Isaías 19:16 - Biblia Enxet

¹⁶ Máxa kelán'a sa' etnahagkok egipcios xa ekhem nak; metwasha sa' yeyk apkelwet'a enxoho emáwhok ellegássesagkohok ma'a Wesse' ekha nak apyennaqte, elyegwáwhok apagko' sa' nahan.

Isaías 19:16 ပူးပေါင်းရင်းမြစ်များ

Salmos 48:6

Taxneyk axta apkelwáxok apkelaye: apkelpexyawáha axta apkellegágkoho ekmáske, máxa axta aptamhágkok ma'a kelán'a ekmáheyól'a katnehek naqláwa;

Éxodo 11:6

Kañexchek sa' éllekxagwomaxche m'a ekyókxoho nak kañe' Egipto, megkólweteya nak chá'a katnehek, megkólwetekxók sa' nahan chá'a katnekxa'.’

Isaías 10:32

Sakhem agko' apchaqnágwa'a énxet'ák apkelántaxnegwayam nak aqsa chá'a megkatnahakxa apchókxa m'a yókxexma Nob; apkelyaqyeyáseyha apmék apmako ektamagkok ma'a egkexe Sión, meteymog étseksek nak ma'a Jerusalén.

Isaías 11:15

Emeykessesek sa' xama ámay Wesse' egegkok ma'a neyseksa Wátsam Ekwányam Ekyexwase nak, ey'aksek sa' apmek ma'a ekpayho nak wátsam Éufrates, etekkesek sa' éxchahayam ekyennaqte agko', kameykásekxak sa' neyseksa, siete aktegák sa' kalána', keñe sa' apwanchek elyeykhekxak meyke apkelhaxyawasso apkeltéto apmagkok.

Isaías 13:2

“¡Kólchexen néten egkexe eyáxñeyo xama apáwa magkenatchesso peya kólempakha'! ¡Kólána' ektamagkok ma'a sẽlpextétamo! ¡Kólya'ásses néten kélmék yaqwayam sa' elántaxnegwók ma'a kelwesse'e nak atña'ák apagkok!

Isaías 30:17

Mil énxet sa' yenyahagkok yeyk xama apagko' énxet yaqwayam elnápok, keñe sa' kélyókxoho kéxegke kólenyahagkok kóleyk wánxa m'a cinco énxet apmáheyo elnápok ekwokmoho kéleyméxko kélqántawók kélagko', ektémól'a keymaxchek xama agko' yámet émha m'a néten egkexe étseksek nak, essenhan ma'a ektémól'a xama aqsok kélchenegkesso magkenatchesso m'a néten egkexe nak.

Jeremías 50:37

¡Kólnáhap ma'a sẽlpextétamo apagkok: elpexyennók sa' apkelaye! ¡Kólnáhap yátnáxeg apagkok, kólekkexches ma'a yátnáxeg apkelyenyawasso apagkok! ¡Kólnáhap ma'a sẽlpextétamo apagkok kélyánmagkasso nak chá'a ekyánmaga apkempakhe: máxa kelán'a sa' etnahagkokxa'! ¡Kólmasséssem ma'a aqsok éltaqmalma apagkok: kólmenyexchesák aqsok apagkok!

Jeremías 51:30

Apkelwáteságkek apkempakhe m'a sẽlpextétamo Babilonia, apkelhákxeyk ma'a tegma apkelyennaqte apagkok nak; massék apkelyennaqte, máxa kelán'ák aptamhágkokxa'. Apkelántaxneykpek ma'a tegma apkelyawe apagkok nak, kélwatneyásekxeyk ma'a apxanák.

Abdías 1:9

Elpexyennók sa' apkelaye m'a kempakhakma yapmeyk nak Temán, megyeymakpehek sa' xama enxoho énxet ma'a egkexe élekhahéyak nak ma'a Esaú.

Nahúm 3:13

Máxa kelán'a m'a sẽlpextétamo agkok nak; kelmayhégkek atña'ák apchókxa yaqwayam elántexek ma'a kélenmexma; kelwatneyk táxa m'a kélápeykekxexa nak chá'a atña'ák kélagkok.

Zacarías 10:11

Alyeykhásekxak sa' ma'a wátsam ekwányam Egipto, atekpog sa' ko'o m'a yegmen nak. Eymaksohok agko' sa' yegmen ma'a wátsam Nilo. Amasséssesek sa' ektémakxa nak éleymáxkoho apkelwáxok ma'a énxet'ák Asiria. Amasséssesek sa' nahan ektémakxa nak apkelyennaqte m'a énxet'ák Egipto.

Zacarías 2:13

¡Kólwanmeyák sa' kélyókxoho nápaqtók Wesse' egegkok, hakte apwayak negyeseksa apkeñama m'a kañe' ekpagkanamaxchexa, aphamakxa nak chá'a!