Isaías 13:22 - Biblia Enxet

²² Kalwónmakha sa' semheg nawha'ák éllo m'a kañe' tegma apkelyennaqte nak, keñe sa' ma'a kañe' tegma apkelyawe apkeltaqmalma apagko' nak kallawha m'a aqsok nawha'ák éllo. Chágketwokmek ekhem agkok ma'a Babilonia; megkólwenaqtéssesagkek sa' nahan.”

Isaías 13:22 ပူးပေါင်းရင်းမြစ်များ

Salmos 44:19

Keñe exchep sennaqtawáseykegkoho segkexakhagweykmo m'a élleykegkaxa nak semheg nawha'ák éllo. ¡Egáhakkassegkek ekyáqtessóxma ekmaso!

Isaías 14:23

Ekyetnamakxa yelpa' ekmomhápa sa' atnessásekxa' tén han yókxexma apxámokmakxa sawe apkelyawe. Wáxñeksek sa' ma'a kéláxñesso ekmassesseykmoho nak aqsok” Wesse' egegkok ekha nak apyennaqte apxeyenma xa.

Isaías 25:2

Meteymog ektaháneykekxa mók aptemessáseykekxak ma'a tegma apkelyawe nak, apmopsagcha'a aptemessáseykekxak ma'a tegma apkelyawe apkelyennaqte nak; apmasséssesseykmek tegma apkelyawe apagkok ma'a apkelenmexma nak, megkólnaqxétekhasagkokxeyk sa' nahan chá'a kaxwók ma'a.

Isaías 32:14

Etaqmopagkok sa' ma'a tegma apyawe aptaqmalma nak; meyke xama aqsok sa' katnekxak ma'a tegma apwányam, apheykegkaxa nak apxámokma énxet; kataqmopagkohok agko' sa' ma'a kélhaxtegkesso ekyennaqte nak nepyáwa; kalkohok sa' awáxok kallawha yámelyeheykok nawha'ák ma'a, katawagkok sa' nahan pa'at kélnaqtósso m'a.

Isaías 34:13

Kalántépok sa' yámet ekha nak am'ák ma'a tegma apkelyawe apkeltaqmalma apagkok nak, keñe sa' yátape' tén han kentem ma'a tegma apkelyennaqte apagkok nak. Katnehek sa' xama yókxexma élleykegkaxa m'a semheg nawha'ák éllo tén han apkelyexanmomakxa m'a xápen.

Isaías 34:14

Keypetchekxak sa' yágqamés ma'a semheg nawha'ák éllo nak, ewónmakha sa' chá'a pók ma'a yát'ay. Sa' kaxek nahan kélhagák ma'a segyegwakkassamo nak axta'a, sa' kótak ekhakxa yaqwayam kallókasek ekyampe m'a.

Isaías 35:7

Ekyetnamakxa yegmen sa' katnehek ma'a yókxexma meykexa nak énxet, kasawhekxohok sa' ekteyapmakxa yegmen ma'a ekyamáyekxa nak xapop. Katyapok sa' pa'at tén han ekho' m'a élleykegkaxa nak kaxwók ma'a semheg nawha'ák éllo.

Isaías 43:20

Heyáwhok sa' ma'a aqsok nawha'ák élleykha nak naxma, cham'a semheg nawha'ák nak tén han ma'a xápen, hakte atekkesek sa' yegmen ma'a yókxexma meykexa nak énxet, tén han wátsam ma'a xapop megkatyapmakxa nak xama aqsok, yaqwayam sa' agkések apyenéyak ma'a énxet'ák ahagkok sélyéseykha axta,

Jeremías 48:16

Chágketwa'ak yaqwánxa kóltawasha m'a Moab, ketók ekweykxa m'a yaqwayam kólmasséssók.

Jeremías 51:33

Hakte aptáhak Wesse' ekha apyennaqte Dios apagkok nak Israel se'e: “¡Aphawók Babilonia m'a kélchexakkassamakxa nak chá'a apyempe'ék hótáhap apaktek, kaxwók sa' kammok ekhem eknakxamáxchexa apaktek!”

Jeremías 9:11

“Meteymog ektaháneykekxa mók sa' ko'o atnessásekxak ma'a Jerusalén, semheg nawha'ák éllo élyexanmomakxa; yókxexma meykexa énxet sa' atnessásekxak ma'a tegma apkelyawe nak Judá, meyke énxet apheykha kañe' sa' atnéssesek.”

Lamentaciones 4:3

Weykmók semheg nawha'ák éléyak chá'a nam'agkok ma'a étkók, apkellómók apagko' eyke m'a apheykha nak tegma apwányam ahagkok, máxa m'a xápen apkelleykha nak meykexa énxet megkalmopyósal'a elanok apketkók.

Miqueas 1:8

Cháxa keñamak peya nak ko'o awónek yetlo ekyawe agko' sélapwayam; cháxa keñamak peya nak aweynchamha meyke sélatchesso emagkok tén han meyke sektaxno, awónchesha sa' ektémól'a semheg nawhak, kaxñaha sa' egkenyek aptémól'a xápen epáwha.

Habacuc 2:3

Makke kawokmok makham yaqwánxa katnehek xa aqsok kélxekmóssamo nak, katnehek sa' eyke. Eleyxek sa' eyke aqsa exchep, kánéxchek sa' eykhe yehémek katnehek, kammok sa' eyke yaqwánxa katnehek.

Sofonías 2:14

Kólhexyawássesagkok sa' ma'a yántéseksek apxanák nak, sa' elyagqak nahan chá'a nepkések ma'a keñe han ma'a mók ektémakxa nak chá'a aqsok nawha'ák. Sawe apkelyawe sa' enaqtének ma'a néten étseksa'ák nak yámet élámha apagkok tén han leklek, keñe sa' náta élpésyam kalpáwha m'a átog étkók nak tén han ma'a átog nentaxnamakxa nak tegma.

Deuteronomio 32:35

yaqwayam sa' amha m'a ekhem sekheyásawo sa' mók apkeltémakxa, sekmésa sa' apkellegeykegkoho ekpayhawo nak chá'a agkések, ekwokmo sa' apkelyaqnenágko keso náxop. Chágketwokmek ekhem yaqwánxa kólmasséssók, ¡Ketók agko' kaxwók ekhem!’