Isaías 2:14 - Biblia Enxet

¹⁴ tén han apyókxoho m'a apkene nak exnawok ma'a egkexe netna'awo', essenhan ma'a xóp élekhahéyak netna'awo nak,

Isaías 2:14 ပူးပေါင်းရင်းမြစ်များ

Salmos 68:16

Kéxegke kélteme nak egkexe netna'awo', ¿yaqsa ektáha kélnatha'a nak kéllano m'a egkexe yaqweykenxa nak exek ma'a Dios? ¡Exek sa' chá'a meyke néxa Wesse' egegkok ma'a!

Isaías 2:15

tén han apyókxoho m'a apkene nak exnawok ma'a tegma apwenaqte netno', essenhan ma'a kélhaxta nak nepyáwa tegma ekyennaqte,

Isaías 30:25

Wokmek sa' agkok ekhem yaqwánxa keytek nentekyawa ekyawe, appallakmo sa' ma'a tegma apkelyennaqte nak, kaxek sa' wátsam tén han yegmen ényé ekyókxoho m'a meteymog élekhahéyak netna'awo nak tén han ma'a egkexe élwenaqte nak.

Isaías 40:4

Kólapagkokxa ekyókxoho m'a xóp élyapwátéyak nak, kólpeykásekxa m'a egkexe nak tén han ma'a egkexe étkók nak, kóltemessásekxa éláxñeyo agko' xapop ma'a yókxexma élekhahéyak nak xapop tén han ma'a ekxámokmakxa nak meteymog élwenaqte.