Isaías 21:11 - Biblia Enxet

¹¹ Edom ekxénamaxche yaqwánxa kólteméssesek: Xama énxet axta ewóneyha m'a ekpayho nak Seír. Aptáhak axta s'e: “Apkelhaxneykha, ¿yaqsa hóra kaxwók se'e axta'a nak? ¿yaqsa hóra kaxwo'?”

Isaías 21:11 ပူးပေါင်းရင်းမြစ်များ

Génesis 25:14

Mismá, Dumá, Masá,

Génesis 32:3

Apkelaphássek axta Jacob apseykekxa amya'a m'a Seír, cham'a yókxexma Edom, yaqwayam eltennássekxak Esaú peya ewaták aphakxa m'a apyáxeg.

Génesis 32:4

Axta aptáhak apkeláneya s'e: “Kólteme sa' kólának eyapma Esaú s'e: ‘Apkeltamhók xeyk kóltennaksek Jacob aphama Labán apxagkok, ekwokmoho makham se'e kaxwo' nak, apxénchek han elyahakxoho', hakte apchásenneykha m'a,

1 Crónicas 1:30

Mismá, Dumá, Masá, Hadad, temá,

Salmos 137:7

Wesse', kaxénwakxoho apwáxok ma'a edomitas, aptéyeykmo axta m'a Jerusalén, aptéma axta apkelpaqmeyesma s'e: “¡Kóltegkes, kólmasséssem ekweykmoho apowhók!”

Cantares 3:3

Élmaxneyáha axta m'a apkeltaqmelchesso nak tegma apwányam apkelhaxnenchámeykegko axta chá'a m'a nepyáwa. Axta ektáhak séláneya s'e: ¿Yagkólwet'ak kéxegke sekpagkanma, ekmámenyého agko' nak ko'o ewáxok?

Isaías 21:12

Tén axta énxet apkelhaxneykha aptáha apchátegmowágkokxo s'e: “Chágketchek kalse', xegakmek eyke nahan ma'a axta'a. Kélmakók sa' agkok makham hélmaxneyha hélmaxnegwata sa', hélyo'óta sa' makham.”

Isaías 21:6

Hakte aptáhak ko'o seyáneya Wesse' egegkok se'e: “Exeg, epekken sa' xama énxet apkelhaxneykha yaqwayam sa' eltennaksek chá'a ekyókxoho m'a apwet'a enxoho chá'a aqsok.

Jeremías 37:17

Apkeltamhók axta kólyentemekxak Jeremías wesse' apwányam Sedequías ma'a aphakxa nak, xama axta kélyentamákxo Jeremías ma'a aphakxa nak wesse' apwányam, axta aptáhak apyexákpoho apkelmaxneyáncha'a s'e: —¿Yetneya amya'a eñama Wesse' egegkok? Aptáhak axta Jeremías apchátegmowágko s'e: —Éhay, temék se'e: emakpok sa' xép wesse', wesse' apwányam Babilonia sa' emok.

Jeremías 6:17

Apnegkenchek axta Wesse' egegkok énxet'ák apkelhaxneykha, tén axta aptáha apkeláneya énxet'ák se'e: “Kólleyxmakha sa' kélaqkahasso magkenatchesso kéltennasso yaqwánxa katnehek.” Keñe axta énxet'ák aptáha s'e: “Magmakók negko'o ageyxho'.”

Ezequiel 25:12

“Ektáhak ko'o sekpeywa s'e, sektáha nak Wesse': Apheyásawók mók énxet'ák Edom apteméssessamakxa axta m'a énxet'ák Judá, yágwokmók agko' aqsa apkelsexnánémap eñama aptamhéyak xa ektáha nak.

Ezequiel 33:7

“Ekteméssessek axta ko'o exchep apkeleyxcháseykha m'a énxet'ák Israel, xép aptáha nak énxet. Xeyep sa' chá'a exkak ma'a sektáhakxa sekpeywa tén han eñeksek chá'a m'a sektáhakxa enxoho séltennasso.

Joel 3:19

Ekmaso sa' katnekxak ma'a Egipto, keñe sa' Edom katnekxak meykexa énxet, hakte apketámeykegkek axta m'a énxet'ák Judá, apkelnapmeyk axta énxet'ák meyke nak apkeltémakxa apheykha axta m'a.

Amós 1:6

Aptáhak Wesse' egegkok se'e: “Xámók agko' apkeláneyak apkeltémakxa ekmaso m'a énxet'ák Gaza, megkatnehek sa' mallegassáseykegkoho; hakte apkelmomchek axta apyókxoho énxet'ák, keñe apkexakhagweykmo ekha ekyánmaga m'a Edom, yaqwayam etnahagkok kélásenneykha naqsa.

Números 24:18

Emok sa' ma'a Edom, apagkok sa' etnehek ma'a yókxexma Seír, apagkok nak ma'a apkelenmexma. Kayágwomhok sa' aqsa apyennaqte m'a Israel.

Deuteronomio 2:5

nágkólchetamák aqsa, hakte magkések ko'o kéxegke xama nekha enxoho m'a apkelókxa nak, hakte cham'a meteymog élekhahéyak nak ma'a Seír, apagkok apagko' ma'a Esaú aptawán'ák neptámen nak. Ko'o axta sekmésso m'a.

Josué 15:52

Tén han ma'a tegma apkelyawe nak, Arab, Dumá, Esán,