Isaías 13:20 - Biblia Enxet

²⁰ Mexnekxók sa' chá'a énxet ma'a, méko sa' kaxnekxak xama enxoho m'a kañe' nak. Kamaskok sa' elpakxenagkok énxet'ák Arabia m'a, mellókassessekxék sa' nahan chá'a kaxwók apkelyampe nepkések apnaqtósso keláneykha nepkések ma'a.

Isaías 13:20 ပူးပေါင်းရင်းမြစ်များ

2 Crónicas 17:11

Weykmók axta apkelsókáseyam aqsok apkelmésso naqsa m'a nápakha filisteos, tén han sawo ekmope élmomnáwa yaqwayam elmések ma'a Josafat, keñe axta énxet'ák árabes apnaqlókassama siete mil setecientos nepkések apkelennay'a, tén han yát'ay apkelennay'awo'.

Job 3:7

¡Tásók axtal'a katnehek megkate étche kelán'a xa axta'a nak, méko axta katnehek kélwehéseykha kélátseykha!

Cantares 1:7

Xép, ekmámenyého nak ewáxok alano', héltennés hana, ¿Háxko apkeleykegkaxa chá'a pa'at apnaqtósso nepkések? ¿Háxko apkelyáqkasseykekxexa chá'a ellókassesek apkelyampe yetseksók ekhem? Mamakók ko'o aweynchamha aqsa nepyeseksa nepkések apnaqtósso m'a apkelxegexma'a nak xép.

Isaías 14:23

Ekyetnamakxa yelpa' ekmomhápa sa' atnessásekxa' tén han yókxexma apxámokmakxa sawe apkelyawe. Wáxñeksek sa' ma'a kéláxñesso ekmassesseykmoho nak aqsok” Wesse' egegkok ekha nak apyennaqte apxeyenma xa.

Isaías 21:1

Yókxexma meykexa énxet ekxénamaxche' yaqwánxa katnehek, ekyetno nak neyáwa wátsam ekwányam: Máxa éxchahayam ekyennaqte ekxegayam la'a nepyeyam entáhak ekxegakmo aqsok ekmaso agko' ma'a yókxexma meykexa nak énxet.

Isaías 25:2

Meteymog ektaháneykekxa mók aptemessáseykekxak ma'a tegma apkelyawe nak, apmopsagcha'a aptemessáseykekxak ma'a tegma apkelyawe apkelyennaqte nak; apmasséssesseykmek tegma apkelyawe apagkok ma'a apkelenmexma nak, megkólnaqxétekhasagkokxeyk sa' nahan chá'a kaxwók ma'a.

Isaías 34:17

Apmésso apagko' nahan chá'a xama xama m'a yaqwánxa kalyagqa', appenteyhássessegkek chá'a apxekmóssama m'a xapop agkok nak, katnehek sa' chá'a agkok meyke néxa m'a; kalyagqak sa' chá'a yókxoho apyeyam.

Jeremías 49:33

Yókxexma meykexa énxet meyke néxa sa' etnekxak ma'a Hasor, élleykegkaxa m'a semheg nawha'ák. Méko sa' kaxnekxak kaxwók ma'a, méko sa' ma'a yaqwatakxoho enxoho aphayam.”

Jeremías 50:13

Hakte ataqnók sa' ko'o, meyke énxet apheykha kañe' sa' atnéssesek, meyke agko' aqsok sa' atnessásekxa'. Elyegweyk sa' chá'a apyókxoho apkelyeykhágwayam enxoho chá'a m'a, apkelwet'a enxoho ektémakxa kéllegassáseykegkoho.

Jeremías 50:21

“¡Kólchetamák yókxexma Merataim, tén han ma'a apheykha nak Pecod! ¡Kólemhák, kólsawhoho kólmasséssók! ¡Kóllána ekyókxoho m'a séltémókxa nak kóllána'! Ko'o sekxeyenma xa, sektáha nak Wesse'.”

Jeremías 50:3

Hakte nexcheyha apkeleñamak apkelxegakmo apketamakmo m'a yaqwayam sa' etnessásekxak yókxexma meykexa énxet ma'a apchókxa nak. Méko sa' xama énxet exnekxak ma'a tén han aqsok kélnaqtósso, hakte yenyahagkok sa' apyókxoho énxet.”

Jeremías 50:39

“Cháxa keñamak peya sa' katnehek axanák yágqames, tén han semheg nawha'ák ma'a Babilonia, sa' ellawha nahan chá'a xápen ma'a. Mexnekxók sa' chá'a xama énxet enxoho m'a, cham'a egmonye' sa'.

Jeremías 50:45

Kóleyxho séláneykekxa nak ko'o sektáhakxa sekmakókxa atnéssesek ma'a Babilonia, ko'o sektáha nak Wesse', sekmakókxa nak han ko'o atnéssesek ma'a apchókxa nak caldeos: Kawomhok sa' kélyementaméyak ma'a apketchek ketcheyetse nak, kóltawasha sa' nahan ma'a yókxexma apagkok ektaqmalma nak.

Jeremías 51:25

Énmexchek ko'o exche' meteymog ekwenaqte ekmassesseykmoho nak aqsok, ekmasseseykmo nak aqsok ekyókxoho keso náxop. Ko'o sekxeyenma xa, sektáha nak Wesse'. Añássesagkohok sa' ko'o exche', eyttelegwásenták sa' eñama m'a néten meteymog élwenaqte nak, egkexe ekmeyesma sa' atnéssásekxa'.

Jeremías 51:29

Yawheyha xapop, pexyennegkek nahan, hakte apkelanak Wesse' egegkok ma'a ekxeyenma axta apwáxok elána', apmáheyo etnéssásekxak Babilonia meyke xama aqsok ekmaso agko'.

Jeremías 51:37

peya nak etnekxak ektaháneykekxa mók meteymog, élleykegkaxa semheg nawha'ák, meyke énxet apha, elyegwakkasek sa' chá'a apyókxoho énxet, yeyk sa' nahan chá'a.

Jeremías 51:43

Yókxexma ekmaso agko' aptamhákxak ma'a tegma apkelyawe apagkok nak, meyke xama aqsok, ekyamayéxma xapop, ekyaqhapmo exma, meykexa xama énxet apha, meykexal'a han kayeykhágwók.