Isaías 15:5 - Biblia Enxet

⁵ Chaqhak axta ko'o ewáxok sélano m'a Moab; apkelántekkek axta énxet'ák apheykha m'a kañe' apkenyahágko ekweykekxoho m'a Sóar, ekweykekxoho m'a Eglat-selisiya. Apkellekxagweygkokxeyk axta apkelxega m'a ekmeyeykekxa nak néten xóp ma'a Luhit; apkelpáxamáha axta ekyennaqte agko' éllapwámegko peya káhapwak aqsok ekmaso m'a ámay nak Horonaim.

Isaías 15:5 ပူးပေါင်းရင်းမြစ်များ

Génesis 13:10

Apkenmexawók axta Lot ekyókxoho ekyapwate nak wátsam Jordán, apwet'ak axta han ekyawa yegmen ekweykekxoho m'a yókxexma étkok nak Sóar, máxa axta m'a yókxexma ektaqmalmal'a. Hawók axta m'a ektémakxa axta Egipto. (Cháxa ektémakxa axta xa, amonye' axta apmassésseyam Wesse' egegkok ma'a tegma apkelyawe Sodoma tén han Gomorra.)

Génesis 14:2

Cháxa apkempakhaya axta m'a Bera wesse' apwányam axta Sodoma, Birsá, wesse' apwányam axta m'a Gomorra, Sinab, wesse' apwányam axta m'a Admá, Seméber, wesse' apwányam axta m'a Seboím, tén han ma'a wesse' apwányam axta m'a Bela, ekwesey nak han Sóar.

Génesis 19:22

¡Exeg heykxa'! Emhók heykxa ekmanyehe m'a, malanyek sa' eyke sekxók makham sekmakókxa nak alának mewokmo enxoho makham xép ma'a yókxexma nak. Axta keñamak ektéma apwesey Sóar xa tegma apketkok nak.

2 Samuel 15:23

Axta eleyságkohok apkellekxagweyncha'a m'a apyókxoho énxet'ák nak. Apyókxoho axta apkelyeykhákxak ma'a alwáta étkok Cedrón; keñe apyeyk'a han ma'a wesse' apwányam, apyókxoho énxet'ák axta apkelxegak apmonye' apkelmahágko m'a ámay ekpayho nak meykexa énxet.

2 Samuel 15:30

Apchánteyk axta David ma'a egkexe Olivos; meyke apkelatchesso apmagkok axta apxegak yetlo apkelekxagweykha, apchaqlássek axta han apqátek magkenatchesso élapwokmo. Apkelaqlásegkek axta han apqatkok ma'a apyókxoho énxet'ák ektáha axta apkelxegexma'a, apkelxegkek axta yetlo apkellekxagweykha.

Isaías 16:14

Aptáhak kaxwók Wesse' egegkok se'e: “Kólmasséssók sa' ektémakxa nak ekha ekyennaqte Moab ma'a ekwokmo sa' apqántánxo apyeyam, ektémól'a m'a xama énxet kélméssól'a aptamheykha ekweykmoho apqántánxo apyeyam, megkeyxek sa' apxámokma énxet apheykha m'a kañe', apqántawók apagko' sa' eleymakpok, mékoho sa' nahan etnahagkok.”

Isaías 22:5

Hakte appekkenchek axta Wesse' ekha nak apyennaqte yaqwayam kawak xama ekhem negyegwakto tén han sẽlmassésseyam tén han magya'áseyak nentáhakxa m'a xóp ekyapwate ekwesey nak sẽlxekmóssamakxa aqsok. Apkelyaqnegkásegkek ma'a meteymog kélhaxta nak nepyáwa tegma; wokmók élpayheykha kélatña'ák ma'a néten meteymog élekhahéyak nak.

Isaías 59:7

wánxa aqsa elya'ammok chá'a m'a aqsok ekmaso nak, yaqwayam enxoho yaqhek chá'a ekmanyehe agko' ma'a énxet meyke nak aptémakxa. Aqsok ekmaso aqsa kélxéneykha apkelwáxok, enaqtawasha chá'a aqsok ma'a apkelmahágkaxa enxoho, esawhohok chá'a.

Jeremías 13:17

Sa' agkok kéxegke kólyahákxa, eyxaxkohok sa' ko'o alekxagwaha eñama kéleymáxkoho kéxegke; kalpexyewenták sa' ahaqta'ák égmen'ák, hakte apkelmákpek ma'a Wesse' egegkok apnaqtósso nepkések.

Jeremías 17:16

Keñe ko'o maltémo yáphássesek ma'a aqsok ekmaso, maltémók nahan yahak apkellegeykegkoho ekmaso m'a. Apya'ásegkók xép ma'a sektáhakxa axta seyáneya, hakte nápaqtók axta ekpaqmétak.

Jeremías 4:19

¡Éttelegwáseyha ko'o seklegeykegkoho ekmáske! ¡Tayha egkenyek ekyennaqte agko'! ¡Pekhekak ewáxok, mowanchek sekmako awanmak aqsa! Ekleg'ak ko'o kélpáwasso xama kélaqkahasso, tén han kélwónchesso kempakhakma.

Jeremías 4:20

Wa'akteyk aqsa chá'a amya'a ekmaso; ekmaso tamhákxak ma'a ekyókxoho apkelókxa. Kélmasséssekmek ekmanyehe agko' ma'a sélpakxenéyak nak, éltawassáseyha agko' ma'a sekpakxanma nak.

Jeremías 48:3

Legáxcheyk élpayheykha kélatña'ák ma'a Horonaim, táhak se'e: kélpalchesakmek ekyókxoho aqsok kélmasséssekmek ekyókxoho.

Jeremías 48:5

Yetlo apkellekxagweykha apkelxegak ma'a apkelmeyeykekxa nak ámay ekmeyeykekxa néten xóp ekmahéyak ma'a Luhit; kelpayheyha apatña'ák apkelwet'a aqsok ekmaso m'a apkelmeyeykenta nak apkelweyweykenta m'a ámay ekmahéyak nak Horonaim.

Jeremías 50:46

Kaxtegyók sa' ekyennaqte agko' apteyekmo sa' ma'a Babilonia, kayawheykha sa' xapop, kañexkohok sa' élpayheykha apatña'ák ma'a mók apkelókxa nak.”

Jeremías 9:10

“Kóllekxagwaha, kólápentegmakha kóllanok ektáhakxa m'a meteymog élekhahéyak nak, kallapwomák kóllanok ektáhakxa m'a émhakxa nak pa'at ektaqmela, hakte metchek ma'a, méko kaxwók ekyeykhágwokmo m'a; massék eklegáxko élpáweykha aqsok kélnaqtósso m'a, wokmók náta élchampe ényahágko, tén han ma'a aqsok nawha'ák éllo.

Números 21:29

¡Kéxegkel'aye kélheykha nak Moab! ¡Kélmassegwokmek kéxegke dios Quemós énxet'ák apagkok! Apcha'awók elántépok elxeganmok énxet'ák kélagkok ma'a. Keñe kelán'ák kélagkok apkelmésa yaqwayam elmok ma'a wesse' apwányam Sihón.