Isaías 19:14 - Biblia Enxet

¹⁴ Melya'áseyak aqsok apteméssessók Wesse' egegkok ma'a; cháxa apkelyetnakhássesseykmo nak chá'a ekyókxoho aqsok apkelánéyak ma'a énxet'ák Egipto, ektémól'a m'a anmen áto' apyekxéyak la'a tén han apkelyawheykhal'a.

Isaías 19:14 ပူးပေါင်းရင်းမြစ်များ

2 Crónicas 18:22

Apya'ásegwokmek kaxwók xeyep ektáha Wesse' egegkok apcháphasso xama espíritu yaqwayam etnéssesagkok apkelmopwancha'a amya'a m'a apkellegasso amya'a apagkok. Apxénchek han káhapwak ekmaso apha ekwokmoho apketsapa.

Job 12:16

Apmopwána chá'a keñamak ekmallahanchesso m'a. Apkeláneykha han ma'a kélyexancháseykha nak chá'a, tén han ma'a apkelyexancháseykha nak chá'a pók.

Job 12:25

apkelpaknameykegkaxa nak chá'a elxog neyseksa ekyáqtessóxma, elyawheykha chá'a aptémól'a anmen át'ák.

Proverbios 12:8

Tásek chá'a katnehek apxénamap énxet eñama apmopwána aqsok, keñe m'a énxet ekyeyháxma nak, kólwanyaha aqsa chá'a.

Isaías 19:2

“Wának sa' ko'o yexpánchesakpok ma'a egipcios —axta aptáhak Wesse' egegkok—, wának sa' elnapakpekxak chá'a pók, elnapakpekxak sa' chá'a apnámakkok apagko', keñe sa' xama tegma apwányam elnapakpekxak nahan chá'a m'a pók tegma apwányam nak, keñe sa' xama apchókxa elnapakpekxak nahan chá'a m'a mók apchókxa nak.

Isaías 24:20

Máxa anmen áto' sa' katnehek kayawheykha, máxa tegma aphápak sa' katnehek kayawheykha meykel'a apyennaqte apkelánamap. Yentexók agkók ma'a megkay'assáxma, teyekmek sa' agkok, megkólxátekhásekxeyk sa' chá'a.

Isaías 29:14

Ékeso éñamakxa peya nak ko'o atekkessesek makham aqsok magya'áseyak sempelakkasso nak agwetak nepyeseksa xa énxet'ák nak. Kamassegwók sa' ma'a ektémakxa nak apkelya'áseyak aqsok ma'a énxet'ák apagkok ekha nak apkelya'áseyak tén han ma'a ektémakxa nak ekha apkelmopwancha'a m'a énxet'ák apagkok ekha nak apkelmopwancha'a.”

Isaías 3:12

Sakcha'a m'a apnaqtawáseykegkoho nak énxet'ák ahagkok; kelán'ák kaxwo' tamheykegkok ma'a wesse' apagkok. Énxet'ák ahagkok, apkelyexancháseykha kéxegke m'a apkelámha apmonye'e kélagkok, apkelxegánegkessegkek apkelya'áseykekxo m'a mók ámay.

Isaías 9:16

Apkelyetnakhásseykmek énxet'ák se'e apkelámha apmonye'e nak, keñe m'a aptegyéyak nak chá'a ekpékessáseyak apkelxegáneykmo chá'a.

Jeremías 25:27

Tén axta aptáha seyáneya Wesse' egegkok se'e: “Eltennés sa', ko'o sektáha nak Wesse' ekha sekyennaqte, Dios apagkok nak Israel, séltamho énagkok ekweykmoho élnapa tén han apkelyekxágko, tén han ekwokmoho apkelyaqnenágko náxop, yaqwayam enxoho melchempekxeyk néten, eñama m'a kempakhakma peya nak ko'o waha'.

Jeremías 48:26

Kólnáhakkas anmen énxet'ák Moab, hakte apkenmexeykekxeyk Wesse' egegkok. Keñe sa' eltexneykpekxak apkelyekxo m'a énxet'ák Moab, apyókxoho énxet'ák sa' elesmaksek ma'a.

Jueces 9:23

apcháphássessek axta Dios espíritu apmopso m'a Abimélec tén han apheykha nak ma'a Siquem, yaqwayam enxoho yenmexchásekxak ma'a,