Isaías 13:8 - Biblia Enxet

⁸ elyegwáwhok apagko' sa'. Káhapwak sa' ekyawe agko' apkelyegwakto tén han apkellegeykegkoho ekmáske, máxa sa' etnahagkok elpexyawha m'a ektémól'a kelán'a káskok awáxok kamáwhok katnehek naqláwa. Égweyk sa' aqsa chá'a elanok ma'a pók, kalyexwásekxak sa' nápaqta'a apkelmegqakto.

Isaías 13:8 ပူးပေါင်းရင်းမြစ်များ

2 Reyes 19:26

Méko aqsok elanagkok ma'a apheykha nak kañe', elmeneygkohok apagko' nahan, elmegqáwhok nahan, máxa aptamheykegkok ma'a pa'at élámha nak yókxexma, ektémól'a m'a pa'at ektaqmalmal'a áwa', máxa m'a pa'at ekteyapwayam la'a néten tegma élyamágwayam la'a áwa' amonye' yaqwayam kawana'.

Salmos 48:7

ektémól'a m'a éxchahayam eñama nak teyapmakxa ekhem, élekkexma axta m'a yántakpayhe ekyawe eñama nak Tarsis.

Isaías 26:17

Wesse', máxa kelán'a lóso' nentamheykegkok negko'o nápaqtók xép ketók ekmaheyókxal'a katnehek naqláwa, ekyettelegweykhal'a, ekpayheykhal'a átog kañegkohok ekmáske.

Jeremías 13:21

“Jerusalén, ¿háxko sa' katnehek, aptáha sa' wesse' agkok ma'a énxet élxekmósso agko' axta exche'? Kañegkohok sa', ektémól'a kelán'a kamáwhok katnehek naqláwa.

Jeremías 30:6

Kóltegyaha hana sa' amya'a, apwanchek kexaha etnehek apnaqláwa xama énxet apkenna'. ¿Yaqsa eyke ektáha sekwet'a nak ko'o apkelyettelegweyncha'a m'a énxet'ák, máxa aptamhágkok ma'a ekmáheyól'a etnahagkok apnaqláw'ák? ¿Yaqsa ektáha élmópeykxo nak nápaqta'a m'a apyókxoho nak?

Jeremías 4:31

Ekleg'ak ko'o ekpayheykha kélátog kéllegeykegkoho ekmáske, ektémól'a xama kelán'a kaxwe ekmáheyól'a kótak étche kategkesek apkemha apmonye' étche; Sión ekpayheykha átog ma'a, élya'asa nak néten amék, ektáha ekpaqmeta s'e: ¡Ko'o laye! ¡Peyk heyaqhek ma'a tekyawa yapmeyk nak!”

Jeremías 46:5

“¿Yaqsa eyke ko'o sekwet'a? Apkelaqxegágkokxeyk yetlo ekyawe agko' apkelaye. Apkexpaqneyk apmenxenákpo m'a kempakhakma yapmeyk apagkok; apkenyahágkek meyke apkelpeynchamakpoho neptámen. ¡Sawheykxók élmeneymáxche ekyókxoho yókxexma! Ko'o sekxeyenma xa, sektáha nak Wesse'.

Jeremías 48:41

Emok sa' apkelenmexma m'a tegma apkelyawe nak, tén han ma'a tegma apkelyennaqte nak. Elpexyennók sa' kempakhakma yapmeyk Moab xa ekhem nak, máxa sa' etnahagkok ma'a kelán'a ekmáheyól'a katnehek naqláwa.

Jeremías 49:22

Ektamagkok sa' apkelenmexma m'a Bosrá, ektémól'a náta ekyawe élpeykessól'a axempenák kaktamagkok ekyógkexma, elpexyennók sa' kempakhakma yapmeyk Edom xa ekhem nak, máxa sa' etnahagkok ma'a kelán'a ekmáheyól'a katnehek naqláwa.”

Jeremías 49:24

Massék apkelyenna énxet'ák Damasco, xénchek apkelwáxok elxeganmok. Taxneyk apkelwáxok apkelmenaye, tén han apkelaye, tén han apkellegeykegkoho, ektémól'a kelán'a ekmáheyól'a katnehek naqláwa.

Jeremías 50:43

Apkelyelqákpek axta aqsa nahan apleg'a amya'a m'a wesse' apwányam Babilonia eñama apkeye, aplegágkók axta ekyentaxno apwáxok, tén han ekmáske, máxa axta aptáhak ma'a kelán'a ekmáheyól'a katnehek naqláwa.

Jeremías 51:30

Apkelwáteságkek apkempakhe m'a sẽlpextétamo Babilonia, apkelhákxeyk ma'a tegma apkelyennaqte apagkok nak; massék apkelyennaqte, máxa kelán'ák aptamhágkokxa'. Apkelántaxneykpek ma'a tegma apkelyawe apagkok nak, kélwatneyásekxeyk ma'a apxanák.

Ezequiel 20:47

Etne sa' yának se'e: ‘Keso aptáhakxa exchek appeywa Wesse' egegkok se'e: Awatnek sa' ko'o exche' táxa yaqwayam sa' kalwatnek ma'a ekyókxoho yenta'a élyawe agkok, cham'a axnagcha'ák nak tén han ma'a apák nak; káléwha sa' meyke eksapane xa táxa nak, kalwatnek sa' nápaqta'a m'a apyókxoho énxet apheykha nak ma'a neyseksa, cham'a nexcheyha nak ekweykekxoho m'a nepyeyam nak.

Oseas 13:13

Wokmek ekhem yaqwánxa etyapok Israel, makke ey'ásegkok ma'a yaqwánxa enxoho etyapok, hakte ekyeyháxma apagko'.

Joel 2:6

Apkelpexyennegkek apkelaye apkelwet'a énxet'ák, kelmópeykxeyk nápaqta'a apyókxoho.

Nahúm 2:10

Kélmasséssekmek Nínive, meyke xama aqsok tamhákxa', ekmaso táhak. Kelyelqáxcheyk apkelwáxok apkelaye, kelpexyennegkek aptapnák, apyókxoho massak apkelyennaqte, kelmópeykxeyk nápaqta'a.