Isaías 13:5 - Biblia Enxet

⁵ Apkeleñamak ma'a xama apkelókxa makhawók agko' nak, cham'a teyp agko' nak ma'a néxa xapop. Wesse' egegkok neykhe m'a, yetlo m'a apkelmeykha nak chá'a apkenchesso aplo, apxegakmo nak yaqwayam emasséssók ekyókxoho keso náxop.

Isaías 13:5 ပူးပေါင်းရင်းမြစ်များ

2 Samuel 1:27

¡Aptekyókek ma'a énxet'ák megyeye nak elmahagkok eyesagkexa'! ¡Kélsawheyásawók ma'a apkelmeykha apkenchesso nak chá'a kempakhakma!”

Isaías 10:5

“¡Wesse' apwányam Asiria! Cha'a apteme yámet seklo nak ko'o m'a séllegassáseykegkoho nak chá'a, yámet sekmeykha nak chá'a m'a seklawa enxoho.

Isaías 13:17

Alyáteyagkohok sa' ko'o ektamagkok medos ma'a, cham'a énxet'ák megkalyetnakhassamo nak apkelwáxok ma'a sawo ekmope élmomnáwa, melányo nak ma'a sawo ekyátekto élmomnáwa.

Isaías 24:1

Kóllano, esawhohok sa' aqsok Wesse' egegkok keso náxop, yetsagkasek sa', ekmaso sa' etnessásekxa', yexpánchesek sa' énxet'ák apheykha m'a kañe'.

Isaías 26:20

Kólxeg, énxet'ák ahagkok, kólántex kañe' kélxanák kólápekxa sa' atña'ák kélagkok. Kólyexánem sekxók yaqwatakxoho, ekwokmoho ekyeyk'a m'a Wesse' egegkok aplo.

Isaías 30:27

Kólenmexho hana makhawo nak, apyókxoho apagko' apxegakmok Wesse' egegkok; aplókók apagko', máxa éten ekyentaxno ekpánmal'a entáhak aplo, negyekpelchawók aplawa m'a apátog nak, máxa táxa, ekmassesseykmohol'a aqsok entáhak ma'a apaxkok nak,

Isaías 34:2

Apkeltaqnaweygkek Wesse' egegkok apyókxoho énxet'ák keso náxop ekweykekxoho m'a apyókxoho sẽlpextétamo apagkok nak, apkeltamhók kólsawhohok kólnápekxa'.

Isaías 48:14

Kólaqnekxa sa' kélyókxoho kéxegke, kóleyxho sa' nahan: ¿Yaqsa axta kélxama kéxegke aplegassama ekmáheyo katnehek xa: apmáheyo etnéssesek ekxeyenmakxa nak ko'o ewáxok atnéssesek Babilonia m'a énxet ektáha axta ko'o sélyéseykha tén han ma'a énxet'ák caldeos?

Isaías 5:26

Apya'ássek néten bandera m'a Wesse' egegkok, apkelmóhéssek nahan apkelwóneyncha'a m'a énxet'ák apheykha nak makhawo'; apkeltamhók elxegmak ma'a énxet'ák apheykha nak makhawók agko' keso náxop. Kaxwók sa' nahan elwak ma'a, ekmanyehe agko' sa' elwa';

Isaías 66:14

Kélwet'ak sa' agkok kéxegke xa, kalpayhekxak sa' kélwáxok; kayaqmagkasek sa' mók ektémakxa kélyempe'ék ektémól'a m'a pa'at. Exekmósek sa' apmopwána Wesse' egegkok nepyeseksa m'a apkeláneykha, keñe sa' aplo m'a nepyeseksa nak apkelenmexma.

Isaías 7:18

Elmóhaksek sa' Wesse' egegkok yának elxegmak énxet'ák apheykha nak makhawók wátsam Egipto xa ekhem nak, máxa sempéhe sa' etnahagkok, máxa yányawhéna' apyapmók sa' etnéssesek yának elxegmak ma'a énxet'ák apheykha nak Asiria.

Jeremías 50:25

Apmeykásekxeyk átog Wesse' egegkok ma'a apxátamakxa nak chá'a apkelmeykha apkenchesso kempakhakma, apkelhaxyawássekxeyk apkelmeykha, hakte aplóke', yetneyk han aqsok yaqwayam elának Wesse' ekha nak apyennaqte neyseksa m'a caldeos apchókxa.

Jeremías 50:3

Hakte nexcheyha apkeleñamak apkelxegakmo apketamakmo m'a yaqwayam sa' etnessásekxak yókxexma meykexa énxet ma'a apchókxa nak. Méko sa' xama énxet exnekxak ma'a tén han aqsok kélnaqtósso, hakte yenyahagkok sa' apyókxoho énxet.”

Jeremías 50:9

Hakte wának sa' ko'o kaxhok mók apketámeyam Babilonia m'a énxet'ák apkelyennaqte apxámokma apkeleñama nak nexcheyha. Eléwekxak sa' yaqwayam yempakha', emok sa' nahan. Kempakhakma yapmeyk apmopwancha'a elnapakpok ma'a, apmoplensa'a yágke m'a apkelyát'a enxoho.

Jeremías 51:11

Peyk emasséssók Wesse' egegkok ma'a Babilonia, apnaqxétekhássásegkek han apkelwáxok ma'a kelwesse'e apkelwányam nak Media. Cháxa yaqwayam eyaqmagkásekxak Wesse' egegkok apteméssessamakxa axta m'a tegma appagkanamap apagkok. ¡Kóllánekxa yágke aktek kélagkok! ¡Kólmák sa' kéláhakkásamáxche!

Jeremías 8:19

Legáxkók apkelápentegeykha apkellegeykegkoho ekmáske énxet'ák ahagkok ma'a ekyókxoho apheykegkaxa nak énxet: “¿Masséya apha Wesse' egegkok ma'a Sión? ¿Masséya apha wesse' apwányam apagkok ma'a?” Aptáhak axta apchátegmowágko Wesse' egegkok se'e: “¿Yaqsa ektéma séllókassama nak kélpeykessamo m'a kéleykmássesso, cham'a aqsok kéláyókxa ekteme nak mékcha'awo tén han éleñama mók nekha?”

Ezequiel 22:31

Cháxa keñamak sekyenyénto nak ko'o séllegassáseykegkoho nepyeseksa xa énxet'ák nak tén han sekmasséssekmo yetlo seklómo ahagko', yaqwayam enxoho ayaqmagkásekxak ma'a apkeltémakxa. Ko'o sekxeyenma xa, sektáha nak Wesse'.’”