Isaías 14:12 - Biblia Enxet

¹² “¡Apteyekmek xép néten yaw'a apwányam apteyapmól'a amonye' élseye! Kélyenyenteyk xép náxop, apnaqtawáseykegkoho axta chá'a m'a pók aptémakxa énxet'ák.

Isaías 14:12 ပူးပေါင်းရင်းမြစ်များ

Isaías 13:10

Kamaskok sa' elápogwátek yaw'a tén han yaw'a apkelyawe apchaqneykekxa nak chá'a m'a néten; kapeysamok sa' nahan ektepa enxoho m'a ekhem, megyápogwátek sa' nahan ma'a pelten.

Isaías 34:4

Kaxpaqnek sa' ma'a ekyókxoho aqsok élápogwátéyak nak néten, máxa weykcha'áhak kélyaqsáseykekxa sa' katnehek kayaqsekxak ma'a néten, elsapónak sa' apyókxoho m'a yaw'a; máxa sa' etnehek ma'a ektémól'a anmen yámet élyamaye, ektéyam la'a m'a áwa' apák tén han ma'a higo yámet.

Jeremías 50:23

¡Paqxeyk ma'a Babilonia, ekho nak sawo ekyentaxno kéltekpageykha chá'a apyókxoho énxet'ák keso náxop, nekha'a étkók tamhákxa'! ¡Apkelyegwakkek pók aptémakxa énxet'ák apkelwet'a ektáhakxa m'a Babilonia!

Jeremías 51:53

Yántek sa' eykhe Babilonia m'a néten, yaqwayam epekkenwók netnók agko' ma'a apxagkok apyennaqte nak, aláphaksek sa' eyke han ko'o apkelenmexma m'a, yaqwayam emasséssók. Ko'o sekxeyenma xa, sektáha nak Wesse'.”

Lamentaciones 2:1

¡Aplómo apagko' axta keñamak Wesse' egegkok apcháhakkassama ekyáqtésso exma m'a Sión ektaqmalma! Apyenyenteyk náxop ektémakxa nak ektaqmalma m'a Israel, eñama néten; megkaxénak apwáxok aplawa m'a apnegkenmakxa nak chá'a apmagkok.

Ezequiel 26:17

Keñe sa' elmeneykmássesek se'e negmeneykmasso nak senlapwayam: “¡Kéltawáseyha kélagko' nak la'a, kélmasséssekmók kélagko' nak la'a neyáwa wátsam ekwányam xép tegma apwányam apxénamap nak chá'a m'a ekyókxoho yókxexma! ¡Apmeyhek axta exchep apyetnama m'a neyáwa wátsam ekwányam nak yetlo m'a énxet'ák apagkok, aptekkessegkek axta nélmenaye m'a ekyókxoho apheykegkaxa!

Abdías 1:4

Netnók sa' eykhe emhagkok ektémól'a náta ekyawe, epekkenwók sa' eykhe apxagkok ma'a nepyeseksa nak yaw'a, sa' eyke yeñék ayenyenták xép ma'a néten nak.” Aptáhak Wesse' egegkok se'e: