Isaías 14:16 - Biblia Enxet

¹⁶ Apchaqneyk nahan chá'a apkelano m'a ektáha nak chá'a apkelwete, aptáhak nahan chá'a apkelpaqmeta neyseksa apkelányo s'e: ‘¿Enxoho énxet apkelyegwakkáseykencha'a axta chá'a énxet'ák ekyókxoho apheykegkaxa xa, apmassesseykmo nak ma'a apkelókxa apheykegkaxa nak chá'a pók aptémakxa énxet'ák,

Isaías 14:16 ပူးပေါင်းရင်းမြစ်များ

Salmos 52:7

“Kóllano mey'eykekxa nak chá'a Dios yaqwayam emyók; apchásenneykekxo nak chá'a ekxámokma agko' aqsok apagkok, melwátésseyam nak chá'a apkelane aptémakxa ekmaso.”

Salmos 64:9

Keñe sa' apyókxoho énxet etnehek apcháyo m'a Dios, tén han elxének chá'a m'a aqsok apkelane; elya'asagkohok sa' han ma'a aqsok apkelane nak.

Isaías 14:15

¡Apteyekmek eyke m'a kañe' apkelmaheykegkaxa nak chá'a apkeletsapma, cham'a kañók agko' nak máxek!

Isaías 14:17

aptemessáseykekxo nak meyke xama aqsok keso nélwanmégkaxa, apmassesseykmo nak ma'a tegma apkelyawe, mekxeykekxo axta m'a énxet'ák apkelmomap axta?’

Jeremías 50:23

¡Paqxeyk ma'a Babilonia, ekho nak sawo ekyentaxno kéltekpageykha chá'a apyókxoho énxet'ák keso náxop, nekha'a étkók tamhákxa'! ¡Apkelyegwakkek pók aptémakxa énxet'ák apkelwet'a ektáhakxa m'a Babilonia!

Ezequiel 32:23

Kélátawañegkek axta m'a ektáhakxa nak kañók agko' ma'a máxek. Apkelyegwakkáseykha axta chá'a énxet'ák meletsapma axta makham ma'a sẽlpextétamo agkok nak, aptekyawomchek eyke neyseksa kempakhakma m'a, keñe apwakhaya kaxwók ma'a Asiria takhaxpop agkok nak.

Ezequiel 32:27

Axta kólátawañamok xamók ma'a énxet'ák apkelyennaqte axta, aphagweykmo axta xamók apkelmeykha apkenchesso kempakhakma m'a apkelmaheykegkaxa nak chá'a apkeletsapma, apkelteyammeykegkokxo axta m'a sókwenaqte apagkok tén han apkeláhakkáseykekxo axta apyókxa m'a apkeláhakkásamap, natámen axta apkelyegwakkáseykha m'a énxet'ák meletsapma nak makham.

Nahúm 3:6

Ayenhek sa' ko'o exche aqsok ekmanyása, amegqaksohok agko' sa', wának sa' kasmésaxche'.

Habacuc 1:10

Elwanyohok chá'a m'a kelwesse'e apkelwányam nak, tén han ma'a énxet ekha nak kéláyo. Megkatneykha chá'a apkelwáxok elanok ma'a tegma apkelyennaqte nak elesmaksek aqsa, yekheksek aqsa chá'a xapop ma'a apmonye'e nak, keñe emok chá'a ektamagkok.

Habacuc 1:17

¿Ellenxanmagkohoya sa' caldeos sẽlma negko'o yám'én apagkok? ¿Ellenxanmagkohoya sa' apkelnapma énxet'ák meyke apkelmopyóseka apkelányo?