Isaías 19:25 - Biblia Enxet

²⁵ Sa' etnehek epaqmétek yának kataqmelek apheykha Wesse' ekha nak apyennaqte s'e: “Ekméssek ko'o ektaqmalma apheykha m'a énxet'ák ahagkok Egipto, tén han ma'a énxet'ák Asiria, ektáha axta sélane, tén han ma'a Israel sekteme nak énxet'ák ahagkok ahagko'.”

Isaías 19:25 ပူးပေါင်းရင်းမြစ်များ

Salmos 100:3

Kólya'asagkoho Wesse' egegkok apteme Dios; cha'a senlane negko'o m'a, tén han apagkok; ¡negko'o nenteme énxet'ák apagkok, tén han nepkések apnaqtósso apkelleykha nak yókxexma apagkok!

Salmos 115:15

Etaqmelchessesek sa' kéxegke kélheykha m'a Wesse' egegkok, apkelane nak néten tén han keso náxop.

Salmos 138:8

¡Elának sa' Wesse' egegkok ekxeyenmakxa axta apwáxok hetnéssesek! Wesse', megkamassegwomek xép segásekhayo; ¡ná eyensem aqsa mepenchesso m'a aqsok apkelane axta!

Isaías 19:24

Épetchekxak sa' énxet'ák Israel énxet'ák Egipto xa ekhem nak tén han ma'a énxet'ák Asiria, sa' kagkések ektaqmalma apheykha énxet'ák keso náxop.

Isaías 27:13

Kólpáwaksek sa' kélaqkahasso ekyennaqte ekpáwà xa ekhem nak, keñe sa' ma'a apkelxegánegwayam axta m'a Asiria, ekhawo nahan ma'a kélnaqleykekxa axta m'a Egipto, elmeyenták sa' Jerusalén elpeykessetámhok ma'a Wesse' egegkok, cham'a egkexe ekpagkanamaxchexa nak.

Isaías 29:23

hakte apkelwet'ak sa' agkok aptawán'ák neptámen sekteméssesakxa m'a énxet'ák apagkok, elya'ásegwók sa' ektémakxa sektaqmalma, heyáwhok sa' chá'a ko'o, sektáha nak Dios Sektaqmalma apagkok ma'a Israel.

Isaías 45:11

Aptáhak Wesse' egegkok se'e, cham'a Dios Aptaqmalma nak Israel, ektáha axta apkelane: “¿Hélmaxneyha enxoho sa' eykel'a ko'o kéxegke sekteméssessamakxa m'a étchek nak ko'o? ¿Hélxekmósagkoya sa' kéltamhókxa enxoho chá'a atnehek sélane aqsok?

Isaías 45:14

Aptáhak apcháneya Wesse' egegkok Israel se'e: “Elyelqakpok sa' aqsa nápaqtók xép ma'a énxet'ák Egipto apkeltamheykha nak chá'a yókxexma, tén han ma'a énxet'ák ekha nak chá'a aqsok apkexeykekxa m'a Etiopía, tén han ma'a énxet'ák Sabá, cham'a énxet'ák apkelwenaqte nak, apkelásenneykha naqsa sa' etnehek; elxog sa' neptámen xép yetlo kélpextete cadenas, eltekxeyagkok sa' aptapnák xóp apmonye' exchep tén sa' etnehek yának se'e: ‘Naqsók apha kélnepyeseksa kéxegke Dios, méko pók, méko pók kéláyókxa.’”

Isaías 60:21

“Énxet meyke apkeltémakxa sa' etnahagkok apyókxoho m'a énxet'ák kélagkok, etnahagkok sa' chá'a apagkok apchókxa meyke néxa, éltekteyapmakxa m'a xama yámet ektáha axta ko'o séneykekxa ahagko', sélane axta ko'o yaqwayam axekmósek ektémakxa seyeymáxkoho.

Isaías 61:9

Kélya'áseykegkoho ekyókxoho yókxexma sa' nahan etnahagkok nepyeseksa pók aptémakxa énxet'ák ma'a aptawán'ák neptámen nak; elya'asagkohok sa' chá'a apyókxoho énxet apkelwet'a enxoho chá'a apteme énxet'ák appasmo nak chá'a m'a Wesse' egegkok.

Isaías 63:17

Wesse', ¿yaqsa ektéma apkeltémo nak ólyetnakhágwók nélyetlo m'a ámay apagkok? ¿Yaqsa ektéma sẽlyennaqtéssessama nak egwáxok yaqwayam enxoho magakyehek xép? Hẽgyo'óta makham, eñama apkelásekhayo m'a apkeláneykha nak tén han ma'a pók aptémakxa nak chá'a énxet'ák ektáha nak xép apagkok.

Isaías 64:8

Wesse', xép akke apteme negko'o egyáp; yelpa' negko'o, keñe exchep ma'a senlane nak chá'a; ¡negyókxoho negko'o nenteme senlane apagko' xép!

Isaías 65:23

Megkaqhók sa' eltemeykha, méko sa' nahan katnehek életsapma apketchek ektáhakxoho étkók agko', hakte cha'a aptawán'ák neptámen ma'a apméssama nak ektaqmalma apheykha m'a Wesse' egegkok, kaxhok sa' nahan ektáhakxa m'a aptawán'ák neptámen nak xa énxet'ák nak.

Jeremías 10:16

¡Megkaxnawok agko' Jacob nak Dios apagkok xa, apkelane nak ekyókxoho aqsok élánteyapma nak! Axta apkelyéseykha énxet'ák Israel ma'a yaqwayam etnehek apagkok apagko'. Wesse' ekha apyennaqte: cháxa apwesey xa.

Jeremías 2:7

Eknaqleykenteyk axta ko'o s'e ektaqmelakxa nak xapop, yaqwayam enxoho kóltawagkok aqsok ekyexna eñama nak xa xapop nak, tén han ma'a aqsok éltaqmalma éleñama nak xa. Kélxegeykmek axta kéxegke, keñe kéletsagkassa'a xapop ahagkok, éltaqnawassáseykekxeyk axta s'e apchókxa nak, ektáha nak ko'o ahagkok ahagko'.

Oseas 2:23

Axnésha sa' énxet'ák ahagkok ma'a xapop nak, ahagkok ahagko'; kayóshok sa' ko'o alanok ma'a Lo-ruhama, tén sa' atnehek wának Lo-amí s'e: ‘Xép aptáha énxet ahagkok’, keñe sa' etnehek heyának se'e: ‘¡Xép apteme Dios ahagkok!”

Zacarías 8:13

Énxet'ák Judá tén han énxet'ák Israel. Sa' atnéssesek ko'o kaxwók alwagkasek teyp tén han wának kaltaqmalmakha apkelpeywa elxénmakha énxet'ák, ekhawo ektémakxa axta kélyemneykha ekmaso nepyeseksa m'a apyókxoho pók aptémakxa énxet'ák. ¡Nágkólé'! ¡Kólwasqápekxoho!”

Números 24:1

Xama axta apwet'a Balaam ekleyawo apwáxok Wesse' egegkok elmaxnéssesek yaqwayam kataqmelek apheykha m'a énxet'ák Israel, massék axta apmeyncha'a apmopwána yaqwayam ey'asagkohok ma'a Dios appeywa, aptáhakxa axta m'a sekxók axta, appayhékxók axta aqsa apkenmexákxoho m'a yókxexma meykexa nak énxet.

Números 6:24

‘Wesse' egegkok sa' epasmok xép, emyók sa' nahan;

Números 6:27

“Sa' etnahagkok chá'a elxének sekwesey nepyeseksa israelitas xa, yaqwayam sa' chá'a ko'o apasmok.”

Deuteronomio 32:9

hakte Wesse' egegkok axta apkelyéseykha m'a, énxet'ák apagkok axta m'a Jacob énxet'ák apagkok nak.