Isaías 15:1 - Biblia Enxet

¹ Moab ekxénamaxche yaqwánxa kólteméssesek. Kéltawáseyha axta Moab cham'a axta'a kélmasséssekmo axta m'a Ar; kéltawáseyha axta Moab cham'a axta'a kélmasséssekmo axta tegma apwányam Quir.

Isaías 15:1 ပူးပေါင်းရင်းမြစ်များ

2 Reyes 3:25

Apmasséssekmek axta m'a tegma apkelyawe, apkexpáncháseyha axta han meteymog ma'a neyseksa nak namyepeyk apagkok, apkelápegkokxeyk axta ekyókxoho m'a ekteyapmakxa nak yegmen, apkelyaqtennágkek axta han ekyókxoho yámet ekha nak ekyexna. Wánxa axta aqsa xama tegma apyawe apkémeykpo, cham'a Quir-haréset. Apwakheykxeyk axta eyke m'a apkelmeykha nak mélwakto keñe apma.

Isaías 11:14

Épetchekxak sa' pók ektamagkok ma'a énxet'ák filisteos, ekpayho nak taxnegwánxa ekhem, neptámen sa' yeñék yáhapwók; épetchekxak sa' pók elyementamagkok aqsok apagkok ekxámokma m'a énxet'ák apheykha nak teyapmakxa ekhem. Kawomhok sa' nahan apteme apagkok ma'a yókxexma Edom tén han ma'a Moab, apkeláneykha sa' etnahagkok ma'a amonitas.

Isaías 13:1

Keso amya'a ekxénamaxche axta yaqwánxa katnehek kéllegassáseykegkoho m'a Babilonia, apxawe axta eñama kélxekmósso m'a Isaías, Amós apketche nak:

Isaías 14:28

Apxeyenmeyk axta Isaías apyeyam apketsapma axta wesse' apwányam Ahaz se'e amya'a nak:

Isaías 16:11

Máxa arpa apxát'ák élaktamáxchel'a entáhak ekpexyennama ewáxok sélano m'a Moab tén han ma'a Quir-haréset.

Isaías 16:6

Negya'ásegkók ektémakxa nak ekyawe apkeleymákpoho m'a énxet'ák Moab: éleymáxkoho apkelwáxok, apkene etnahágkok néten kéláyo, meleysso eleykpoho' tén han apkelpaqméteykha naqsa ekteme nak mékoho.

Isaías 16:7

Ékeso éñamakxa peya sa' ellekxagwaha apyókxoho énxet'ák apheykha nak Moab elanok ma'a apchókxa; kalyaqhapmakha sa' apkelwáxok, kaqhek sa' apkelwáxok elanok ma'a énxet'ák apheykha nak Quir-haréset.

Isaías 25:10

Etaqmelchesek sa' Wesse' egegkok ma'a egkexe Sión, keñe sa' ma'a Moab elteyammaha, máxa sa' etnéssesek ma'a ektémól'a pa'at apák kélteyammeykhal'a m'a kélchexakhamakxa nak aqsok apák.

Isaías 25:12

Eyaqnegkessesek sa' Wesse' egegkok ma'a aphaxta netno' nak nepyáwa' tén han ekyennaqte; elyaqnegkessesek sa', enegkenek sa' náxop.

Jeremías 9:26

cham'a Egipto, Judá, Edom, Amón, tén han ma'a Moab, tén han ma'a apyókxoho apheykha nak yókxexma meykexa énxet, tén han ma'a apkelmópéssamo nak chá'a apkelyésesso élpayhakxa nápaqta'a. Hakte cháxa apyókxoho énxet'ák nak, tén han ma'a apyókxoho énxet'ák Israel, megkalya'ásegkok apkelwáxok ma'a Dios.”

Números 21:28

Hesbón keñamak ekteyapma táxa eyáléwe, Sihón tegma apwányam apagkok nak, ekmassessekmo nak ma'a Ar, yókxexma nak Moab, tén han ma'a apheykha nak egkexe Arnón.

Deuteronomio 2:18

‘Sakhem sa' emallánek ma'a néxa xapop nak Moab tén sa' emyekxak ma'a yókxexma Ar,

Deuteronomio 2:19

apkelwet'ak sa' agkok nahan ma'a amonitas, ná elye'és aqsa exma, nágyempakha nahan, hakte Lot aptawán'ák neptámen nahan ma'a, magkések nahan ko'o exchep nekha enxoho m'a xapop apagkok nak, hakte ko'o axta sekmésso yaqwayam etnehek apagkok apagko' ma'a.’

Deuteronomio 2:9

Tén axta Wesse' egegkok aptéma seyenagkama s'e: ‘Nágkólye'és aqsa exma m'a énxet'ák Moab, nágkólchetamák aqsa. Lot aptawán'ák neptámen ma'a. Magkések ko'o ketsék enxoho xapop kéxegke m'a apkelókxa nak. Ko'o axta sekmésso apagkok apagko' ma'a yókxexma Ar.’