Isaías 16:4 - Biblia Enxet

⁴ Kólho aqsa elyexanmok kélheykegkaxa m'a énxet'ák apkelxegányam nak Moab. Kólteme apkelyexanmomakxa apmonye'e m'a énxet'ák apmáheyo nak elnápok.” Massegwokmek sa' agkok kélnaqtawáseykegkoho tén han ekyeyk'a sa' ma'a kélmassésseyam nak, apkelántepa sa' apchókxa m'a apkelántaxnegwayam nak aqsa chá'a megkatnahakxa apchókxa,

Isaías 16:4 ပူးပေါင်းရင်းမြစ်များ

Isaías 14:4

kólyetsetek sa' se'e eknaqtáxésamaxche nak amya'a yaqwayam sa' kólwanyaha m'a wesse' apwányam Babilonia: “¡Kóllano ektáhakxa wesse' aplo! ¡Kóllano ektáhakxa ekmassegwokmo m'a apcheymákpoho!

Isaías 15:6

Kelyameygkek axta yámelchet ma'a Nimrim, kelyameygkek axta m'a pa'at, ketsekkek axta áwa' m'a yámet, méko axta xama enxoho eyeymomáxche m'a élyápaqmátamo nak áwa'.

Isaías 25:10

Etaqmelchesek sa' Wesse' egegkok ma'a egkexe Sión, keñe sa' ma'a Moab elteyammaha, máxa sa' etnéssesek ma'a ektémól'a pa'at apák kélteyammeykhal'a m'a kélchexakhamakxa nak aqsok apák.

Isaías 33:1

¡Xép laye, apmassésseyam nak chá'a aqsok memassegwayam nak makham! ¡Xép laye, appelakkassesso nak chá'a esexnenak pók, megkólpelakkassesso nak makham kólsexnena'! Appenchessek sa' agkok apmassésseyam aqsok, kólmasséssók sa' xép, appenchessek sa' agkok appelakkassesso chá'a apsexnenagko pók kólpelakkassesek sa' xépxa kólsexnena'.

Isaías 49:26

Wának sa' ko'o etawagkokxak aphápetek apancha'awók ma'a apsawhéssamo axta aqsok kélagkok, wának sa' kalnápekxak ma'a éma apagkok apagko' nak ektémól'a énagkok ma'a vino. Keñe sa' elya'asagkohok apyókxoho énxet ektáha ko'o sekwagkasso teyp, ko'o sektáha nak Wesse'; elya'asagkohok sa' sektáha sekmallahanchesso aqsok ekyentaxno, ko'o sektáha nak Jacob Wesse' apagkok ekha sekyennaqte.”

Isaías 51:13

¿Péya kalwagqamagkok ma'a Wesse' kélagkok, ektáha axta apkelane, ektáha axta nahan appeykesso néten ma'a yaphope tén han apkelane m'a xapop? ¿Péya kólpexyennók aqsa chá'a kélaye yókxoho ekhem eñama apkeltaqnawéyak ma'a ektáha nak chá'a apnaqtawáseykegkoho, appencheséyak nak aptamhágkaxa yaqwayam emasséssók? ¿Háxko eyke ekyetnakxa xa apkello nak?

Isaías 54:14

Keynnaqtések sa' xeyep ma'a ekpéwomo nak nentémakxa, kamaskok sa' kóltawasagkoho', kamaskok sa' nahan apkelmenaye, kamaskok sa' nahan kapekhaksek apwáxok ma'a apyegwakto nak.

Isaías 58:7

kólmések nekha kélto m'a meyk áto', kólmok nahan chá'a takha' kólhések kélxagkok ma'a énxet apmopyósa meyke nak apxagkok; kólmések nahan apkelántaxno m'a énxet'ák meyke nak apkelántaxno, kólpásem chá'a m'a kélnámakkok.

Isaías 9:4

Hakte apmasséssekmek xép ma'a ektémakxa nak sẽlásenneykha naqsa apkelhamakpo nak ma'a énxet'ák, tén han ma'a kélnaqtawáseykegkoho élyaqhakkáseykencha'a nak apkelwáxok, tén han ma'a apkemha apmonye' apkelhaya nak chá'a. Máxa entáhak ma'a ektáhakxa axta apmasséssekmo m'a Madián.

Jeremías 40:11

Keñe axta nahan ma'a judíos apkelhayam axta m'a Moab, Amón, Edom, tén han ma'a mók apchókxa nak, apkelleg'a amya'a apchahayo apkelheykmo nápakha judíos xapop apagkok ma'a wesse' apwányam Babilonia, tén han apteméssessama apkeláneykha apchókxa m'a Guedalías.

Jeremías 48:18

“Kéxegke kélheykha nak tegma apwányam Dibón, kólántép néten kéltaháno éltaqmalma kélhamakxa nak, kólhakha náxop ekyamakakxa nak xóp, hakte apkelxegakmek apya'awa kéxegke m'a apkelnapma axta énxet'ák Moab, emassesséssók sa' ma'a tegma apyennaqte kélagkok nak.

Jeremías 48:8

Kasawhekxohok sa' kélmassésseyam ma'a apyókxoho tegma apkelyawe nak, megyeymakpehek sa' xama enxoho; ekmaso sa' katnekxak ma'a ekyapwátegweykenxa nak xóp, tén han ma'a ekpayhegweykenxa nak xapop. Ko'o sekxeyenma xa, sektáha nak Wesse'.

Abdías 1:14

Axta eykhe kapayhawok etnegwók ma'a énnayhamakxa nak ámay, yaqwayam elnápok ma'a apkenyehéyak nak chá'a apkelxegányam, axta eykhe kapayhawok elmok ma'a apkelxegányam, cham'a apwet'a axta apkellegeykegkoho ekyentaxno agko', elmések ma'a apkelenmexma.

Zacarías 10:5

Sa' etnahagkok ma'a aptamheykegkaxal'a sẽlpextétamo apkelxegál'a ámay neyseksa yelpa' yempakha'; elnapakpok sa', hakte apheyk nepyeseksa m'a Wesse' egegkok, elmegqaksek sa' ma'a apkelchánte nak yátnáxeg.

Zacarías 9:8

Alanha sa' eyke chá'a ko'o yaqwayam almeyók ma'a ektáha nak chá'a ahagkok, waksek ma'a apyókxoho ektáha nak chá'a apkelyeykhágwe s'e. Kamaskok sa' enaqtawasagkohok kaxwók ma'a ektáha nak chá'a apnaqtawáseykegkoho, hakte ko'o ahagko' kaxwók séláneykha m'a.”

Malaquías 4:3

Cháxa ekhem sekpagkanma nak ko'o, máxa yagkamex sa' kólteméssesek kéxegke kólteyammaha m'a élmasagcha'a nak apkeltémakxa'.

Deuteronomio 24:14

“Nágkólnaqtawasagkoho chá'a m'a énxet'ák meyke agko' nak chá'a aqsok apagkok, kólyánmagkas chá'a heykxe m'a ekyánmaga apkeltamheykha, cham'a xama kélókxa xamo' nak kéxegke essenhan ma'a énxet apkeñama nak mók apkelókxa apheykha nak chá'a pók xam'a m'a tegma apkelyawe kélagkok.