Isaías 20:6 - Biblia Enxet

⁶ Sa' etnehek elpaqmétek apyókxoho apheykha nak neyáwa wátsam ekwányam xa ekhem nak: ‘Kóllano ektáhakxa nélásenneykekxo nak chá'a, negye'eykekxo nak chá'a óltamhok hempasmok yaqwayam hegkexakkásekxak ma'a wesse' apwányam Asiria. ¿Yaqsa sa' kaxwók hẽlwagkasek teyp?’”

Isaías 20:6 ပူးပေါင်းရင်းမြစ်များ

Job 22:30

Sa' emallahanchesek xép ma'a aptáha enxoho meyke aptémakxa, méko enxoho aqsok ekmaso apkelane.

Job 6:20

apkelwokmek agkok ma'a, kalyaqhapwomhok apkelwáxok, melwetágwomek ma'a aqsok aptegyágkaxa'.

Isaías 10:3

¿Háxko sa' kóltéhek kéxegke apkelyetsetchásekxo sa' kéltémakxa m'a Dios, kélwet'a sa' kaxegmak makhawók ma'a kéllegeykegkoho nak? ¿Yaqsa sa' kólyo'ókxak kólmaxnegwakxak yaqwayam kapasmok? ¿Háxko sa' kólnegkenwók ma'a aqsok kélagkok ekxámokma élmomnáwa nak?

Isaías 28:17

Amha sa' ko'o ekpéwomo nentémakxa sélana sa' xa tegma nak, ektémól'a m'a táma' kélmeykhal'a chá'a kélpékessamo apxega yátapheymekcha'ák, keñe sa' ektaqmalma nentémakxa m'a nenlányo nak chá'a ekwánxa ekhémo mók ma'a néten.” Yegmen élyennaqte sa' katwasha m'a kélmeyeykekxexa nak chá'a kóltegyaha kélmowána amya'a, keñe sa' yegmen kaswok ma'a ekyetnamakxa nak chá'a ekmasma.

Jeremías 30:1

Keso amya'a apkeltennasa axta Wesse' egegkok ma'a Jeremías. Axta aptáhak apcháneya s'e:

Jeremías 30:7

¡Chágketwa'ak ekhem ekmaso, xama ekhem megkaxnémo nak ma'a mók ekhem nak! Katnehek sa' ekhem éllegeykegkaxa apkelwáxok ma'a Jacob énxet'ák apagkok, alwagkasek sa' eyke ko'o teyp.

Jeremías 31:1

Aptáhak Wesse' egegkok se'e: “Hetnehek sa' ko'o Dios apagkok apyókxoho pók aptémakxa nak énxet'ák Israel xa ekhem nak, keñe sa' ko'o atnehek énxet'ák ahagkok.”

Jeremías 4:30

Tegma apwányam, aptamhákxo nak nápakha'a apketkók, ¿yaqsa ektáha aptaxnékxo nak apáwa hómáyok? ¿yaqsa ektáha apwakhésakpo nak aqsok étkók éltaqmalma sawo ekyátekto élmomnáwa? ¿yaqsa ektáha apkelpeysegkesa nak apaqta'ák? Kaqhok etaqmelchesakpok elnáxamha, aptaqnawágwokmek kaxwók xép ma'a apkelásekhayókxa nak, peyk yaqhek kaxwo'.

Jeremías 47:4

Hakte wokmek ekhem yaqwánxa kólmasséssók ma'a filisteos, tén han kólyementemekxak Tiro, tén han Sidón ma'a apkeleymomap nak makham ma'a ektáha nak chá'a appasmo.” Naqso', emasséssók sa' Wesse' egegkok ma'a filisteos, apkelánteyapma axta m'a egkexe Creta, apkelmeyáyekmo s'e.