Isaías 13:18 - Biblia Enxet

¹⁸ Yágke sa' elyátak elnápok ma'a wokma'ák nak. Megkaleyósek sa' elanok ma'a sakcha'a kaxwe ekpalleyam nak, megkaqhek sa' nahan apwáxok elanok ma'a sakcha'a apketcheyetse nak.

Isaías 13:18 ပူးပေါင်းရင်းမြစ်များ

2 Reyes 8:12

tén axta apkelmaxneyáncha'a Hazael: —¿Yaqsa ektáha apwana nak? Apchátegmowágkek axta Eliseo: —Ekya'ásegkók ko'o exchep peya enaqtawasagkohok ekmaso m'a israelitas, elwatneyásekxak sa' ma'a tegma apkelyennaqte apagkok, elnápok sa' elyetxeygkok sókwenaqte m'a wokma'ák nak, elnáhakkasek sa' ma'a apketchek ketcheyetse nak, elpáxqatchesagkok sa' awokma'ák ma'a kelán'ák lós'awo nak.

2 Crónicas 36:17

Tén axta Wesse' egegkok apkeltamho ektamagkok ma'a wesse' apwányam apagkok nak caldeos apkelnapchek axta apketkók ma'a kañe' tegma appagkanamap nak, axta elepyósak apkelano m'a wokma'ák tén han kelán'a étkók, keñe han ma'a apkelwányam, tén han ma'a meyke aptapnák nak. Apméssek axta Wesse' egegkok yaqwayam elmok ma'a apyókxoho nak.

Salmos 127:3

Wesse' egegkok sempasmo negko'o segméssama nak chá'a egketchek.

Isaías 13:16

Nápaqta'awók sa' chá'a kólyenhaksek xapop ma'a apketchek apketcheyetse nak; kólmenyexchesek sa' aqsok ma'a apxanák, kólnaqtawássesagkohok sa' ma'a apnaqteyegka'a.

Isaías 47:9

Katlakkasek sa' eyke káhapwak xama ekhem agko' xeye' xa aqsok nak: Tampe' sa' katnehek, tén han meyke étchek, megkeyxek sa' ekxámokma m'a ekmowána, tén han ektémakxa nak ekxámokma agko' ma'a ekmowána katekkesek aqsok.

Isaías 5:28

Ahamtakcha'ak agko' nahan ma'a yágke aktek apagkok, tásek nahan apkeleykesso apnaqtete táma ekyókxoho m'a yágke apagkok. Máxa nahan meteymog élyennaqte agko' la'a awáxok apmagkok ma'a yátnáxeg apkelchánte, máxa nahan samaxche élyennaqte élyéha amagkok ma'a yátnáxeg apkelyenyawasso apagkok nak;

Jeremías 18:21

¡Yána kaxwók eletsapok apketchek meyk élnapma, essenhan sókwenaqte kélyetxaqxo; tampe sa' katnahagkok ma'a apnaqteyegka'a nak, tén han meyke étchek! ¡Yána kalnápok negmasse m'a apkelennay'a nak énxet'ák apagkok, keñe sa' wokma'ák eletsapok kempakhakma!

Jeremías 5:16

Apyókxoho aptamhéyak kempakhakma yapmeyk apkelyennaqte m'a, máxa nahan takhaxpop meyke kélápeykekxa m'a apxata nak yágke aktek apagkok.

Jeremías 50:30

Cháxa keñamak peya sa' etekyók wokma'ák apagkok ma'a ámay nak, etekyók sa' apyókxoho kempakhakma yapmeyk apagkok xa ekhem nak. Ko'o sekxeyenma xa, sektáha nak Wesse'.”

Jeremías 50:42

Yágke apkelmeykha tén han sawhéwa; Apkellamchek apagkók nahan ma'a, megkayóshek elanok aqsok, máxa wátsam ekwányam éxtegyawà m'a apkelwónchesso nak, yátnáxeg apkap'ák apkelxegakmok. Appenchásegkek aptamhágkaxa yaqwayam yempakhak ma'a Babilonia.

Jeremías 51:22

Xép chá'a wásenneykxak alyaqtennagkok ma'a énxet'ák, tén han kelán'ák, apkelwányam, tén han wokma'ák, wokma'ák apketkók tén han kelán'ák étkók.

Jeremías 6:23

Apkelmákxeyk ma'a yágke tén han sókwenaqte apagkok; apkellómók apagko' nahan ma'a, megkayóshek elanok ma'a aqsok; máxa wátsam ekwányam ekpáwà awáxok ma'a apkelwónchesso nak, apkelxegakmek yátnáxeg apkelchánte. Appenchásegkek aptamhágkaxa yaqwayam yempakhak ma'a Sión.”

Ezequiel 9:10

Megkalepyósek sa' ko'o alanok xama enxoho m'a, ayaqmagkásekxak sa' ko'o mók ma'a apkeltémakxa nak.”

Daniel 7:5

“Keñe m'a ektétéyak nak, ekhawo m'a óso, yáma énmeykha axta táhak, ántánxo aqsok akhák axta han éltakxeykha; ekleg'ak axta han ektáha eyáneyáxko s'e: ‘¡Katnemekxa néten, kataw ápetek ekwánxa enxoho ekleklakmo!’

Oseas 13:16

Kóllegássesagkohok sa' nahan ma'a énxet'ák Samaria eñama apkenmexeykekxa Dios apagkok. Etekyók sa', sawo sa' chá'a kólyetxa', xapop sa' chá'a kólyenhaksek ma'a apketchek, tén sa' ma'a kelán'ák lós'awo nak, kólpáxqatchesagkok chá'a awokma'ák.

Nahúm 2:1

Énxet'ák Nínive, apya'awak kéxegke m'a apmáheyo emasséssók. ¡Kólána yaqnágwakxak néten tegma kélhaxtegkesso nepyáwa' apyennaqte m'a sẽlpextétamo! ¡Kólenmexho sa' ma'a ámay! ¡Kóllánekxa sa' kéltáhakxa yaqwayam kólempakha'! ¡Kólanchásekxa sa' sẽlpextétamo kélagkok!

Nahúm 3:10

Axta eyke kahaxanmak apkelmomakpo énxet'ák Tebas kélnaqleykekxo megkatnahakxa apchókxa'; kélyenhassegkek axta chá'a xapop apketchek ma'a máséyak nak ámay; tawásamaxcheyk axta xama aqsok kélexpánchessama m'a kelwesse'e apagkok nak, tén axta kélpextehetma cadenas ma'a apkelámha apmonye'e apagkok ekha nak kéláyo.