Isaías 18:6 - Biblia Enxet

⁶ Ekyókxoho aqsok sa' kaltaqmopagkok ma'a néten meteymog élekhahéyak nak, yaqwayam sa' katawagkok ma'a náta élyawe ektómo nak chá'a mók, tén han ma'a aqsok nawha'ák éllo nak. Kalyagqak sa' náta, ekhem ekmexanmakxal'a exma m'a, keñe sa' ekyókxoho aqsok nawha'ák éllo kallawha chá'a m'a ekhem apmopsamágexal'a.”

Isaías 18:6 ပူးပေါင်းရင်းမြစ်များ

Isaías 14:19

keñe exchep kélyenyawa aqsa megkatnahakxa takhaxpop, máxa m'a aqsok ápak kélyamasmal'a megkaleklól'a kélwáxok kóllano', máxa m'a kélhápak élteyammomáxchel'a nepyeseksa m'a énxet'ák aptekyawa, kélyaqténcháséyak la'a apyespa'ák, kélchexakhál'a m'a kañe' máxek ekxámokmakxal'a m'a meteymog.

Isaías 23:13

Kóllano s'e xapop nak, xapop ekhagweyktamxa axta chá'a m'a yántakpayhe élyawe. Apnaqxétekháseykegkek axta tegma apkelwenaqte m'a caldeos keñe aptepelcheykekxo m'a tegma apkelyawe apkeltaqmalma nak ma'a Sidón, tegma aphopák axta aptemessáseykekxa'. Aptamhéyak apagkók axta nahan ma'a, háwe m'a énxet'ák Asiria.

Isaías 46:11

Ekwóneyha ko'o xama énxet apkeñama nak teyapmakxa ekhem, makhawók sa' yenyeyk exegma', ektémól'a m'a náta ekyawe ekteykekxohol'a mók ápetek elánegwak sa' ekyókxoho m'a aqsok sekmáheyo nak alána'. Sa' atnehek alának aqsok ma'a sektáhakxa axta sekxeyenma, cham'a yaqwánxa axta atnehek, alának sa' nahan.

Isaías 56:9

Kólchexyem, aqsok nawha'ák éllo; kólchempoho, aqsok nawha'ák élleykha nak naxma, kóltáswata nepkések;

Jeremías 15:3

“Ektáhak ko'o sekpeywa s'e, sektáha nak Wesse': Wahak sa' ko'o cuatro ektémakxa apkellegeykegkoho: etekyók sa' kempakhakma, semheg sa' kalyenyawasha, máma sa' etawagkok aphápetek, tén han aqsok nawha'ák éllo.

Jeremías 16:4

Eletsapok sa' eñama negmasse ekmaso agko', méko sa' nahan kalekxagwaha eñama apkeletsapma, méko sa' nahan kalátawanyek: kaxnagkokxak sa' aqsa náxop aphopák, ektémól'a aqsok ekteyáseykha. Kasáwak sa' kempakhakma tén han meyk élnapma, máma sa' etawagkok aphopák, tén han aqsok nawha'ák éllo.”

Jeremías 7:33

Máma sa' etnehek aptéyak aphopák xa énxet'ák nak, tén han ma'a aqsok nawha'ák éllo, méko sa' kamenxenchesek.

Ezequiel 31:13

Kalyáqwak sa' mók ektémakxa nak chá'a náta m'a néten nak yámet ekyaqnenma, keñe sa' kaxnagwak chá'a néten élekkexamaxche aktegák ma'a mók ektémakxa nak chá'a aqsok nawha'ák élmeymentakcha'a.