Isaías 14:23 - Biblia Enxet

²³ Ekyetnamakxa yelpa' ekmomhápa sa' atnessásekxa' tén han yókxexma apxámokmakxa sawe apkelyawe. Wáxñeksek sa' ma'a kéláxñesso ekmassesseykmoho nak aqsok” Wesse' egegkok ekha nak apyennaqte apxeyenma xa.

Isaías 14:23 ပူးပေါင်းရင်းမြစ်များ

1 Reyes 14:10

Wahak sa' ko'o aqsok ekmaso m'a aptawán'ák neptámen eñama apteme xa: wának sa' eletsapok apyókxoho aptawán'ák neptámen apkelennay'a m'a kañe' Israel; esawhakpohok sa'. Amasséssók sa' apyókxoho aptawán'ák neptámen, máxa sa' atnéssesek ma'a ektémól'a kólchexák aqsok ekteyáseykha.

2 Reyes 21:13

Allegássesagkohok sa' ma'a énxet'ák nak Jerusalén ekhawo sekteméssesakxa axta m'a Samaria, keñe han ma'a Ahab axta aptawán'ák neptámen; wáxñásekxohok sa', ektémól'a kólmópeyásekxak awáxok sokpayhe keñe kólpólchesagkok.

Isaías 13:20

Mexnekxók sa' chá'a énxet ma'a, méko sa' kaxnekxak xama enxoho m'a kañe' nak. Kamaskok sa' elpakxenagkok énxet'ák Arabia m'a, mellókassessekxék sa' nahan chá'a kaxwók apkelyampe nepkések apnaqtósso keláneykha nepkések ma'a.

Isaías 13:6

Kalpayheykha kélatña'ák, hakte chágketwa'ak ma'a Wesse' egegkok ekhem apagkok, máxa apkelyekpexchetma sa' katnehek kawak ma'a Ekha nak Apyennaqte.

Isaías 21:1

Yókxexma meykexa énxet ekxénamaxche' yaqwánxa katnehek, ekyetno nak neyáwa wátsam ekwányam: Máxa éxchahayam ekyennaqte ekxegayam la'a nepyeyam entáhak ekxegakmo aqsok ekmaso agko' ma'a yókxexma meykexa nak énxet.

Jeremías 50:26

¡Kólchetámegma kéleñama ekyókxoho yókxexma! ¡Kólmeykessesák atña'ák ma'a apxátamakxa nak hótáhap apaktek! ¡Kólánchesekxa énxet'ák, kólmasséssem! ¡Nágkólém xama enxoho!

Jeremías 50:3

Hakte nexcheyha apkeleñamak apkelxegakmo apketamakmo m'a yaqwayam sa' etnessásekxak yókxexma meykexa énxet ma'a apchókxa nak. Méko sa' xama énxet exnekxak ma'a tén han aqsok kélnaqtósso, hakte yenyahagkok sa' apyókxoho énxet.”

Jeremías 51:62

Keñe sa' etnehek se'e: ‘Wesse', apxeyenmeyk axta exchep emasséssók se'e apchókxa nak, yaqwayam enxoho méko kaxwók kaxek se'e, cham'a énxet essenhan aqsok kélnaqtósso, hakte yókxexma meykexa énxet meyke néxa sa' etnéssásekxa'.’

Sofonías 2:14

Kólhexyawássesagkok sa' ma'a yántéseksek apxanák nak, sa' elyagqak nahan chá'a nepkések ma'a keñe han ma'a mók ektémakxa nak chá'a aqsok nawha'ák. Sawe apkelyawe sa' enaqtének ma'a néten étseksa'ák nak yámet élámha apagkok tén han leklek, keñe sa' náta élpésyam kalpáwha m'a átog étkók nak tén han ma'a átog nentaxnamakxa nak tegma.