Isaías 16:14 - Biblia Enxet

¹⁴ Aptáhak kaxwók Wesse' egegkok se'e: “Kólmasséssók sa' ektémakxa nak ekha ekyennaqte Moab ma'a ekwokmo sa' apqántánxo apyeyam, ektémól'a m'a xama énxet kélméssól'a aptamheykha ekweykmoho apqántánxo apyeyam, megkeyxek sa' apxámokma énxet apheykha m'a kañe', apqántawók apagko' sa' eleymakpok, mékoho sa' nahan etnahagkok.”

Isaías 16:14 ပူးပေါင်းရင်းမြစ်များ

Génesis 31:1

Aplegayak axta chá'a Jacob apkelpaqméteykencha'a Labán apketchek, aptéma chá'a apxeyenma s'e: “Apkelmomchek Jacob ma'a ekyókxoho aqsok ektáha axta apagkok ma'a egyáp nak negko'o, cháxa ekteméssessama nak ekxákma aqsok apagkok.”

Ester 5:11

apkeltennáseyha axta nahan ma'a ektémakxa axta ekxámokma aqsok apagkok, tén han ekxámokma m'a apketchek, tén han ma'a apteméssessama axta wesse' apwányam mexnémo m'a apkeláneykha tén han ma'a apkelpasmomákpoho axta chá'a ektémakxa aptamheykha wesse', apteméssessama néten agko' kéláyo nepyeseksa m'a apyókxoho nak.

Job 14:6

elwatés apkeláneykha, wánxa etne apkelya'assóxma'; ¡yoho aqsa eweynchamha aptémól'a m'a énxet ekha nak aptamheykha kélyánmagkasso!

Job 7:1

Yentexek ektémakxa apha énxet keso náxop, hawók ma'a ektémakxal'a apkelane aptamheykha sẽlpextétamo,

Isaías 11:14

Épetchekxak sa' pók ektamagkok ma'a énxet'ák filisteos, ekpayho nak taxnegwánxa ekhem, neptámen sa' yeñék yáhapwók; épetchekxak sa' pók elyementamagkok aqsok apagkok ekxámokma m'a énxet'ák apheykha nak teyapmakxa ekhem. Kawomhok sa' nahan apteme apagkok ma'a yókxexma Edom tén han ma'a Moab, apkeláneykha sa' etnahagkok ma'a amonitas.

Isaías 15:5

Chaqhak axta ko'o ewáxok sélano m'a Moab; apkelántekkek axta énxet'ák apheykha m'a kañe' apkenyahágko ekweykekxoho m'a Sóar, ekweykekxoho m'a Eglat-selisiya. Apkellekxagweygkokxeyk axta apkelxega m'a ekmeyeykekxa nak néten xóp ma'a Luhit; apkelpáxamáha axta ekyennaqte agko' éllapwámegko peya káhapwak aqsok ekmaso m'a ámay nak Horonaim.

Isaías 16:13

Cháxa appeywa axta Wesse' egegkok nano', apxeyenma axta yaqweykenxa etnéssesek ma'a Moab.

Isaías 17:4

Kamaskok sa' ekyennaqte Samaria xa ekhem nak, eyaqheykencha'a nak chá'a apkelwáxok ma'a Jacob énxet'ák apagkok, kamassegwók sa' ma'a ektémakxa nak ektaqmalma apheykha énxet ma'a kañe'.

Isaías 21:16

Aptáhak seyáneya Wesse' egegkok se'e: “Wokmek sa' agkok xama apyeyam kamassegwók sa' ektémakxa nak eyeymáxkoho m'a Quedar, ektémól'a m'a énxet kélyánmagkassól'a aptamheykha kammok néxa apxawe aptamheykha.

Isaías 23:9

Wesse' egegkok ekha nak apyennaqte apkeltémo katnehek xa, yaqwayam enxoho etnessásekxak mékoho apyókxoho m'a apkeleymákpoho nak, tén han yaqwayam etnessásekxak kónegók agko' ma'a kelwesse'e apagko' nak keso náxop.

Isaías 25:10

Etaqmelchesek sa' Wesse' egegkok ma'a egkexe Sión, keñe sa' ma'a Moab elteyammaha, máxa sa' etnéssesek ma'a ektémól'a pa'at apák kélteyammeykhal'a m'a kélchexakhamakxa nak aqsok apák.

Isaías 25:11

Elya'aksek sa' néten apmék ma'a énxet'ák Moab máxa sa' etnahagkok ma'a aptémól'a elya'aksek néten apmék ma'a énxet apmomo nak chá'a yegmen, xama apkeltaqhaheykha sa' chá'a kaweywenták ma'a ektémakxa nak apkeleymákpoho.

Isaías 7:16

Keñe sa' amonye' apya'ásegwayam apmeykha élchetámeykha apwáxok ma'a sakcha'a nak, kataqmopagkok sa' ma'a apchókxa nak apqánet kelwesse'e, apcháya apagko' nak chá'a exchep.

Jeremías 48:42

Kamaskok sa' ekteme apchókxa m'a Moab, hakte énmexeykekxeyk ko'o sektáha nak Wesse'.

Jeremías 9:23

Aptáhak Wesse' egegkok se'e: “Kéméxcheyk megkeyxkók appeywa exénakpekxohok apagko' énxet apya'áseykegkoho nak aqsok eñama apteme ekha apya'áseyák, tén han ma'a énxet apyennaqte nak eñama apteme ekha apyennaqte, tén han ma'a ekxámokma nak aqsok apagkok, eñama apteme ekxámokma aqsok apagkok.

Deuteronomio 15:8

ná emyágwakxa chá'a egkések aqsok ma'a, emássesha nahan chá'a m'a aqsok apkepmenyéxa enxoho chá'a.