Isaías 17:10 - Biblia Enxet

¹⁰ hakte kelwagqámeykegkek ma'a Dios ektáha axta apkelwagkasso teyp, megkaxeyenmak kélwáxok apteme axta apkelmasma apyennaqte m'a. Kélchekhamchek kéxegke s'e namyep étkók éltaqmalma nak, kélchencháseykekxeyk pánaqte exnók ma'a aqsok kéláyókxa éleñama nak mók nekha,

Isaías 17:10 ပူးပေါင်းရင်းမြစ်များ

1 Crónicas 16:35

Kólteme sa' kólának se'e: ¡Oh Dios, apteme nak segwagkasso teyp, hẽlwagkas negko'o teyp! ¡Heganchásekxa', hẽlmallahanches nepyeseksa m'a pók aptémakxa énxet'ák, yaqwayam sa' ólpeykeshok apwesey ekpagkanamaxche', yaqwayam sa' kalpayhekxak egwáxok ólpeykeshok xép!

Salmos 106:13

Ñohók axta eyke han élwagqámeykegko m'a aqsok apkelane axta Dios, axta elhaxanmak eltennaksek ma'a ekxeyenma axta apwáxok etnéssesek.

Salmos 106:21

Kelwagqámeykegkek axta m'a Dios Apkelwagkasso nak Teyp, apkeláneyo axta chá'a aqsok élyawe agko' ma'a Egipto,

Salmos 18:2

Xép apteme setaqmelchesso, sekyexánegweykekxexa', semallahanchesso, Dios ahagkok, semasma apyennaqte, seyáhakkásamáxche', sewagkasso teyp apmopwána, xép apteme sekyexanmomakxa netno' agko'.

Salmos 31:2

Heyeyxho ko'o, ¡epekhésa, hewagkasek teyp! Etne exchep semasma apyennaqte, ¡etne exchep tegma apyennaqte sekyexanmomakxa, tén han sewagkasso teyp!

Salmos 65:5

Dios, Sẽlwagkasso nak teyp negko'o, egátegmowágkek negko'o exchep, yetlo ekyawe apkelane aqsok sentaqmelchessáseykekxo nak negheykha; megkólya'ásseykmok xép ekyókxoho keso náxop, ekweykmoho m'a énxet'ák apheykha nak makhawók agko', teyp wátsam ekwányam;

Salmos 79:9

Oh Dios, Sẽlwagkasso nak chá'a teyp negko'o, ¡hempásem, hẽlmallahanches aqsok ekmaso, ná eyaqmagkásekxa mólya'assáxma, ¡eñama apkelmeyeykha apwesey eyeymáxkoho!

Salmos 85:4

Dios, Sẽlwagkasso nak teyp, ¡hẽlwagkas makham negko'o teyp, ná elenxanmagkoho sẽltaqnawéyak!

Salmos 9:17

Exnagwók sa' apkelmaheykegkaxa nak apkeletsapma m'a élmasagcha'a nak apkeltémakxa, tén han ma'a melya'áseyak nak Dios, tén han élwagqámeyak nak ma'a Dios;

Isaías 12:2

Dios apteme chá'a sewagkasso teyp; may'ásseykmok nahan, magwayék nahan. Wesse' egegkok apteme sekyexanmo tén han segkésso sekyennaqte, cha'a apteme sewagkasso teyp ma'a.”

Isaías 17:9

Eltaqmopagkok sa' tegma apkelyawe apkelyennaqte apagkok xa ekhem nak, ektéma axta apkeltaqmópeykegko tegma apkelyawe apagkok ma'a heveos tén han ma'a amorreos eñama apkelaye m'a israelitas. Yókxexma meyke xama aqsok sa' katnekxa', ekyamayéxma,

Isaías 18:5

Penchessek sa' agkok élyapwe m'a anmen yámet kélcheneykekxa, ekyaqmagkasa enxoho m'a ekyexna nak, kólyaqténchesagkok sa' aktegák sawo amonye' yaqwayam kammok ekhem eknakxamáxchexa, kólyaqténchesek sa' keñe sa' kólchexakkasek.

Isaías 25:4

Hakte xép apteme apyexanmomakxa m'a énxet apmopyósa nak, apmasma m'a aplegeykegkoho nak aphakxa meyke aqsok, apyexanmomakxa m'a ekwa'a enxoho éxchahayam ekyennaqte, pessesse apagkok ma'a ekmexna enxoho mayáhat. Máxa éxchahayam ekyennaqte éxcheheykmohol'a ekhem apmopsamágexa apkelennama m'a énxet'ák megkalmayósa nak elanok aqsok,

Isaías 26:4

Kólteme chá'a kéláyo m'a Wesse' egegkok, hakte cha'a apteme segmasma apyennaqte memassegwayam ma'a.

Isaías 30:29

Keñe sa' kéxegke, kólmeneykmaksek, ektémól'a kalanaxchek kélessawássessamo ektaqmalma axta'a; kalpayhekxak sa' kélwáxok, máxa sa' kóltéhek ma'a aptémól'a énxet apkelpáwassól'a yámámok neyseksa apkelxega elmahagkok ma'a Wesse' egegkok egkexe apagkok, apkelyexanmomakxa nak ma'a énxet'ák Israel.

Isaías 33:2

Wesse', hẽlayósho henlanok negko'o, ektáha nak nélhaxanma exchep. Etne chá'a sempasmo negko'o yókxoho ekhem, tén han sẽlwagkasso teyp ma'a ekwa'a enxoho ekmaso negheykha.

Isaías 44:8

¡Kólwasqápekxoho, nágkóle'! Axta ektemék ko'o sélanagkama kéxegke xa ektáha nak, eklegassegkek axta m'a nanók agko' axta, kéxegke kélteme kélya'áseykegkoho. ¿Yetneyk enxeykel'a pók dios mók nekha? Méko pók apkelmasma énxet; mateyk xama enxoho.”

Isaías 51:13

¿Péya kalwagqamagkok ma'a Wesse' kélagkok, ektáha axta apkelane, ektáha axta nahan appeykesso néten ma'a yaphope tén han apkelane m'a xapop? ¿Péya kólpexyennók aqsa chá'a kélaye yókxoho ekhem eñama apkeltaqnawéyak ma'a ektáha nak chá'a apnaqtawáseykegkoho, appencheséyak nak aptamhágkaxa yaqwayam emasséssók? ¿Háxko eyke ekyetnakxa xa apkello nak?

Isaías 61:10

¡Appeykásekxeyk ewáxok Wesse' egegkok! Awanhók agko' segkésso sélsawassamo m'a Dios ahagkok, hakte egkéssek ma'a nélwagkásamáxche teyp apagkok, ¡ewagkásawók ahagko' teyp! Máxa ektáhak ma'a ektémól'a énxet élyamhopma kélatchessessól'a apqátek ma'a apkelháxaqxo ektaqmalma, ektémól'a m'a xama kelán'a ekmáheyól'a kalyamhápok kélnáxegkáseykhal'a kólnatmeyásekxak ma'a élnatanma éltaqmalma.

Isaías 62:11

Aplegássek Wesse' egegkok ekweykmoho néxa xapop se'e amya'a nak: “Kóltennés énxet'ák apheykha nak tegma apwányam Sión apwa'a kaxwók apkelwagkasso teyp. Apnaqlánteyk Wesse' egegkok énxet'ák apagkok natámen apkelwagkasso teyp.”

Jeremías 12:13

Apkeneykegkek hótáhap, keñe apnakxeykegko menóke; eyaqhémo temégweykmok ma'a ekyókxoho apkeltamheykha nak. Ántawók ekyexna aqsok kélcheneykekxa, eñama seklómo ahagko' ko'o.”

Jeremías 17:13

Wesse', xép apteme apkelhaxanma m'a Israel. Elmegqágwakxohok sa' apyókxoho m'a apyamasma nak xép. Elmassegwók sa' apyókxoho m'a apyetnakhasso nak xép, ektémól'a kélwesey kéltáxéssól'a yagkamex, eñama apyamasma exchep, apteme nak ekteyapmakxa yegmen ektaqmalma.

Jeremías 2:32

¿Kalwánaqmohoya chá'a xama kelán'a aqsok étkók agkok élmomnáwa, tén han élmeykha axta chá'a élnáxameykha m'a élyamhopma? Keñe énxet'ák ahagkok, nanók ekmasse élxéneykha apkelwáxok ko'o.

Jeremías 3:21

“Legáxcheyk élpayheykha kélatña'ák ma'a néten egkexe ekyamáyekxa nak exma: ¡israelitas ma'a apkellekxagweyncha'a nak, apkeltamho nak kalepyóshok kóllano'! Apkelyetnakhágweykmek apkelyetlo ámay ekpéwomo, megkalxeyenmak apkelwáxok ko'o, sektáha nak Dios Wesse' apagkok.

Ezequiel 22:12

Yetneyk han chá'a nápakha énxet'ák apagkok apma nak chá'a kólmések ekyánmaga yánékpok yaqhek ma'a pók. Emássesha nahan chá'a selyaqye apagkok pók yetlo apma ekyawe agko' ekyánmaga tén han apkeltémo eyánmagkásekxohok chá'a mók néten, elyennaqtésha nahan chá'a apyempe'ék enaqtawasagkohok ma'a apnámakkok, keñe ko'o megkaxénhek chá'a apkelwáxok. Ko'o sekxeyenma xa, sektáha nak Wesse'.

Ezequiel 23:35

“Cháxa keñamak sektáha nak ko'o sekpeywa s'e, sektáha nak Wesse': Payhawók xeye' kañegkohok eñama ekmámenyého katnegwomhoxma tén han ektémakxa megkamasexta, hakte megkaxeyenmak ko'o exche' awáxok, massegkek sélányo.”

Oseas 4:6

Méko apkelya'áseyak ma'a énxet'ák ahagkok, la'a kélmasséssekmo nak. Keñe exchep apkelmaxnéssesso nak énxet'ák ahagkok, aptaqnagko nak ma'a negya'áseykegkoho, matnéssesek sa' ko'o kaxwók aptamheykha apkelmaxnéssesso énxet'ák ahagkok. Megkaxének sa' ko'o kaxwók ewáxok ma'a aptawán'ák neptámen nak, hakte kelwagqeykmek ma'a nélxekmowásamáxche' ahagkok, ko'o sektáha nak Dios apagkok.

Oseas 8:14

Apkeláneykegkek apxanák apkelyawe m'a Israel, kelwagqeykmek eyke chá'a m'a ektáha nak apkelane. Apkeláneykegkek apxámokma tegma apkelyawe ekyennaqte nak kélhaxtegkáseyak nepyáwa m'a Judá, wáléwássesek sa' eyke ko'o táxa m'a, yaqwayam sa' kalwatnek ma'a apxanák apkelyawe nak.”

Joel 1:17

Kelyamágwokmek aqsok aktek ma'a kélmétegkáseyak nak kélcheneykekxa', apkelepsagkek ma'a hótáhap apaktek, kelesagkek nahan ma'a kélxátamakxa nak chá'a.

Levítico 26:16

sa' atnéssesek ko'óxa kélxegkáxa s'e: wáphássesek sa' aqsok segyegwakkassamo nak, tén han negmasse segaqhamo nak, ekmexanma egyempehek, tén han negmasse élmaso nak egaqta'ák, tén han ma'a ekyelqamáxche egyempehek; kaqhok sa' kólchenekxak aqsok, hakte kélenmexma sa' etókasek ma'a aqsok kélcheneykekxa kélnakxo.

Levítico 26:20

Kaqhok sa' chá'a kólwasqápekxohok kóltemeykha, megkatekkesek sa' xama aqsok enxoho m'a xapop, megkeyxek sa' han yenta'a élaqnéyak nak yókxexma.

Amós 5:11

Megkólhakha sa' ma'a kélxanák apkeltaqmalma kélláneyak axta meteymog eñama kélnaqtawáseykegkoho m'a meyke nak aqsok apagkok tén han kéltémo elyánmagkasek chá'a hótáhap apaktek elmések kéxegke, megkólyenagkek sa' nahan vino éleñama m'a kélcheneykekxa nak.

Sofonías 1:13

Cháxa keñamak peya nak kalmaxchek ma'a aqsok élmomnáwa apagkok nak, tén han kólmasséssessók ma'a apxanák nak, elanagkok sa' eykhe apxanák, mexnakha sa' eyke m'a; eknagkok sa' eykhe anmen yámet, ménagkehek sa' eyke m'a égmenek nak.”

Deuteronomio 28:30

Kamáwhok sa' eykhe chá'a kalyamhopagkok, pók énxet sa' eyke chá'a epathetagkok ma'a kelán'a kélmáheyo kólmok; kóllanagkok sa' eykhe chá'a m'a kélxanák, megkólhemek sa' eyke m'a kañe' nak; kólchenekxak sa' eykhe chá'a m'a anmen yámet, megkóltewek sa' eyke m'a ekyexna nak;

Deuteronomio 32:15

“Apmelayak axta m'a Jesurún, apkeltekpageykha axta apmagkok xapop (apmelayók apagko' axta, apkelyenmomchek axta apmele), tén axta apyamasma m'a Dios, ektáha axta apkelane; aptaqnawágweykmek axta m'a apmasma nak chá'a tén han apwagkasso teyp.

Deuteronomio 32:18

“Israel, kelwagqeykmek xeyep ma'a apyáp tén han ma'a apmasma nak chá'a; kelwagqeykmek ma'a Dios ektáha axta apmésso apyennaqte.

Deuteronomio 32:31

“Hakte apkelya'ásegkók ma'a sẽlenmexma nak, cham'a ektáha nak chá'a apkeltaqmelchesso, mogwanchek aghéshok ma'a ektáha nak chá'a negko'o sẽltaqmelchesso.

Deuteronomio 32:4

Cha'a apteme segmasma m'a; kelpéwók ma'a aptamheykha nak, kelpéwók nahan chá'a m'a aqsok apkelane nak. Cha'a apteme Dios apmámnaqsoho m'a, méko xama aqsok enxoho megkapéwomo apkelane; ¡appéwomo m'a tén han apmámnaqsoho!

Deuteronomio 6:12

Temék sa' agkok xa, nágkólwánaqma aqsa m'a Wesse' egegkok, ektáha axta apkelántekkesso m'a Egipto, kéltémakxa axta kélásenneykha naqsa.

Deuteronomio 8:11

“Kóllanagkoho chá'a kéltáhakxa yaqwayam megkalwagqamagkehek ma'a Dios Wesse' kélagkok. Kóllána chá'a m'a apkeltémókxa nak cha'a antéhek tén han ma'a nélánémaxchexa nak chá'a antéhek tén han segánamakxa séltamho exchek ko'o kóllának se'e sakhem nak.

Deuteronomio 8:14

nágkaleyxkoho aqsa kélwáxok, nágkalwagqamák nahan ma'a Dios Wesse' kélagkok, ektáha axta apkelántekkesso m'a Egipto, kéltémakxa axta kélásenneykha naqsa;

Deuteronomio 8:19

“Kelwagqámeygkek sa' agkok chá'a kéxegke m'a Dios Wesse' kélagkok, kélyetlákxo enxoho m'a pók kéláyókxa nak tén han kélpeykásawo enxoho, naqsók ko'o ektemessásak kaxwók sa' kólmasséssók kéxegke kélyókxoho.