Isaías 2:19 - Biblia Enxet

¹⁹ Apkempákxeyk sa' agkok néten Wesse' egegkok, apsawheyáseykxoho sa' apyawheyáseykha m'a xapop, elántexek sa' énxet'ák ma'a meteymog áxwa, cham'a kañe' xapop nak; elyexanmok sa' apmonye' m'a Wesse' egegkok negáyo nak, elyexanmok sa' amonye' m'a Wesse' apcheymákpoho.

Isaías 2:19 ပူးပေါင်းရင်းမြစ်များ

2 Samuel 22:46

kalyelqaxchek chá'a apkelwáxok hélanok énxet'ák apkeleñama nak mók nekha, elpexyennók chá'a elántépok ma'a apkelyexanmomakxa nak chá'a.

Job 9:6

Cha'a apyawheyáseykha chá'a xapop ma'a, tén han ma'a awhak nak.

Salmos 7:6

¡Wesse', yempekxa néten elwok! ¡Elenmexekxa m'a sélenmexma apkello nak! ¡Hepásegwata'! xép appekkenma axta appeywa hentaqmelchessásekxak negheykha

Isaías 13:13

Keñe sa' kalpexyennók ma'a néten, kaqxegmakha sa' nahan ekyetnamakxa m'a xapop seklawa sa' ko'o xa ekhem nak, cham'a seklawa ahagko' sa'.

Isaías 2:10

Elántexek sa' kañe' meteymog áxwa m'a énxet'ák, cham'a kóneg xapop nak; elyexanmok sa' apmonye' m'a Wesse' egegkok negáyo nak, tén han apcheymákpoho eyeymáxkoho nak ma'a Wesse'.

Isaías 2:21

elántexek sa' ma'a kañe' meteymog áxwa, cham'a meteymog élyawe nak áxwa, yaqwayam elyexanmok apmonye' m'a Wesse' egegkok negáyo nak, elyexanmok sa' amonye' m'a Wesse' apcheymákpoho, cham'a apkempákxo sa' néten tén han apsawheyásekxoho sa' apyawheyáseykha m'a xapop.

Isaías 24:1

Kóllano, esawhohok sa' aqsok Wesse' egegkok keso náxop, yetsagkasek sa', ekmaso sa' etnessásekxa', yexpánchesek sa' énxet'ák apheykha m'a kañe'.

Isaías 24:18

Máxek sa' etyamok chá'a m'a apyexánegkesso nak chá'a apkelnempaqwáméyak, keñe sa' ma'a apteyapma nak chá'a kañe' máxek kamok kelhanma. Mámeye ekwányam sa' kaweywenták néten keñe sa' kayawheykha m'a xapop awhak nak.

Isaías 24:19

Kalpexyennók sa' ekmaso agko' xapop, kayawheykha sa', nekha étkók sa' katnekxa'.

Isaías 30:32

ekyókxoho apyenyeykenta apmopwána sa' chá'a Wesse' egegkok kañexchek élpáwá aqsok kéltekpaga tén han arpa apkelpáwá m'a kañe' nak. Yempakhak sa' Wesse' egegkok ekyennaqte agko' ma'a.

Isaías 33:10

Aptáhak Wesse' egegkok se'e: “Alának sa' ko'o kaxwók aqsok; axekmósek sa' kaxwók ekyókxoho sekteme sekwányam ahagko' tén han sekteme seyeymáxkoho.

Isaías 7:19

Apyókxoho sa' elxegmak ma'a, elánegwak sa' apheykegkaxa m'a élyapwate élmattawóneg nak tén han ma'a meteymog áxwa'ák nak, tén han ma'a ekyókxoho nak élaqneykegkaxa m'a yenta'a ekha nak am'ák tén han ma'a ekyeneykegkaxa nak chá'a yegmen ma'a aqsok kélnaqtósso.

Jeremías 16:16

“Ektáhak ko'o sekpeywa s'e sektáha nak Wesse': ‘Wának sa' ko'o elxegmak apxámokma m'a aptegyéyak nak kelasma, yaqwayam sa' etegyagkok ma'a israelitas ektémól'a antegyek kelasma. Keñe sa' natámen wának elxegmak apxámokma m'a apkelnempaqwáméyak, yaqwayam sa' elnempaqwomagkok, tén han élántekkesek apyókxoho m'a élámhakxa nak meteymog élwenaqte tén han egkexe ekweykekxoho m'a meteymog élyagqaxe nak.

Jeremías 4:29

Apkelántekkek apkenyahágko apyókxoho énxet'ák apmonye'e apkelleg'a apkelwóncheseyam ma'a apkelchánte nak yátnáxeg, tén han ma'a apkelmeykha nak yágke; apkelyexánegwokmek ma'a émpagqaxa nak, tén han ma'a meteymog áxwa nak. Apkeltaqmópegkek apyókxoho m'a tegma apkelyawe, méko kaxwók xama énxet apheykekxa m'a.

Jeremías 48:28

Énxet'ák Moab, Kólántép tegma apkelyawe kélagkok; kólmohok kólhamok ma'a élaqneykegkaxa nak meteymog, aptémól'a wáx'ay, apkelánegwayam la'a apxanák ma'a naw'ék nak.

Ezequiel 33:27

“Etne sa' nahan elának se'e: ‘Keso aptáhakxa exchek appeywa Wesse' egegkok se'e: Naqsók ko'o sekxéna peya etekyók nahan ma'a énxet'ák apheykha nak tegma apkelyawe, kélpalchessamakxa nak, keñe sa' ma'a apheykha nak yókxexma, wának katawagkok ma'a aqsok nawha'ák éllo, keñe sa' ma'a apheykha nak neyseksa meteymog tén han ma'a meteymog áxwa, eletsapok sa' eñama negmasse ekmaso.

Oseas 10:8

Kólmasséssók sa' ma'a apkelpeykessamókxa nak chá'a aqsok kéleykmássesso, apkeláneykegkaxa nak chá'a melya'assáxma m'a énxet'ák Israel. Kampagqak sa' ma'a néten apkelwatnamakxa nak chá'a aqsok, katyapok sa' yámet ekha nak am'ák, keñe sa' énxet'ák etnehek elának meteymog élwenaqte élekhahéyak se'e: “¡Hẽlpós negko'o!” keñe sa' etnehek elának egkexe étkók se'e: “¡Hegápekxa negko'o!”

Miqueas 7:17

¡Elyaqmelmakha sa' xóp ánek ektémól'a yéwa, tén han ektémól'a m'a mók aqsok élpexyaweykegkoho nak náxop kalxog! ¡Elpexyennók sa' elántépok ma'a apxanák nak, yetlo apkelyegwakto ekyawe agko' sa' elyo'ókxak xép, Dios Wesse' egagkok!

Nahúm 3:11

Kólaqhássesek sa' nahan xeyáxa anmen; kalyawheykha sa' keyxanmok kategyaha ekyexanmomakxa apmonye'e m'a élenmexma.

Hageo 2:6

Kaxwók sa' ko'o ayawhesha néten, tén han xapop, wátsam ekwányam, tén han ekyamáyekxa nak exma xapop.

Hageo 2:7

Alpexyennegkesek sa' apyókxoho pók aptémakxa énxet'ák, keñe sa' elsanták aqsok élmomnáwa apagkok ekxámokma, kalánhok sa' élseyéxma m'a tegma appagkanamap ahagkok.” Ko'o sekxeyenma xa, sektáha nak Wesse' ekha sekyennaqte:

1 Samuel 13:6

Xama axta apkelwet'a eyesagko ektáhakxa m'a israelitas, hakte apkellókók apagko' axta apketámegko m'a filisteos, apkelyexánegwokmek axta chá'a meteymog áxwa, tén han maxcha'a, keñe han neyseksa meteymog élyawe, tén han xóp élyapwate, keñe han yámelchet.

1 Samuel 14:11

Apkelxekmowásekpok axta han apheykegkaxa axta filisteos xa apqánet nak. Xama axta apkelwet'a, axta aptáhak apkelpaqmeta s'e: “Kólenmexho hana, apkelántekkek kaxwók hebreos meteymog áxwa apkelyexanmomakxa axta.”