekxoho m'a apyapmeyk nak. Apkelwatneykegkek chá'a néten meteymog élekhahéyak ma'a aqsok ekmátsa nak ekpaqneyam éten agkok, elókáseykegkek chá'a m'a néten egkexe nak. Alyetsetchásekxak sa' sekxók apkeltémakxa ekmaso, keñe sa' atnéssesek ma'a ekpayhawo nak atnéssesek.” Wesse' egegkok apxeyenma xa.

Ezequiel 24:13

“Jerusalén, ekmáheyók axta eykhe ko'o amópessásekxak ektémakxa ekmanyása élane ektémakxa megkamasexta, axta eyke káxñeykekxak émpehek. Wánxa sa' eyke aqsa amasséssesek ma'a sekyenyento sa' seklo neyseksa exche'.

Amós 3:7

Melanyek chá'a aqsok Wesse' egegkok mexekmósa enxoho chá'a sekxók aqsok apxekmósso m'a apkeláneykha, apkellegasso nak appeywa.

Amós 8:7

Naqsók aptáha appeywa Wesse' egegkok, apxéna ektémakxa nak apcheymákpoho Jacob se'e: “Mehelwánaqmeyk sa' chá'a m'a aqsok kéllánéyak axta.”

1 Samuel 3:14

Naqsók axta ko'o sekxeyenma Elí apnámakkok megkamassésaxcheyk chá'a xama enxoho m'a apkeltémakxa ekmaso, yawanchek kamasseksek ma'a aqsok apkelnapma nak, essenhan ma'a aqsok sélmésso naqsa nak chá'a.

1 Samuel 9:15

Nanók axta eyke apxekmósso Wesse' egegkok Samuel yaqweykenxa katnehek, amonye' apwayam ma'a Saúl. Axta aptáhak apcháneya s'e: