Isaías 14:31 - Biblia Enxet

³¹ ¡Filisteos, kélheykha nak apyókxoho tegma apkelyawe, kallapwomák, kalpayheykha kélatña'ák kóllekxagwaha, kólpexyennem kélaye! Hakte apkelxegakmek énxet apxámokma yaqwayam yempakhak ma'a ekpayho nak nexcheyha, máxa éten ekpánmal'a aptáhak; méko nahan xama enxoho apteyapma neyseksa m'a apkeleyweykekxa nak apkelxega.

Isaías 14:31 ပူးပေါင်းရင်းမြစ်များ

Isaías 13:6

Kalpayheykha kélatña'ák, hakte chágketwa'ak ma'a Wesse' egegkok ekhem apagkok, máxa apkelyekpexchetma sa' katnehek kawak ma'a Ekha nak Apyennaqte.

Isaías 14:29

Filisteos, nágkalpayhekxa aqsa kélwáxok kélekkexchesa m'a yámet kéltekyaweykencha'a axta chá'a, hakte sa' kañék katyapok xama yéwa m'a ekteyapmakxa nak chá'a m'a yéwa, katyapok sa' xama yéwa ekwányam ekmowána kampa'.

Isaías 16:7

Ékeso éñamakxa peya sa' ellekxagwaha apyókxoho énxet'ák apheykha nak Moab elanok ma'a apchókxa; kalyaqhapmakha sa' apkelwáxok, kaqhek sa' apkelwáxok elanok ma'a énxet'ák apheykha nak Quir-haréset.

Isaías 20:1

Apcháphássek axta tegma apwányam Asdod sẽlpextétamo apkemha apmonye' apagko' ma'a wesse' apwányam Asiria, apwesey axta Sargón. Apketámegkek axta nahan tegma apwányam xa sẽlpextétamo nak yetlo apkelxegexma'a, apmeyk axta nahan.

Isaías 24:12

Apmopso aptáhak ma'a tegma apwányam, nekha'a étkók entáhak ma'a átog apagkok nak.

Isaías 26:1

Cháxa ekhem nak, sa' kalmeneykmasaxchek Judá s'e negmeneykmasso nak: “Yetneyk negko'o xama tegma apwányam apyennaqte egagkok; yaqwayam hẽlwagkasek teyp, aphaxtegkek Wesse' egegkok meteymog ma'a nepyáwa tén han ma'a ekyennaqtésso nak.

Isaías 3:26

Ellekxagwaha sa' énxet'ák ma'a tegma apwányam, kallapwomagkok sa', etaqmopagkohok apagko' sa', exhok sa' ma'a ektémól'a kelán'a ektaqmópeyak axakkók ekhal'a náxop.

Isaías 34:16

Kóllano ekxeyenma Wesse' egegkok weykcha'áhak apagkok, kólyetset nahan: Megkeymaxcheyk sa' nahan xama enxoho kólwetak xa aqsok nawha'ák nak, megkeymaxchek sa' xama m'a kelwána nak, hakte Wesse' egegkok apagko' apnegkenma xa, apkennama sa' nahan etnehek yánchásekxa'.

Isaías 45:2

“Axog sa' ko'o apmonye' exchep, alpeykásekxak sa' ma'a egkexe élekhahéyak nak alpáxqátek sa' ma'a átog sawo élyexwase élyenma nak nekha'a étkók sa' atnessásekxak ma'a sawo kélápeykekxexa nak chá'a átog.

Jeremías 1:14

Keñe axta aptáha seyáneya Wesse' egegkok se'e: “Nexcheyha sa' kañék katyapok nenlegeykegkoho ekmaso káhapwak nepyeseksa apyókxoho énxet'ák apheykha nak se'e apchókxa nak.

Jeremías 47:2

“Ektáhak ko'o sekpeywa s'e, sektáha nak Wesse': Nexcheyha keñamak ekwa'a ekho yegmen ekyawe, ektémól'a wátsam katyapok yegmen; sawhékxók eyapma m'a apchókxa, tén han ma'a ekyókxoho aqsok ekhéyak nak kañe', cham'a tegma apkelyawe nak, tén han apheykha nak ma'a kañe'. Apkelwehéseyha m'a apyókxoho énxet'ák apheykha nak kañe', kelpayheyha apatña'ák apkellegágkoho ekmáske.

Jeremías 47:4

Hakte wokmek ekhem yaqwánxa kólmasséssók ma'a filisteos, tén han kólyementemekxak Tiro, tén han Sidón ma'a apkeleymomap nak makham ma'a ektáha nak chá'a appasmo.” Naqso', emasséssók sa' Wesse' egegkok ma'a filisteos, apkelánteyapma axta m'a egkexe Creta, apkelmeyáyekmo s'e.