Isaías 13:6 - Biblia Enxet

⁶ Kalpayheykha kélatña'ák, hakte chágketwa'ak ma'a Wesse' egegkok ekhem apagkok, máxa apkelyekpexchetma sa' katnehek kawak ma'a Ekha nak Apyennaqte.

Isaías 13:6 ပူးပေါင်းရင်းမြစ်များ

Job 31:23

Hakte eyáyak ko'o Dios senlegassáseykegkoho; ¡mowanchek alenmaxaxkohok nápaqtók ma'a wesse' ekha nak apcheymákpoho!

Isaías 10:25

kaxwók sa' eyke ko'o allegássesagkohok ma'a, kasawhohok sa' kamasséssók ma'a seklo nak.

Isaías 10:3

¿Háxko sa' kóltéhek kéxegke apkelyetsetchásekxo sa' kéltémakxa m'a Dios, kélwet'a sa' kaxegmak makhawók ma'a kéllegeykegkoho nak? ¿Yaqsa sa' kólyo'ókxak kólmaxnegwakxak yaqwayam kapasmok? ¿Háxko sa' kólnegkenwók ma'a aqsok kélagkok ekxámokma élmomnáwa nak?

Isaías 13:9

Wa'ak kaxwók Wesse' egegkok ekhem apagkok, ekhem apagkok ekmaso agko', tén han aplómo apagko', cham'a peya sa' katnessásekxak meyke xama aqsok keso náxop, tén han kamasséssók ma'a énxet'ák melya'assáxma apheykha nak ma'a kañe'.

Isaías 14:23

Ekyetnamakxa yelpa' ekmomhápa sa' atnessásekxa' tén han yókxexma apxámokmakxa sawe apkelyawe. Wáxñeksek sa' ma'a kéláxñesso ekmassesseykmoho nak aqsok” Wesse' egegkok ekha nak apyennaqte apxeyenma xa.

Isaías 14:31

¡Filisteos, kélheykha nak apyókxoho tegma apkelyawe, kallapwomák, kalpayheykha kélatña'ák kóllekxagwaha, kólpexyennem kélaye! Hakte apkelxegakmek énxet apxámokma yaqwayam yempakhak ma'a ekpayho nak nexcheyha, máxa éten ekpánmal'a aptáhak; méko nahan xama enxoho apteyapma neyseksa m'a apkeleyweykekxa nak apkelxega.

Isaías 2:12

cham'a ekhem apkelana sa' aqsok Wesse' ekha nak apyennaqte, yenmexek apyókxoho m'a énxet'ák apkeleymákpoho nak, tén han ma'a apyókxoho éleymáxkoho nak apkelwáxok, tén han ma'a apkene nak etnahágkok ekha kéláyo, yaqwayam etnessásekxak kóneg;

Isaías 23:1

Tiro ekxénamaxche yaqwánxa kólteméssesek. Kelxegáha apnenya'ák apkellekxagweyncha'a m'a apkelchánte nak chá'a yántakpayhe éleñama nak Tarsis, hakte kéltawáseyha m'a apnegkenweykekxexa nak chá'a yántakpayhe apagkok. Axta nahan apkellegágwakxohok amya'a kéltawassáseyncha'a m'a sekxók apkelchexyekmo axta apkelenyékto m'a Chipre.

Isaías 34:2

Apkeltaqnaweygkek Wesse' egegkok apyókxoho énxet'ák keso náxop ekweykekxoho m'a apyókxoho sẽlpextétamo apagkok nak, apkeltamhók kólsawhohok kólnápekxa'.

Isaías 34:8

Katnehek sa' ekhem apyaqmagkáseykekxexa mók ma'a Wesse' egegkok, apyeyam apyaqmagkassáseykekxexa mók kélteméssessamakxa m'a Sión.

Isaías 47:11

Káhapwak sa' eyke exche' m'a eklegeykegkoho ekmaso, yawanchek sa' kaleyxchesek ma'a ekmowána nak; kaweywenták sa' takháxet xeye' aqsok ekmaso megkamowána nak kamagkok; cham'a xama aqsok ekmaso megkaxeyenma nak awáxok katlakkasek aqsa káhapwak xeye'.

Isaías 52:5

Keñe kaxwo', ¿Yaqsa sekwet'a? Meykexho aqsok ekmaso apkelánéyak kélnaqlákxak énxet'ák ahagkok ma'a Babilonia. Apkeleykpók apkelpaqméteyncha'a ekyennaqte m'a ektáha nak apkelma, megkeytyapweykmok selókáséyak.

Isaías 61:2

eyáphássek axta nahan altennaksek énxet'ák ekwa'a m'a ekhem yaqwánxa nak elwagkasek teyp Wesse' egegkok ma'a énxet'ák, ekhem yaqwánxa nak heghésseshok mók Dios egagkok senteméssessamakxa m'a sẽlenmexma nak. Eyáphássek axta yaqwayam alpeykessásekxak apkelwáxok apyókxoho m'a élyaqhápeykha nak apkelwáxok,

Isaías 63:4

Xeyenmeyk axta ko'o ewáxok xama ekhem axnéshok mók apkeltémakxa m'a sélenmexma; wokmek kaxwók ekhem yaqwánxa alwagkasek teyp ma'a énxet'ák ahagkok.

Isaías 65:14

elmeneykmaksek sa' yetlo élpayheykekxa apkelwáxok eñama ekmátsa apkelwáxok ma'a, keñe sa' kéxegke kalpayheykha kélatña'ák, kóllekxagwaha sa' nahan eñama éllapwáméyak tén han ekyentaxnamo kélwáxok.

Jeremías 25:34

¡Kólwehesha, keláneykha nepkések, kólwehesha eñama kéllegeykegkoho ekmáske! ¡Kéxegke, kélnaqleykha nak chá'a nepkések, kólpexyawha náxop! Hakte wokmek ekhem nentekyómakxa', kóltekyók sa' kéxegke, aptémól'a etekyók ma'a nepkések apkelennay'a apnaqmele.

Jeremías 49:3

“¡Énxet'ák Hesbón, kalpayheykha kélatña'ák kóllegagkohok ekmáske, hakte kélmasséssekmek ma'a Ai! ¡Kóllekxagwaha kelán'ák Rabá! ¡Kólántaxnekxa apáwa nentaxneykekxohol'a apketsapma egmók, kóltekpogmakha kélnénya'ák! ¡Kólenyahák, máxa élyeyháxma kólteme kólpexyekhasha kélyempe'ék! hakte megkatnahakxa apchókxa peyk kólyentamok ma'a dios Milcom, yetlo apkelmaxnéssesso nak chá'a énxet'ák apagkok, tén han ma'a ekha nak kéláyo.

Jeremías 51:8

Axta eyke kawenaqtémok apteyekmo m'a Babilonia aptamheykekxo nápakha'a apketkók. ¡Kóllekxagwaha kóllanok ma'a! Kólsantagkas pánaqte yaqwayam kóltexnássesagkok apkelyense, lapmaxcheyk sa' kaltaqmelchessessók.”

Ezequiel 13:5

Méko chá'a apkeláneykegko yaqwayam enxoho emyók ma'a Israel, yaqwayam enxoho yepwának elenmaxakpohok kempakhakma ekwa'a sa' ma'a Wesse' egegkok ekhem apagkok.

Ezequiel 21:12

¡Elpáxamha, xép aptáha nak énxet! ¡Kapayheykha apátog hakte peyk kalnápok ma'a énxet'ák ahagkok nak, tén han ma'a apyókxoho apkelwesse'e nak chá'a m'a apchókxa Israel! Apkelxénakpek etekyawhok xamók ma'a énxet'ák ahagkok, etekpogmakha apnények élapwayam.

Daniel 5:26

Cháxa ekteme xa amya'a nak: MENÉ: Dios apkelyetsáteykegkok ekwánxa ekhem apteme wesse' apwányam xép, wesse', appekkenchessek han néxa;

Daniel 5:9

Yágwokmók axta aqsa apyegwakto apkeye m'a wesse' apwányam Belsasar, mopeykxók agko' axta nápat. Axta elya'ásegkok aptamhágkaxa m'a énxet'ák ekyawe nak kéláyo apagkok ma'a wesse' apwányam,

Joel 1:11

Kéxegke kéltamheykha nak chá'a namyep, tén han kélcheneykekxexa nak chá'a anmen yámet, kóllekxagwaha yetlo ekyentaxnamo agko' kélwáxok, hakte kelesagkek ma'a aqsok kélcheneykekxa, tén han ma'a kélnakxo nak hótáhap apaktek, tén han ma'a apho nak hótáhap.

Joel 1:13

Kéxegke kélmaxnéssesso nak chá'a Dios énxet'ák apagkok, kéltamheykha nak chá'a ekwatnamáxchexa aqsok, kólántaxnekxa apáwa sẽlwáxaqxo nak, kóllekxagwaha yetlo éllapwámeyak, hakte méko entáhak aqsok kélcheneykekxa ekyexna m'a Dios nak tegma appagkanamap apagkok, tén han vino yaqwayam kóltéhek kélmésso naqsa Dios.

Joel 1:15

¡Cha'asagko nak la'a, chágketwa'ak Wesse' egegkok ekhem apagkok! ¡Ekhem ekyentaxno, eksáyam nak sẽlmassésseyam, segáphássesso nak ma'a ekha nak Apyennaqte!

Joel 1:5

¡Kéxegke, anmen át'ák nak, kólnaqxétekhák! ¡Kóllekxagwaha, kélyeneykegkoho nak vino, hakte kawomhok sa' apkelyamáséyak ma'a anmen yámet ekyexna égmenek!

Joel 2:1

Kólpáwés kélaqkahasso m'a egkexe Sión; kólpáwés kélaqkahasso éltennasso nak énxet'ák ma'a Wesse' egegkok nak egkexe ekpagkanamaxchexa apagkok. Kólpexyennem kélaye kélyókxoho kélheykha nak Judá, hakte chágketwa'ak Wesse' egegkok ekhem apagkok:

Joel 2:11

Kaxtegyók chá'a appeywa Wesse' egegkok epaqmétek apmonye'e nak sẽlpextétamo apagkok. Apxámok apagko' ma'a sẽlpextétamo apagkok; mogwanchek ólyetsetek ma'a apkelyaheykekxoho nak chá'a appeywa. ¡Yentexók agko' Wesse' egegkok ekhem apagkok! Méko awanchek kalenmaxaxkoho'.

Joel 2:31

Kapeysemekxak sa' ekhem, keñe sa' pelten etnekxak apyexwase ektémól'a éma, amonye' ekwayam ma'a Wesse' egegkok ekhem apagkok, ekhem ekwányam sa' nahan, tén han ekyentaxno.”

Amós 5:18

¡Énxet'ák sa' laye, élpekhésso nak kawak Wesse' egegkok ekhem apagkok! ¿Kélya'ásegkóya kéxegke yaqwánxa katnehek xa ekhem nak? Ekyáqtéssóxma sa' katnehek, háwe sa' élseyéxma.

Sofonías 1:14

¡Chágketwa'ak ekhem ekyawe apagkok Wesse' egegkok! ¡Ketók kaxwo', pekhésawók ekxegáyam! Asagkek sa' katnehek ekwa'a enxoho m'a éxtegyawà Wesse' egegkok ekhem apagkok: ¡kawomhok sa' élpayheykha apatña'ák ma'a énxet'ák megyeye nak chá'a elmahagkok eyesagkexa'!

Sofonías 1:7

¡Kólwanmeyák sa' nápaqtók Wesse' egegkok, hakte chágketwa'ak ma'a Wesse' egegkok ekhem apagkok! ¡Appenchessek apkeláneykekxa aptáhakxa Wesse' egegkok yaqwayam elának aqsok ektekyawa, apkelpagkanchek nahan ma'a ektáha nak apkeláneyeykha!

Zacarías 14:1

Xegakmek Wesse' egegkok ekhem apagkok, yaqwánxa sa' kamlassaxchek aqsok nepyeseksa exchep Jerusalén, apkelyementaméyak nak énxet'ák neyseksa kempakhakma.

Malaquías 4:5

“Kóllano: Peyk ko'o wáphássesek kéxegke m'a aplegasso sekpeywa Elías, amonye' ekwe m'a Wesse' egegkok ekhem apagkok, cham'a peya sa' katnehek ekhem ekyentaxno, tén han ekmaso.