Isaías 2:12 - Biblia Enxet

¹² cham'a ekhem apkelana sa' aqsok Wesse' ekha nak apyennaqte, yenmexek apyókxoho m'a énxet'ák apkeleymákpoho nak, tén han ma'a apyókxoho éleymáxkoho nak apkelwáxok, tén han ma'a apkene nak etnahágkok ekha kéláyo, yaqwayam etnessásekxak kóneg;

Isaías 2:12 ပူးပေါင်းရင်းမြစ်များ

2 Samuel 22:28

Elwagkashok eyke chá'a exchep teyp ma'a megkaleymáxkoho nak apkelwáxok, apkelanawók agkok chá'a exchep ma'a éleymáxkoho nak apkelwáxok, keñe etnessásekxak chá'a mékoho.

Job 24:1

¿Yaqsa ektáha mepekkena nak ekwánxa ekhem Dios yaqwayam elyekpelkohok énxet'ák? Yaqwayam enxoho elwetak ma'a apkelxegexma'a nak.

Salmos 131:1

Wesse', háwe ko'o eyeymáxkoho ewáxok, háwe han seyeymáxkoho alanok émók, mategyeykha han ma'a aqsok élyawe, mamowána nak chá'a óta'.

Salmos 18:28

Wesse' egegkok, xép sélsássesso chá'a exma; Dios ahagkok, xép sélsássesso exma m'a ekyáqtésakxa exma nak.

Salmos 37:13

Yesmaksek eyke aqsa chá'a Wesse' egegkok, hakte apya'ásegkok kaxwók sa' elmassegwók ma'a élmasagcha'a nak apkeltémakxa.

Salmos 94:2

Xép apteme segyekpelchémo ekyókxoho keso nélwanmeygkaxa, ¡yempekxa néten elenmexek ma'a apkeleymákpoho nak, etnésses ekpayhawo nak etnéssesek apkellegassáseykegkoho!

Proverbios 16:5

Eltaqnaweygkohok Wesse' egegkok ma'a énxet'ák éleymáxkoho nak chá'a apkelwáxok; naqsók sa' kóllegássesagkohok xa énxet'ák nak.

Isaías 10:12

Appenchessek sa' agkok Wesse' egegkok ekyókxoho aqsok apmáheyo nak elának ma'a egkexe Sión tén han ma'a Jerusalén, eñássesagkohok sa' ma'a wesse' apwányam Asiria eñama eyaqheykha apwáxok se'e aptamheykha nak, tén han eñama megyésso yeykpoho', tén han eyeymáxkoho apwáxok.

Isaías 10:33

Kóllano, apkelyaqnenchásegkek yenta'a élyawe yetlo apyennaqtésso apyempehek ma'a Wesse' ekha nak apyennaqte; apkelyaqtennákxók ma'a élwenaqte agko' nak, hagwa'akteyk náxop ma'a élweykmoho nak netnók agko' ma'a naw'ék.

Isaías 13:11

Aptáhak Wesse' egegkok se'e: “Allegássesagkohok sa' ko'o apyókxoho énxet'ák eñama apkeltémakxa élmasagcha'a, keñe sa' ma'a énxet'ák élmasagcha'a agko' nak apkeltémakxa allegássesagkohok eñama m'a apkelánéyák aqsok ekmaso agko'. Amasséssessók sa' ko'o ektémakxa nak éleymáxkoho apkelwáxok ma'a énxet'ák apkeleymákpoho nak, mékoho sa' ko'o atnessásekxak ma'a megyésso nak eleykpoho tén han ma'a megkalyexnegwayam nak chá'a apkelpeywa elwanyaha apnámakkok.

Isaías 13:6

Kalpayheykha kélatña'ák, hakte chágketwa'ak ma'a Wesse' egegkok ekhem apagkok, máxa apkelyekpexchetma sa' katnehek kawak ma'a Ekha nak Apyennaqte.

Isaías 13:9

Wa'ak kaxwók Wesse' egegkok ekhem apagkok, ekhem apagkok ekmaso agko', tén han aplómo apagko', cham'a peya sa' katnessásekxak meyke xama aqsok keso náxop, tén han kamasséssók ma'a énxet'ák melya'assáxma apheykha nak ma'a kañe'.

Isaías 14:15

¡Apteyekmek eyke m'a kañe' apkelmaheykegkaxa nak chá'a apkeletsapma, cham'a kañók agko' nak máxek!

Isaías 23:9

Wesse' egegkok ekha nak apyennaqte apkeltémo katnehek xa, yaqwayam enxoho etnessásekxak mékoho apyókxoho m'a apkeleymákpoho nak, tén han yaqwayam etnessásekxak kónegók agko' ma'a kelwesse'e apagko' nak keso náxop.

Isaías 24:21

Ellegássesagkohok sa' Wesse' egegkok aqsok ekhéyak nak néten ekha élmowancha'a xa ekhem nak tén han ma'a kelwesse'e apkelwányam nak keso náxop;

Isaías 24:4

Yamakak xapop, kesagkeyk nahan, yamakaxma ekyókxoho keso nélwanmégkaxa, kelyameygkek aqsok yókxexma, yaqhapchexma m'a néten tén han keso náxop.

Isaías 40:23

Mékoho nahan chá'a etnessásekxak ma'a énxet'ák ekyawe nak kéláyo, emasséssamhok nahan chá'a m'a kelwesse'e nak keso náxop.

Isaías 42:15

Amasséssók sa' ko'o m'a meteymog élekhahéyak nak tén han ma'a egkexe náxap'awo nak, alyamaksek sa' ekyókxoho m'a aqsok elyápaqmátéyak nak áwa' m'a néten; ekyamayéxma sa' atnessásekxak ma'a wátsam nak, meyke yegmen sa' nahan atnessásekxak ma'a awáxok ekheykegkaxa nak chá'a yegmen.

Isaías 5:15

Kóneg sa' kóltemessásekxak apyókxoho m'a énxet'ák; elháxahagkok sa' apkelmegqakto m'a énxet'ák apkeleymákpoho nak.

Isaías 61:2

eyáphássek axta nahan altennaksek énxet'ák ekwa'a m'a ekhem yaqwánxa nak elwagkasek teyp Wesse' egegkok ma'a énxet'ák, ekhem yaqwánxa nak heghésseshok mók Dios egagkok senteméssessamakxa m'a sẽlenmexma nak. Eyáphássek axta yaqwayam alpeykessásekxak apkelwáxok apyókxoho m'a élyaqhápeykha nak apkelwáxok,

Jeremías 12:9

Máxa náta éltaqmalmal'a ektáxama áwa' m'a énxet'ák ahagkok nak, étámeykmo nak chá'a m'a mók náta nak. ¡Kólchexyem, kélyókxoho aqsok nawha'ák élmeymentakcha'a nak; kólaqnekxa', kóllána ektámaxche ekyawe!

Jeremías 13:9

Aptáhak axta seyáneya s'e: “Sa' atnéssesek ko'o amasséssessók ektémakxa nak éleymáxkoho apkelwáxok énxet'ák Judá xa ektáha nak tén han ma'a Jerusalén.

Jeremías 30:7

¡Chágketwa'ak ekhem ekmaso, xama ekhem megkaxnémo nak ma'a mók ekhem nak! Katnehek sa' ekhem éllegeykegkaxa apkelwáxok ma'a Jacob énxet'ák apagkok, alwagkasek sa' eyke ko'o teyp.

Jeremías 46:10

Cháxa Wesse' ekha apyennaqte ekhem apagkok xa, yaqwayam sa' eyaqmagkásekxak apkeltémakxa m'a apkelenmexma nak. Kalnápok sa' sókwenaqte ekwokmoho éleklakmo, tén han ekwokmoho ekyeykesáxma m'a éma apagkok nak. Hakte elnápok sa' énxet'ák Wesse' ekha apyennaqte m'a apchókxa ekpayho nak nexcheyha, neyáwa nak wátsam Éufrates.

Jeremías 50:31

Aptáhak Wesse' ekha apyennaqte s'e: “Apchókxa eyeymáxkoho nak, énmexchek ko'o exche'; wokmek yaqwánxa añássesagkoho'.

Ezequiel 13:5

Méko chá'a apkeláneykegko yaqwayam enxoho emyók ma'a Israel, yaqwayam enxoho yepwának elenmaxakpohok kempakhakma ekwa'a sa' ma'a Wesse' egegkok ekhem apagkok.

Daniel 4:37

“Élpeykessamók ko'o kaxwók ma'a Wesse' Apwányam apha nak néten, ko'o Nabucodonosor, eyáyók han, ekteméssessegkek han apcheymákpoho, hakte naqsók agko' ma'a ekyókxoho aqsok apkelane nak, péwók nahan, apwanchek etnessásekxak mékoho m'a apkenè nak chá'a etnahak ekha kéláyo.”

Amós 5:18

¡Énxet'ák sa' laye, élpekhésso nak kawak Wesse' egegkok ekhem apagkok! ¿Kélya'ásegkóya kéxegke yaqwánxa katnehek xa ekhem nak? Ekyáqtéssóxma sa' katnehek, háwe sa' élseyéxma.

Miqueas 2:3

Cháxa keñamak aptáha nak Wesse' egegkok se'e: “Yetneyk ko'óxa élchetamso ewáxok yaqwánxa atnéssesek kéxegke. Wáphássesek sa' aqsok ekmaso agko', megkólwanchek sa' kólegketaxche', megkóleyxkók sa' kaxwók kólweynchamha, hakte katnehek sa' ekhem ekmaso agko'.

Miqueas 5:11

apmopsagcha'a sa' atnessásekxak ma'a tegma apkelyawe apagkok nak, alyaqnegkessesagkok sa' ma'a tegma apkelyennaqte apagkok;

Sofonías 1:16

ekhem kélpáwassamakxa kélaqkahasso tén han kélpáxameykha kélchetámeyak ma'a tegma apkelyawe apkelyennaqte nak tén han ma'a tegma apkelwenaqte apagkok nak.

Sofonías 3:11

Énxet'ák ahagkok, cháxa ekhem nak, kamaskok sa' kaxwók kalmegqaksek xama enxoho m'a aqsok ekmaso kélláneyak kélláneykegko nak chá'a sélenmexeykekxo kéxegke, keñe sa' alántekkesek kélnepyeseksa m'a éleymáxkoho nak apkelwáxok tén han ma'a megyésso nak eleykpoho', kamaskohok agko' sa' apkeleymákpoho m'a egkexe ekpagkanamaxche ahagkok nak.

Malaquías 4:1

Aptáhak Wesse' egegkok ekha apyennaqte s'e: “Chágketwa'ak ekhem, ekmexanma ektémól'a táxa axagkok, yaqwánxa sa' elmétek apyókxoho m'a éleymáxkoho nak apkelwáxok ektémól'a kalmétek ma'a pa'at apák eyáléweykhal'a ekyawe. Elmétek sa' ekwa'a enxoho xa ekhem nak, Cháxa ekhem peya nak kawa', megyeymakpek sa' xama enxoho.

Malaquías 4:5

“Kóllano: Peyk ko'o wáphássesek kéxegke m'a aplegasso sekpeywa Elías, amonye' ekwe m'a Wesse' egegkok ekhem apagkok, cham'a peya sa' katnehek ekhem ekyentaxno, tén han ekmaso.