Isaías 19:1 - Biblia Enxet

¹ Egipto ekxénamaxche yaqwánxa kólteméssesek. Kóllano Wesse' egegkok: Apxegakmek néten yaphope ekyennaqte ekxega apmeyókmo m'a Egipto. Kelpexyennegkek apmonye' m'a aqsok kéláyókxa nak Egipto, apkelakawók apagko' ma'a egipcios.

Isaías 19:1 ပူးပေါင်းရင်းမြစ်များ

Salmos 104:3

¡Apkeláneyak apxagkok ma'a néten yegmen nak, cham'a netno' nak! Apchánte aptamheykekxak ma'a yaphope nak; ¡exog chá'a neyseksa éxchahayam!

Salmos 104:34

Émenyeyk ko'o kapeykessásekxak apwáxok Wesse' egegkok ma'a ektémakxa nak chá'a élchetámeykha ewáxok, hakte wánxa chá'a ko'o segkésso ekpayheykekxa ewáxok ma'a.

Salmos 18:9

Apmeykáseykekxeyk axta néten, keñe axta apweyweykento. ¡Yentexek axta yaphope ekpésyam ma'a kóneg apkenmágkaxa axta!

Salmos 68:4

Kólmeneykmásses chá'a kéxegke m'a Dios, kólmeneykmásses chá'a negmeneykmasso kólxének apwesey; kólpeykesho chá'a kéxegke m'a apxegamo nak chá'a néten yaphope. ¡Kólmés chá'a ekpayheykekxa kélwáxok Wesse' egegkok! ¡Kalpayhekxa chá'a kélwáxok nápaqto'!

Éxodo 12:12

Cháxa axta'a nak, aweynchamha sa' ko'o m'a ekyókxoho nak kañe' Egipto, alnápok sa' chá'a xama tegma étchek átnaha apketkók ma'a egipcia, tén han ma'a émha amonye' ekwete nak étkók ma'a apnaqtósso. Alyekpexchetagkok sa' nahan ko'o m'a ekyókxoho aqsok kéláyókxa nak chá'a m'a kañe' Egipto. Ko'o sekxeyenma xa, sektáha nak Wesse'.

Isaías 13:1

Keso amya'a ekxénamaxche axta yaqwánxa katnehek kéllegassáseykegkoho m'a Babilonia, apxawe axta eñama kélxekmósso m'a Isaías, Amós apketche nak:

Isaías 13:7

Keñe sa' kalyelqaxchek apaktegák ma'a apyókxoho énxet, kamaskok sa' élyennaqte apkelwáxok ma'a apyókxoho,

Isaías 19:16

Máxa kelán'a sa' etnahagkok egipcios xa ekhem nak; metwasha sa' yeyk apkelwet'a enxoho emáwhok ellegássesagkohok ma'a Wesse' ekha nak apyennaqte, elyegwáwhok apagko' sa' nahan.

Isaías 21:9

Ekwet'ak ko'o ekxegakmo xama yátnáxeg apyenyawasso apqánet yátnáxeg kélnaqtehetchesso.” Tén axta aptáha xama énxet se'e: “¡Apteyekmek, Babilonia, apteyekme'! Nekha'a étkók kéltemessásekxak kélyaqnegkessásegko náxop ma'a ekyókxoho kéleykmássesso apagkok apcháyókxa nak chá'a.”

Jeremías 25:19

Eyágkek axta han ma'a faraón, wesse' apwányam nak Egipto, yetlo apkeláneykha, tén han ma'a apkelámha apmonye'e apagkok, ekweykekxoho m'a apyókxoho énxet'ák apagkok,

Jeremías 4:13

Kóllano, máxa yaphope élxegayam aptamhágkok apkelxegakmo m'a kélenmexma, máxa éxchahayam ekyennaqte agko' la'a m'a yátnáxeg apkelyenyawasso apagkok apkenchesso nak kempakhakma, apmelyeyha'awók apagko' han apkenyehéyak ma'a yátnáxeg apkelchánte, apyeykhásseykmok ma'a ekweykenxal'a ekyennaqte émpé m'a náta élyawe. ¡Negko'o laye, peyk agmassegwók!

Jeremías 44:8

¿Yaqsa ektéma séllókassama nak, eñama m'a ektémakxa nak aqsok kélláneyak, tén han kélméssama chá'a aqsok ánek ekmátsa nak ekpaqneyam éten agkok mók aqsok kéláyókxa s'e kañe' Egipto nak, kélmeyeykenxa nak kélhaya? Sa' kagkések kélmassésamaxkoho kélagkok kélagko' kéxegke xa, katnéssásekxak sa' kéltémo nak chá'a hentemegwomhok exma ekmaso, tén han mékoho nepyeseksa pók aptémakxa énxet'ák nak keso náxop.

Jeremías 50:2

“Kóllegés sa' se'e, kólya'assásegwom sa' nepyeseksa apyókxoho énxet'ák. Kóllegés sa' yaqwayam kólya'asagkoho'; nágkólpós xama enxoho. Kólteme sa' se'e: ‘¡Apteyekmek Babilonia! ¡Aqsok eyesmésamaxche tamhákxak ma'a dios Bel, megkay'ásegkok ektáhakxa élmenaye m'a dios Marduc! ¡Aqsok élasmésamaxche tamhákxak ma'a aqsok kéleykmássesso apagkok, tén han ma'a aqsok apkeláyókxa élmowancha'a amya'a nak, kelmenakawók agko'!’

Jeremías 51:44

“Añássesagkohok sa' ma'a dios Bel nak Babilonia, ayekxássesek sa' ma'a aqsok élmenaqsapma axta, melyo'ótamók sa' nahan kaxwók ma'a pók aptémakxa énxet'ák. ¡Kelyaqnenágkek kaxwók ma'a kélhaxtegkesso nak Babilonia!

Ezequiel 30:13

“Ektáhak ko'o sekpeywa s'e, sektáha nak Wesse': Amasséssók sa' ko'o m'a aqsok kéleykmássesso, tén han ma'a aqsok kéláyókxa élmowancha'a amya'a nak ma'a yókxexma Menfis. Mexnekxók sa' chá'a kaxwók wesse' m'a Egipto, nélmenaye ekyawe sa' ko'o atekkesek ma'a apchókxa nak.

Joel 3:19

Ekmaso sa' katnekxak ma'a Egipto, keñe sa' Edom katnekxak meykexa énxet, hakte apketámeykegkek axta m'a énxet'ák Judá, apkelnapmeyk axta énxet'ák meyke nak apkeltémakxa apheykha axta m'a.

Nahúm 1:1

Keso weykcha'áhak apxawe axta eñama kélxekmósso m'a Nahúm apkeñama axta Elcós. Cháxa amya'a ekxeyenma nak ma'a tegma apwányam Nínive.

Nahúm 1:3

Mepekhaksek chá'a elwok ma'a Wesse' egegkok, apmeyhek eyke, megkatnehek chá'a mellegassáseykegkoho m'a apkelsexnánémap nak. Exog chá'a Wesse' egegkok ma'a neyseksa éxchahayam ekyennaqte, cha'a ekpánchesso apmagkok ma'a yaphope nak.

Zacarías 10:11

Alyeykhásekxak sa' ma'a wátsam ekwányam Egipto, atekpog sa' ko'o m'a yegmen nak. Eymaksohok agko' sa' yegmen ma'a wátsam Nilo. Amasséssesek sa' ektémakxa nak éleymáxkoho apkelwáxok ma'a énxet'ák Asiria. Amasséssesek sa' nahan ektémakxa nak apkelyennaqte m'a énxet'ák Egipto.

Zacarías 14:18

Sa' agkok elmeyákxak chá'a m'a énxet'ák Egipto, ellegássesagkohok sa' ma'a Wesse' egegkok. Sa' katnehek nahan ma'a mók apheykegkaxa nak cha'a énxet melmeyeykekxa nak chá'a elánegwakxak apkelsawássessamo ekhem Kélpakxeneykegkaxa Yenta'a Aktegák ma'a.

Números 33:4

neyseksa apkelátawanye apketchek átnaha apketkók ma'a apyókxoho egipcios, Wesse' egegkok axta apkelnapma, apkeltémókxa axta kólteméssesek apkelenmexma m'a aqsok apkeláyókxa nak.

Deuteronomio 33:26

“Méko aphawo m'a Dios apagkok nak Jesurún, apkexyeykmoho nak néten neyseksa yaphope yetlo apcheymákpoho yaqwayam epásegwata'.

Josué 2:11

Awanhók agko' axta éltamheykha egwáxok nenleg'a negko'o m'a amya'a nak. Cháxa keñamak méko nak ekmako kalenmexek kéxegke, cham'a Wesse' ektáha nak Dios kélagkok kéxegke, cháxa aptáha apagkok apagko' ma'a néten, tén han ekweyktámho s'e náxop nak.

Josué 2:24

Entáhak axta amya'a apcháneyákpo Josué s'e: “Wesse' egegkok egmeyásak negko'o s'e ekyókxoho xapop nak. Awanhók agko' éltamheykha apkelwáxok ma'a apyókxoho énxet'ák apheykha nak Jericó, negko'o eñamakxa'.”

Josué 2:9

—Ekya'ásegkók ko'o apmésa Wesse' kélagkok kéxegke s'e xapop nak, hakte egméssek negko'o ekyawe agko' éltamheykha egwáxok. Awanhók agko' éltamheykha apkelwáxok apyókxoho énxet'ák apheykha nak se'e, kéxegke eñamakxa'.