Isaías 19:2 - Biblia Enxet

² “Wának sa' ko'o yexpánchesakpok ma'a egipcios —axta aptáhak Wesse' egegkok—, wának sa' elnapakpekxak chá'a pók, elnapakpekxak sa' chá'a apnámakkok apagko', keñe sa' xama tegma apwányam elnapakpekxak nahan chá'a m'a pók tegma apwányam nak, keñe sa' xama apchókxa elnapakpekxak nahan chá'a m'a mók apchókxa nak.

Isaías 19:2 ပူးပေါင်းရင်းမြစ်များ

1 Reyes 16:21

Apkexpáncháseykpek axta énxet'ák Israel. Nápakha axta appasmeykxak ma'a Tibní, Guinat axta apketche, yaqwayam etnehek wesse' apwányam, keñe axta han nápakha m'a Omrí.

2 Crónicas 15:6

Apnaqtawásamakpekxoho apagko' axta aqsa chá'a aptamheykegko énxet'ák, tén han ma'a tegma apkelyawe apagkok nak, apkelyegwakkassegkek axta Wesse' egegkok apchahaya ekyókxoho mók ektémakxa nak chá'a aqsok élmasagcha'a.

Isaías 3:5

Yentexek sa' katnehek apheykha m'a énxet'ák, yenmexekxak sa' aqsa chá'a m'a pók, megkeyxek sa' ma'a apkelxegexma apagko' nak chá'a. Elenmexekxak sa' apketkók ma'a apkelwányam nak, keñe sa' ma'a énxet'ák meyke nak kéláyo, elenmexekxak chá'a m'a énxet'ák ekha nak kéláyo.

Isaías 9:21

Apmasséssekmek Manasés ma'a Efraín, keñe Efraín apmasséssekmo m'a Manasés, cháxa apketámeykegko nak Judá xa apqánet nak. Makke kamassak makham aplo m'a Wesse' egegkok; xénchek makham apwáxok ellegássesagkohok xa énxet'ák nak.

Jeremías 46:12

Apkelya'ásegkók kaxwók ekyókxoho apkelókxa kéltamhákxo mékoho, legáxcheyk han élpayheykha kélatña'ák ekyókxoho yókxexma nak keso náxop; apkeltegwákpek chá'a pók kempakhakma yapmeyk, apkelyettelegwágkók nahan chá'a xamók pók náxop.”

Jeremías 51:46

Nágkólyegwe', nágkóle kéllegeykha nak amya'a ektépeykha m'a apchókxa. Ekyókxoho apyeyam sa' chá'a katyapmakha mók ektémakxa amya'a, katyapmakha sa' amya'a negyennaqteyáseykha egyempehek ma'a apchókxa, tén han apkelenmexamap ma'a apkeltaqmelchesso nak chá'a apkelókxa.

Ezequiel 38:21

Wának sa' ko'o káhapwak Gog ekyókxoho mók ektémakxa nak chá'a aqsok ekmaso, yaqwayam sa' kagkések ekyawe agko' apkeye. Añássesagkohok sa' negmasse ekmaso tén han ma'a nétsapma ekmaso nak. Wának sa' ko'o katyamok takhapxet ma'a mámeye ekyawe tén han yegmen élyennaqte, táxa tén han ma'a aqsok ánek ekyátekto eyáléwomól'a ekweykekxoho m'a sẽlpextétamo apagkok tén han ma'a énxet'ák apxámokma apkelxegexma'a nak, keñe sa' ma'a énxet'ák apagkok nak elnapakpekxak sa' aqsa chá'a pók yetlo apkelmeykha m'a sókwenaqte. Ko'o sekxeyenma sektáha nak Wesse'.

Zacarías 8:10

Hakte cháxa ekhem nak, méko axta kélyánmagkasso ekyánmaga apkeltamheykha m'a énxet'ák tén han ma'a aqsok kélnaqtósso kélméssamo nak chá'a éltamheykha. Méko axta nahan ektaqmalma apheykha énxet'ák ektáha axta apheykha m'a, eñama m'a katnaha nak apnámakkok; ekméssegkek axta nahan ko'o yaqwayam elenmexakpekxak chá'a m'a énxet'ák.

Jueces 7:22

Apkelpáwássek axta aqsa han nepkések apkennawo' apkepet'ák ma'a trescientos israelitas, apkeltamhók axta elnapakpekxak aqsa chá'a pók Wesse' egegkok ma'a madianitas, keñe han elántépok yenyahagkok ekweykekxoho m'a Bet-sitá, ámay nak Sererá, ekweykekxoho m'a néxa yókxexma nak Abel-meholá, ekpayho nak ma'a Tabat.

Jueces 9:23

apcháphássessek axta Dios espíritu apmopso m'a Abimélec tén han apheykha nak ma'a Siquem, yaqwayam enxoho yenmexchásekxak ma'a,

1 Samuel 14:16

Keñe m'a énxet'ák apkelhaxneykha apagkok axta m'a Saúl, apheykencha'a axta m'a Guibeá, apkelwet'a filisteos apkenyahágko apkexpaqna.

1 Samuel 14:20

Yetlókok axta han apchaqneykekxa apyókxoho sẽlpextétamo yetlo Saúl, apkempakha'ak axta. Apchaqhákxeyk axta aqsa han chá'a pók ma'a filisteos, hakte awanhek axta ekteyapma nepyeseksa melya'áseyak aptamhágkaxa.