Isaías 17:13 - Biblia Enxet

¹³ Xama axta apkelpaqhetchesa ekyennaqte agko' ma'a Dios, makhawók axta apkelmahágkok apkelyexanma, axta aptamhágkok ma'a ektémól'a pa'at kalsók éxchahayam ma'a yókxexma, ektémól'a am'ák kalpexyawasagkok náxop kalsók ma'a éxchahayam ekyennaqte agko'.

Isaías 17:13 ပူးပေါင်းရင်းမြစ်များ

Job 21:18

¿Agwethoya chá'a kólexpánchesek, ektémól'a pa'at apák kalsók samaxche éxchahayam agkok?

Job 38:11

Axta ektemék seyenagkama s'e: “Sa' katnehek néxa s'e, megkamallánek sa'; sa' kalnextog élyaqyahayam élyawe agkok se'e.”

Salmos 1:4

Megkaxnawok ma'a énxet'ák élmasagcha'a nak apkeltémakxa, hakte aphawók ma'a pa'at apák élsó nak éxchahayam.

Salmos 35:5

¡kalsók sa' éxchahayam ektémól'a pa'at apák, apkexpánchesso m'a Wesse' egegkok apchásenneykha!

Salmos 65:7

Emasseksohok chá'a exchep éxtegyawà ekyennaqte m'a élyaqyahayam nak, tén han apyennegkesso exma nak énxet'ák;

Salmos 65:8

kawomhok apkelpexyennama elwetak aqsok sempelakkasso nak agwetak apkelane exchep ma'a énxet'ák apheykha nak makhawók agko' keso náxop; apkelwóncháseyha apkelátseyncha'a énxet'ák ma'a ekpayho nak ekteyapmakxa ekhem, tén han taxnegwánxa ekhem, eñama exchep.

Salmos 9:5

Apkeltaqnaweykegkek ma'a melya'áseyak nak xép, apmassésseykmek xép ma'a élmasagcha'a nak apkeltémakxa, ¡apmassésseykmók apagko' apkelxénamap chá'a!

Isaías 14:25

Amasséssók sa' énxet'ák Asiria m'a seyókxa, alteyammaha sa' ma'a néten meteymog élekhahéyak ahagkok nak. Kamaskok sa' elhakpok énxet'ák ahagkok ma'a apkeltamheykha ekyentaxno apkelmésso nak chá'a m'a, kamaskok sa' apkelpata m'a aqsok ekyentaxno apkelpatmeykencha'a nak chá'a.

Isaías 21:15

Hakte apkenyahágkek apmonye'e m'a apkelmeykha nak sókwenaqte, sókwenaqte élmahamta nak, tén han ma'a yágke ketók kélyáteykxa nak tén han ma'a kempakhakma ekmaso agko' nak.

Isaías 22:18

máxa aqsok ekyaqye sa' etnéssesek éttelegwasagkok, eyensók sa' ma'a ekyawakxa nak exma xapop. Sa' yetsapwók ma'a. Sa' kaxnagwók yátnáxeg apkelyenyawasso apagkok eyaqheykencha'a nak chá'a apwáxok ma'a, emegqaksek sa' xép ma'a wesse' apagkok tén han ma'a ekheykha nak apxagkok.

Isaías 27:1

Elyetxák sa' sókwenaqte apagkok Wesse' egegkok yéwa ekwányam ekwesey nak Leviatán xa ekhem nak, cham'a sókwenaqte apagkok ekmahamta nak, tén han ekyawe, ekha nak ekyennaqte, yéwa ekwányam élyaqseykekxohol'a, yéwa ekwányam ekpexyaweykegkohol'a náxop kaxog, yaqhek sa' nahan ma'a yegmen askok ekyawe ekyetnama nak ma'a wátsam ekwányam.

Isaías 29:5

Katlakkasek sa' eyke aqsa ellegássesagkohok ekmanyehe agko' Wesse' ekha nak apyennaqte m'a apkelenmexma nak, yetlo takha' aplo, xóp ekyawheykha, tén han éxtegyawà ekyennaqte, éxchahayam ekyennaqte, tén han yaphope néten ekmaso yetlo eyáléwe ekmassesseykmohol'a aqsok. Xapop ánek agko' sa' etnekxak ma'a apkelenmexma apxámokma nak, máxa pa'at apák élchampe sa' kólteméssesek ma'a apyaqmáseykha apxámokma nak.

Isaías 30:28

máxa wátsam ekteyapmal'a yegmen entáhak ma'a apkennama nak ekyetnél'a egyespok; apxegakmek yaqwayam éntaxnéssessak apheykha m'a pók aptémakxa nak chá'a énxet'ák, yaqwayam sa' kanaqlakxak ma'a nennaqtawásamáxchexa nak, apxegakmek yaqwayam elatchessessak apatña'ák énxet'ák ma'a ekho nak yátnáxeg kélatchessesso apwáxok yaqwayam sa' kalyetnakhássók chá'a apkelxega.

Isaías 34:17

Apmésso apagko' nahan chá'a xama xama m'a yaqwánxa kalyagqa', appenteyhássessegkek chá'a apxekmóssama m'a xapop agkok nak, katnehek sa' chá'a agkok meyke néxa m'a; kalyagqak sa' chá'a yókxoho apyeyam.

Isaías 40:15

Máxa xama eksekkenmal'a yegmen entemék apkelányo énxet'ák ma'a Dios, ektémól'a m'a xóp ánek ekheykegkokxal'a m'a kañe' kelyetsátéyak; hawók apkelányo yagkamex keyetsék la'a m'a apkelókxa egkexe étkók ekhéyak nak neyseksa wátsam ekwányam.

Isaías 40:24

Máxa m'a aqsok kélcheneykekxa megkalyennaqtél'a, kaxwe kélcheneykekxal'a, kaxwe élatchessól'a kepmenák ma'a xapop. Apwátekhapchek agkok nepyeseksa m'a Dios, elapyósek, keñe kalsók ma'a éxchahayam ekyennaqte, ektémól'a m'a yámet áwa' apák.

Isaías 41:11

Elmegqágwakxohok sa' apyókxoho m'a aptaqnagko nak chá'a, melya'asagkek sa' aptamhágkaxa; esawhakpohok apagko' sa' ma'a apkelnápomákpo nak chá'a exchep.

Isaías 8:7

yáhakkasek sa' yegmen ekyawe ekyennaqte ényé wátsam Éufrates ma'a Wesse' egegkok, (wesse' apwányam Asiria m'a yetlo m'a ektémakxa nak apyennaqte). Kallanagkok sa' ekyókxoho m'a yegmen atamnek apagkok nak, kalántépok sa' ma'a neyáwa',

Daniel 2:35

Ánek agko' axta tamhákxak ma'a sawo ekyentaxno, yelpa', sawo ekyexwase, sawo ekmope tén han ma'a sawo ekyátekto ekmomnáwa nak, ektémól'a kataxchek ma'a ekmexanmakxal'a exma, kélchexakkassamakxal'a chá'a apyempe'ék ma'a hótáhap apaktek, kelsókek axta éxchahayam meyke eyeymomáxche'. Keñe m'a meteymog ektégweykta axta m'a kéleykmássesso, ektamhákxo m'a meteymog émha ekyawe, eksawheykekxoho axta ekyókxoho xapop.

Oseas 13:3

Cháxa keñamak peya nak elxohok ma'a téyáméten ekteyapmól'a axto'o, ektémól'a m'a yálye ektéyam la'a amonye' élseye, ekmanyehe nak chá'a kamassegwók, elxohok sa' ma'a ektémól'a pa'at apák élsól'a éxchahayam, tén han ektémól'a éten ekteyapmól'a m'a néten ekpánmakxa'.

Sofonías 2:2

amonye' kélchempasso ektémól'a pa'at apák, ekmassamól'a aqsa xama ekhem agko'; amonye' eyáhapwe kéxegke m'a Wesse' egegkok aplo; amonye' eyáhapwe kéxegke m'a ekhem aplawa sa' Wesse' egegkok.