Isaías 22:1 - Biblia Enxet

¹ Xapop ekyapwate ekwesey nak sẽlxekmóssamakxa aqsok ekxénamaxche yaqwánxa kólteméssesek: ¿Yaqsa ektáha kélchánta nak kélyókxoho néten tegma?

Isaías 22:1 ပူးပေါင်းရင်းမြစ်များ

Génesis 21:17

Apleg'ak axta eyke Dios apwóno m'a sakcha'a, apwóneyha axta han Dios apchásenneykha Agar ma'a néten. Aptáhak axta apcháneya s'e: “¿Yaqsa ektáha Agar? Nágkatneykha awáxok, apleg'ak Dios apwóno sakcha'a m'a apyetnakxa nak.

2 Samuel 14:5

—¿Yaqsa ektáha? —axta aptáhak apkelmaxneyáncha'a wesse' apwányam. Chátegmowágkek axta m'a: —Tampe' ko'o, apketsepmeyk etáwa',

2 Reyes 6:28

¿Yaqsa eyke ektáha exche'? Chátegmowágkek axta m'a kelán'a: —Keltamhók xeyk ko'o agkések hatte s'e kelán'a nak yaqwayam antók se'e sakhem nak, keñe ekxéna saka antók ma'a étche nak.

Salmos 114:5

Wátsam ekwányam, ¿yaqsa axta ektéma eyaqxegeykegkokxo? Yegmen Jordán, ¿yaqsa axta ektéma ekmassama ényé?

Salmos 125:2

Aptemék Wesse' egegkok apwakhaya énxet'ák apagkok ma'a ektémakxa nak egkexe ekwakhaya m'a Jerusalén, keso kaxwo' nak tén han megkatnégwayam néxa;

Proverbios 29:18

Kayeykhágwomhok agko' chá'a apkeltémakxa élyeyháxma énxet'ák meykexa enxoho chá'a appékessáseyak ma'a Dios; ¡apkeleñémo énxet'ák apkelyeheykekxoho nak chá'a Dios segánamakxa apagkok!

Isaías 13:1

Keso amya'a ekxénamaxche axta yaqwánxa katnehek kéllegassáseykegkoho m'a Babilonia, apxawe axta eñama kélxekmósso m'a Isaías, Amós apketche nak:

Isaías 15:3

Apyókxoho énxet axta nahan chá'a apkelxegak ámay apkelántaxneykekxa m'a apáwa magkenatchesso nak senlapwayam; kelpayheyha axta chá'a apatña'ák apkellekxagweyncha'a m'a néten apxanák nak. Apyókxoho énxet axta nahan kellapwámegkok ma'a apkelweynchámeykegkaxa nak chá'a énxet, apkellekxagweyha axta chá'a.

Isaías 22:5

Hakte appekkenchek axta Wesse' ekha nak apyennaqte yaqwayam kawak xama ekhem negyegwakto tén han sẽlmassésseyam tén han magya'áseyak nentáhakxa m'a xóp ekyapwate ekwesey nak sẽlxekmóssamakxa aqsok. Apkelyaqnegkásegkek ma'a meteymog kélhaxta nak nepyáwa tegma; wokmók élpayheykha kélatña'ák ma'a néten meteymog élekhahéyak nak.

Jeremías 19:13

Apkelmanyása sa' etnahagkok tegma nak Jerusalén, tén han ma'a tegma apkelyawe apagkok nak ma'a kelwesse'e apkelwányam Judá, tén han ma'a néten tegma kélméssamakxa axta chá'a aqsok ánek ekmátsa nak ekpaqneyam éten agkok ma'a apyókxoho yaw'a, tén han kélyegkenmakxa axta chá'a vino kélmésso m'a mók aqsok kéláyókxa nak, ektéma nak ma'a Tófet.’”

Jeremías 21:13

“Tegma apwányam apyetnama nak néten apsawheykekxoho nak chá'a apkelányo m'a ekyapwátegweykenxa xapop ektémól'a meteymog émhal'a m'a neyseksa ekpayhegweykenxa xapop, ekxénchek ko'o ataqnók xép, ko'o sektáha nak Wesse'. Kóltéhek chá'a kéxegke kólpaqmétek se'e: ¿Yaqsa awanchek hegketámegmak negko'o? ¿Yaqsa awanchek kawak se'e nélyexanmomakxa nak negko'o?

Jeremías 32:29

Elántexek sa' caldeos apketámeyak nak ma'a tegma apwányam, ewatnekxak sa'; elwatnohok sa' xamók ma'a tegma, kélwatnéssamakxa nak chá'a néten aqsok ánek ekmátsa ekpaqneyam ma'a Baal, yaqwayam helókasek ko'o, tén han kélméssamakxa nak chá'a vino m'a aqsok kéláyókxa éleñama nak mók nekha.

Jeremías 32:32

apyókxoho selókáséyak nak chá'a eñama aqsok ekmaso apkeláneyak ma'a énxet'ák Israel, tén han ma'a Judá, ekhawo han ma'a kelwesse'e apkelwányam apagkok nak, tén han ma'a apkelámha apmonye'e apagkok, tén han ma'a apkelmaxnéssesso nak chá'a énxet'ák apagkok, tén han apkellegasso nak chá'a amya'a, tén han ma'a apyókxoho apheykha nak Judá, tén han ma'a Jerusalén.

Jeremías 48:38

“Kéllekxagweykha aqsa chá'a legáxcheyk ma'a ekyókxoho néten tegma nak ma'a Moab, tén han ma'a ámay nak, hakte nápakha'a apketkók ko'o ektemessásekxak ma'a Moab, aptémól'a yátegwáxwa megkólmámenyéhol'a kólmaha. Ko'o sekxeyenma xa, sektáha nak Wesse'.”

Joel 3:12

Kóllánekxa heykxa kéltáhakxa pók aptémakxa nak énxet'ák, kólmohok ma'a ekyapwátegweykenxa nak xóp Josafat, hakte sa' elyekpelkohok Wesse' egegkok apyókxoho pók aptémakxa énxet'ák apheykha nak negyáwa m'a.

Joel 3:14

Apxámok apagko' énxet'ák ma'a ekyapwátegweykenxa nak xóp Sẽlyekpelchémókxa, hakte chágketwa'ak Wesse' egegkok ekhem apagkok.

Miqueas 3:6

“Kamaskok sa' kéxegke kólwetak aqsok kélxekmóssamo axta'a, megkólxének sa' nahan chá'a yaqwánxa katnehek egmonye' ekyáqtésakxaxma.” Kamassegwók sa' kéláyo xa apkellegasso nak sekpeywa apkelmopwancha'a amya'a, kápok sa' aqsa ekyáqtéssóxma.

Sofonías 1:5

Amasséssók sa' ma'a apkelchánte nak chá'a néten tegma yaqwayam elpeykeshok ma'a aqsok élápogwátéyak nak néten, tén han apkeltekxeyéyak nak chá'a aptapnák xapop etnéssesek naqsók apkelpeywa elxének ma'a sekwesey, tén han ekwesey m'a aqsok kéláyókxa Milcom.

Deuteronomio 22:8

“Apkelanak sa' agkok chá'a kélxama kéxegke xama apxagkok aphaxnagkok, kéméxcheyk enegkenagkok chá'a meteymog élámha nélmeykegkaxa nak chá'a m'a nekhaw'ék nak néten apxagkok; keñe sa' megkaphemmek chá'a amya'a aphawóxama eyaqhe ekyetna enxoho chá'a étsapma ektéyam ma'a néten apxagkok nak.

Jueces 18:23

Xama axta apkelleg'a apkelpáxamayam ma'a ektáha axta apkelamhéyak, apkelpeynchákpok axta neptámen ma'a danitas, keñe axta kélmaxneyáncha'a Micaías: —¿Yaqsa ektáha? ¿Yaqsa ektáha sẽlwónencha'a nak ekyennaqte?

1 Samuel 11:5

Chaqhawók axta han apwa'akto Saúl apkenyékto yókxexma appakhénto weyke, keñe axta aptáha aptegyáncha'a amya'a s'e: —¿Yaqsa ektáha énxet'ák? ¿Yaqsa ektáha apkellekxagweyncha'a nak? Apkeltennáseyha axta énxet'ák amya'a apkelseykentegkesso axta m'a énxet'ák apkeleñama nak Jabés.

1 Samuel 3:1

Apkelenxáneykmók axta aptamheykha sakcha'a Samuel ma'a nápaqtók Wesse' egegkok, Elí axta eyke apkeltennassók chá'a yaqwánxa etnehek. Asexteyk axta han ekwetamaxche chá'a egkések appeywa Wesse' egegkok xama énxet xa ekhem nak; axta han kótémaxchek chá'a exekmósakpohok xama énxet.