Isaías 17:5 - Biblia Enxet

⁵ Sa' katnehek ma'a aptémól'a xama énxet apnakxól'a hótáhap apaktek apyekhámeykekxal'a m'a apyexna, essenhan ma'a ektémól'a kólmekxak hótáhap apaktek kélyaqtónma m'a ekyapwátegweykenxa nak xapop ma'a Refaim,

Isaías 17:5 ပူးပေါင်းရင်းမြစ်များ

2 Samuel 5:18

Apchágketchessekmek axta m'a filisteos, apkelhakmek axta m'a ekyapwátegweykenxa nak xapop ma'a Refaim.

2 Samuel 5:22

Apkelhákxeyk axta eyke makham filisteos ma'a ekyapwátegweykenxa nak xapop Refaim,

Proverbios 27:25

Tepékxek sa' agkok makham ma'a pa'at tén han éltektépekxo enxoho ekyókxoho, kélyaqtenna enxoho pa'at kéléyak kélnaqtósso m'a néten egkexe nak,

Isaías 17:11

kéltaqmelchessegkek axta m'a sekxók axta kélcheneykekxo, keñe mók ekhem ekteyapma m'a aqsok aktek kélcheneykekxa. Wa'ak sa' agkok ekmaso m'a aqsok kélcheneykekxa nak megkamowánal'a kaltektépekxa', kasók sa' ma'a aqsok kélcheneykekxa.

Jeremías 51:33

Hakte aptáhak Wesse' ekha apyennaqte Dios apagkok nak Israel se'e: “¡Aphawók Babilonia m'a kélchexakkassamakxa nak chá'a apyempe'ék hótáhap apaktek, kaxwók sa' kammok ekhem eknakxamáxchexa apaktek!”

Jeremías 9:22

Hágkek aphopák náxop ma'a énxet'ák, máxa m'a weyke ekteyáseykha ekhéyak la'a yókxexma, máxa m'a hótáhap apyexna appalleykhal'a neptámen ma'a énxet apkelyaqtónma nak, méko nahan élmákxo.” Wesse' egegkok apxeyenma xa.

Oseas 6:11

Keñe exchep Judá, ekpekkenchessek ekhem yaqwánxa añássesagkoho'. “Ekyókxoho sekmáheyo chá'a ayaqmagkassesek ektémakxa apheykha m'a Israel,

Joel 3:13

Kólyaqtennák sa' ma'a, hakte asagko' agko' apkeltémakxa, sa' kólteméssesek ma'a aptémól'a hótáhap apyexna apmakhetma kólyaqtennek, hakte wokmek ekhem kélyaqténmakxa; kólteyammaha sa' ektémól'a anmen yámet ekyexna kólteyammaha, hakte penchásexcheyk yaqwayam kalanaxchek vino.

Josué 15:8

yeykhayak axta han ma'a ekyapwátegweykenxa nak xapop yókxexma Ben-hinom, teyp nak Jebús ekmeyeykekxexa nak néten xapop ekpayho nak nepyeyam, cham'a Jerusalén; keñe ekmeyeykekxo m'a étseksek egkexe, teyp ekyapwátegweykenxa nak xapop Hinom ekpayho nak taxnegwánxa ekhem, tén han ma'a teyp nak ekyapwátegweykenxa xapop ma'a Refaim ekpayho nak nexcheyha,

Josué 18:16

keñe axta ekweyweykento ekweykekxoho m'a awhak egkexe émha nak ma'a ekpayho nak ekyapwátegweykenxa xapop ma'a Ben-hinom, teyp nak ekyapwátegweykenxa xapop Refaim, ekpayho nak nexcheyha. Keñe ekweyweykento m'a ekyapwátegweykenxa nak xapop ma'a Hinom, yeykhayak axta m'a ekmeyeykekxexa nak néten xapop ma'a Jebús ekpayho nak nepyeyam, xegamchek axta ekweykekxoho m'a ekyetnamakxa nak yegmen En-roguel,