Isaías 16:12 - Biblia Enxet

¹² Elmeyekxak sa' eykhe énxet'ák Moab ma'a apkelpeykessamókxa nak chá'a aqsok kéleykmássesso, elmaxneyagkok sa' eykhe ekwokmoho ekmassa apkelyenna, elmeyekxak sa' eykhe elmaxneyagkok ma'a tegma apkelpeykessamókxa nak chá'a mók ektémakxa aqsok apcháyókxa, melwetyehek sa' eyke aqsok.

Isaías 16:12 ပူးပေါင်းရင်းမြစ်များ

1 Reyes 11:7

Tén axta apkelana Salomón xama kélpeykessamókxa kéleykmássesso m'a egkexe ekyetnama nak ekpayho ekteyapmakxa ekhem ma'a Jerusalén, kélpeykessamókxa m'a Quemós, kéleykmássesso ekmaso agko' axta m'a Moab, tén han Moloc, kéleykmássesso ekmaso agko' apagkok axta m'a amonitas.

1 Reyes 18:29

Yeyk'ak axta yetseksókhem, axta eyke elwáteságkok apkelpáxameykha m'a énxet'ák nak, máxa élyeyháxma axta aptamhágkok apkelnextegáncha'a néten, ekwokmoho élánamáxchexal'a aqsok ekmatñá. ¡Méko axta eyátegmowágko, méko axta han ekhaxnawo!

2 Reyes 19:12

¿Kelwagkassegkeya axta chá'a teyp aqsok kéláyókxa m'a mók apheykegkaxa nak chá'a énxet, apmassésseykmo axta m'a élyapmeyk nano' nak ko'o: cham'a Gozán, Harán, Résef, tén han ma'a énxet'ák Bet-edén apheykencha'a axta m'a Telasar?

2 Reyes 3:27

Keñe axta apyentama m'a apketche átnaha apketkok apmáheyo etnehek apyaqmagkasso apteme wesse', apchaqhak axta apwatna m'a néten nak tegma kélhaxtegkesso nápakhaw'ék. Cháxa éllókasawo apagko' axta m'a israelitas, tén axta apkelhaxyawásegko apkelpakxenéyak apkeltaqhákxo apkelmeyákxo apkelókxa.

Proverbios 1:28

“Hélwónmakha sa' eykhe xa ekhem nak, magwátegmowagkehek sa' eyke ko'o; hélchetmok sa' eykhe, mehelwetekxeyk sa' eyke;

Isaías 15:2

Apkelmeyákxeyk axta énxet'ák Dibón peya ellekxagwaha m'a tegma kélpeykessamókxa axta chá'a mók ektémakxa aqsok kéláyókxa m'a néten egkexe nak. Kellapwámegkek axta énxet'ák Moab kélmasséssekmo m'a tegma apwányam Nebo tén han ma'a Medebá. Apkelmópesawók axta chá'a apkelyese apyókxoho, apkelyéseságkek axta nahan chá'a áwa' apatña'ák.

Isaías 16:13

Cháxa appeywa axta Wesse' egegkok nano', apxeyenma axta yaqweykenxa etnéssesek ma'a Moab.

Isaías 26:16

Wesse', agketmok chá'a exchep nenlegágkoho enxoho ekyentaxnamo egwáxok, cham'a senlegassásegkoho enxoho, yetlo magyennaqtésso nempaqhetchesso.

Isaías 37:38

Keñe axta xama ekhem, neyseksa apkelpeykessamo aqsok apcháyókxa Nisroc ma'a apkelpeykessamókxa axta chá'a, apkelmeyákxeyk axta han apketchek ma'a, cham'a Adramélec tén han Sarézer, apchaqhegwákxeyk axta han ma'a, tén axta apkelmeyákxo apkelyexánegwákxo m'a yókxexma Ararat. Apyaqmagkassek axta han apteme wesse' apwányam ma'a apketche apwesey axta Esarhadón.

Isaías 47:13

Apxámok apagko' axta nahan xeye' m'a appaqhetcháséyak nak chá'a, leklágweykmek axta appaqhetcháseykha. ¡Kanaqlógmak sa' kaxwók ma'a énxet'ák agkok apkelya'áseyak nak ektémakxa m'a aqsok élápogwátéyak nak néten, apkelya'áseykegkoho nak elanok aptémakxa m'a yaw'a, apkeltennasso nak chá'a yaqwánxa katnehek egmonye' yókxoho pelten, kána sa' ewagkasek teyp!

Jeremías 10:5

Hawók náta kéleyssól'a m'a aqsok kéleykmássesso, kélchenegkessól'a m'a namyep kélcheneykekxexa nak yánsamáne, yawanchek kalpaqmétek kólpatmekxohok nahan chá'a m'a, hakte yawanchek kalxog. Nágkóle chá'a kéxegke m'a, yawanchek katnéssessamhok exma ekmaso xama énxet, yawanchek nahan kataqmelchesek.”

Jeremías 48:13

Keñe sa' Moab katnehek eyaqhémo apcháyo m'a aqsok kéláyókxa Quemós, ektéma axta Israel eyaqhémo apcháyo m'a Betel, cham'a apchásenneykekxo axta chá'a.

Jeremías 48:35

Aptáhak Wesse' egegkok se'e: “Amasséssók sa' ko'o énxet'ák Moab apkelchenátweykekxa nak chá'a néten egkexe, kélpeykessamókxa nak chá'a aqsok kéláyókxa, yaqwayam elmések aqsok apnaqtósso apkelnapma m'a aqsok apkeláyókxa nak tén han elmések ma'a aqsok ánek ekmátsa nak ekpaqneyam éten agkok.”

Jeremías 48:46

¡Xép laye, Moab! ¡Kélmasséssekmek kéxegke Quemós énxet'ák apagkok! ¡Kélnaqlákxeyk apketchek apkelennay'a tén han kelwán'ák ma'a megkatnahakxa apkelókxa!

Jeremías 48:7

“Moab, apcháyók axta chá'a exchep ektémakxa ekha apyennaqte, tén han ekxákma aqsok apagkok, emakpok sa' eyke exchep xa. Kólya'aksek sa' megkatnahakxa apchókxa m'a Quemós apcháyókxa nak xép, yetlo m'a apkelmaxnéssesso nak chá'a énxet'ák apagkok, tén han ma'a énxet'ák ekha nak kéláyo.

Números 21:28

Hesbón keñamak ekteyapma táxa eyáléwe, Sihón tegma apwányam apagkok nak, ekmassessekmo nak ma'a Ar, yókxexma nak Moab, tén han ma'a apheykha nak egkexe Arnón.

Números 22:39

Tén axta Balaam apyetlákxo Balac ma'a yókxexma Quiriat-husot,

Números 22:41

Keñe axta mók ekhem, apyentegkek axta Balac ma'a Balaam, apkenátchessekmo m'a egkexe Bamot-baal, negwetayókxa axta ólmexhok ma'a neyáwa apkelpakxeneykegkaxa axta m'a israelitas.

Números 23:14

Apyentegkek axta Balac yókxexma Sofim ma'a Balaam, étseksek axta m'a egkexe Pisgá, apkelanakxa axta siete élwatnamáxchexa aqsok, apkelwatnakxa axta nahan chá'a xama xama m'a weyke étkok kennawo', tén han xama nepkések apkennawo'.

Números 23:28

Keñe axta Balac apyentama Balaam ma'a étseksek egkexe nak Peor, negweteyókxa nak ekyókxoho m'a yókxexma meykexa nak énxet.

Números 24:17

Ekwet'ak ko'o yaqwánxa katnehek egmonye', ekwet'ak ko'o makhawók agko' aqsok: yaw'a m'a aptepa nak aphakxa Jacob xama wesse' apwányam ma'a aptepa nak Israel. Eyaqhakkasek sa' apqátek ma'a Moab, eltepelchássesek sa' apqatkok ma'a apyókxoho nak Set aptawán'ák neptámen.