Isaías 19:11 - Biblia Enxet

¹¹ ¡Élyeyháxma nak la'a kéxegke, kelwesse'e nak Soan, kélmeyáseyák nak chá'a kélpeywa m'a énxet'ák, kélmowancha'a agko' nak aqsok ma'a Egipto, naqsók kéxegke kélpékessáseyak kélnámakkok élyeyháxma! ¿Háxko katnehek kóltéhek kólának faraón se'e: “Negko'o nenteme énxet'ák apmopwancha'a aqsok aptawán'ák neptámen, cham'a nanók kelwesse'e apkelwányam axta?”

Isaías 19:11 ပူးပေါင်းရင်းမြစ်များ

1 Reyes 4:30

apyeykhásseykmók axta ektémakxa apya'áseyak aqsok Salomón ma'a énxet'ák Egipto, tén han ma'a apheykha nak ekteyapmakxa ekhem.

1 Reyes 5:10

Keñe axta Hiram apkelmésa Salomón ma'a ekyókxoho yámet cedro, tén han yámet pino, apmopmenyého axta,

Job 12:17

Emassésseshok nahan chá'a apkelya'áseykegkoho aqsok ma'a apmopwancha'a nak aqsok, élyeyháxma chá'a etnéssesek ma'a énxet'ák segyekpelchémo.

Salmos 33:10

Metekkessesek chá'a Wesse' egegkok ekyókxoho aqsok apmáheyo nak chá'a elanagkok ma'a énxet'ák melya'áseyak nak Dios, megyohók han chá'a katyapok aqsok apkeláneyak,

Salmos 73:22

seyeyháxma axta ko'o, may'áseyak aqsok; ¡ekhémók axta ko'o aqsok nawhak nápaqto' xép!

Salmos 78:12

Apkeláneyak axta chá'a aqsok sempelakkasso agwetak Dios nápaqta'awók apyapmeyk nano' ma'a yókxexma Soan, ekpayho nak Egipto:

Salmos 78:43

apkelánéssama axta aqsok ekyawe agko' ma'a yókxexma Soan, ekyetnama nak Egipto, tén han ma'a aqsok segyegwakkassamo nak agweta';

Salmos 92:6

¡Wánxa aqsa melya'asagkehek ma'a élyeyháxma nak!

Éxodo 8:14

Apyekhámekxeyk axta nahan énxet'ák ma'a paha' aphopák nak, apchánchesákxeyk axta anhan, tekhánexchek axta nahan ekpaqneyam ektahapma m'a ekyókxoho apheykegkaxa.

Éxodo 8:4

Elchántek sa' nahan xépxa m'a paha' nak, tén han ma'a apkeláneykha, tén han ma'a apyókxoho énxet'ák apagkok.’

Proverbios 30:2

Ko'o aqsa wánxa seyeyháxma ahagko' nepyeseksa m'a énxet'ák, méko sekya'áseyak ektéma nak apya'áseyak ma'a énxet.

Isaías 19:13

Élyeyháxma m'a kelwesse'e nak Soan kélyexancháseykha nahan chá'a m'a kelwesse'e nak Menfis, kélnaqleykekxeyk Egipto megkatnahakxa ámay ma'a kelwesse'e nak chá'a xama apheykegkaxa.

Isaías 19:3

Malya'ássesagkek sa' ko'o exma m'a, wának sa' kamassegwók ma'a aqsok apmáheyo nak elanagkok. Keñe sa' elpaqhetchesakpohok ma'a aqsok apkeláyókxa nak tén han ma'a apkelyohóxma, tén han ma'a énxet'ák apkeletsapma axta apkelhagák tén han ma'a apkelya'áseykegkoho nak chá'a aqsok ekpowásamáxche'.

Isaías 29:14

Ékeso éñamakxa peya nak ko'o atekkessesek makham aqsok magya'áseyak sempelakkasso nak agwetak nepyeseksa xa énxet'ák nak. Kamassegwók sa' ma'a ektémakxa nak apkelya'áseyak aqsok ma'a énxet'ák apagkok ekha nak apkelya'áseyak tén han ma'a ektémakxa nak ekha apkelmopwancha'a m'a énxet'ák apagkok ekha nak apkelmopwancha'a.”

Isaías 30:4

Kéláphassegkek eykhe kéxegke énxet'ák kélapháseykha ekweykmoho m'a tegma apkelyawe Soan tén han ma'a Hanés,

Isaías 44:25

Magwohok ko'o katyapok aqsok apkelxeyenma m'a apkellegasso nak chá'a amya'a apkelmopwancha'a amya'a; malya'ássesagkek chá'a ko'o aqsok ma'a apkelya'áseykegkoho nak chá'a aqsok ekpowasamáxche'. Wánhok nahan chá'a ko'o kólátegmowagkokxak ma'a ekha nak chá'a apkelmopwancha'a, mékoho agko' nahan atnéssesek chá'a m'a ektémakxa nak apkelya'áseyak aqsok.

Jeremías 10:14

Élyeyháxma apyókxoho énxet tén han melya'áseyak aqsok. Kelyexancháseykha chá'a aqsok kéleykmássesso m'a ektáha nak chá'a apkelane: kéleykmássesso sẽlyexancháseykha m'a, tén han meyke élennama;

Jeremías 10:21

—Élyeyháxma apkelámha apmonye'e apagkok nak xa énxet'ák nak; melchetamsók ma'a Wesse' egegkok. Cháxa keñamak megkatyapma nak chá'a aqsok apmáheyo elanagkok, apkexpánmeyk apyókxoho m'a nepkések apnaqtósso.

Jeremías 46:17

“Kóltemésses sa' apwesey faraón se'e, wesse' apwányam nak Egipto: ‘Appaqméteykha naqsa, méko etnehek kaxwo'.’

Jeremías 49:7

Aptáhak Wesse' ekha apyennaqte apkelxéna énxet'ák Edom se'e: “¿Mékoya táhak negya'áseykegkoho aqsok ma'a Temán? ¿Ya elya'ásegkok kaxwók aptamhágkaxa m'a apmopwancha'a nak aqsok? ¿Massegwokmeya m'a apkelya'áseyak nak aqsok?

Jeremías 8:9

Elmegqágwakxak sa' eyke xa énxet'ák apkelmopwancha'a nak aqsok, elyelqakpok sa', ektémól'a aqsok nawha'ák élmál'a kelhanma. Apkelyetnakhássek agkok sekpeywa Méko katnehek apkelmopwancha'a aqsok.

Ezequiel 28:17

Eyeymáxkoho ekwányam apwáxok axta teméssessók ma'a aptaqmalma; apcheymákpoho axta keñamak ektawassáseykencha'a m'a apya'ásegwayam ektaqmela axta. Ekyenyenteyk axta ko'o exchep náxop, ekteméssessek axta aqsok ésmésamaxkohol'a kóllano' nápaqta'awók ma'a kelwesse'e apkelwányam.

Ezequiel 30:14

Ekmaso sa' atnessásekxak ma'a ekpayho nak nepyeyam ma'a Egipto, táxa sa' awatnek ma'a Soan, atnéssesek sa' nahan sekxénakxa axta atnéssesek ma'a Tebas.

Ezequiel 7:26

Katekxeyegmohok sa' mók kaxegmak ma'a nenlegeykegkoho ekmaso nak tén han ma'a amya'a ekmaso nak. Kaqhok sa' etegyagkok chá'a Dios appeywa aplegasso yaqwayam yának exekmósek chá'a aqsok; méko sa' xama enxoho apkelmaxnéssesso Dios énxet'ák apagkok apmopwána elxekmósek, méko sa' nahan xama enxoho apkelámha apmonye'e egkések chá'a apkelpeywa.

Abdías 1:7

Apkelyexancháseyha exchep ma'a apyókxoho ektáha nak appasmeykekxa'; aptekkessegkek ma'a xapop apagkok nak. Weykmok apkenmexeykekxa m'a apkelxegexma apagko' nak, appekkenchessegkek kelhanma m'a apkelxegexma'a aptómo axta chá'a apto xamo'. ¡Meyke apkelya'áseyak aqsok ma'a énxet'ák Edom!”

Abdías 1:8

Aptáhak Wesse' egegkok se'e: “Wokmek sa' agkok ekhem yaqwánxa añássesagkohok ko'o m'a Edom, amasséssessók sa' apyókxoho m'a apkelya'áseykegkoho nak aqsok, amasséssesek sa' ekha apkelmopwancha'a m'a énxet'ák apheykha nak egkexe élekhahéyak Esaú.

Números 13:22

Apkelántaxneyk axta m'a ekpayho nak Négueb tén axta apkelwokmo m'a Hebrón. Cha'a apheykegkaxa axta nahan Ahimán, Sesai, tén han Talmai ma'a, Anac axta aptawán'ák neptámen. Siete apyeyam axta nahan weykmok apkelánamap ma'a tegma apwányam Hebrón, amonye' apkelánamap axta Soan ma'a Egipto.