Isaías 13:1 - Biblia Enxet

¹ Keso amya'a ekxénamaxche axta yaqwánxa katnehek kéllegassáseykegkoho m'a Babilonia, apxawe axta eñama kélxekmósso m'a Isaías, Amós apketche nak:

Isaías 13:1 ပူးပေါင်းရင်းမြစ်များ

2 Reyes 9:25

Keñe axta Jehú aptáha apcháneya m'a Bibcar, apteme axta apkeláneykha: —Elek xa kañe' nak, eyenyow ma'a yókxexma apagkok axta Nabot, apkeñama axta Jezreel, hakte makhemek ko'o makham ekxeyenma ewáxok ma'a nélchántamo axta chá'a xamo' yátnáxeg apkelyenyawasso apagkok axta m'a Ahab, apyáp axta, apxeyenma etnéssesek Wesse' egegkok aptéma axta s'e:

Isaías 1:1

Aqsok apwete axta m'a Isaías, eñama kélxekmósso, ektémakxa axta m'a tegma apwányam Judá tén han ma'a Jerusalén, cham'a Amós apketche nak, neyseksa aptamhéyak axta kelwesse'e apkelwányam Judá m'a Ozías, Jotam, Ahaz, tén han ma'a Ezequías.

Isaías 13:19

Keñe sa' ma'a Babilonia, apchókxa ektaqmalma nak ma'a énxet'ák, eyaqheykencha'a nak chá'a apkelwáxok ma'a caldeos, kaxnágwakxohok sa' ma'a Sodoma tén han Gomorra, cham'a sekmassesseykmo axta ko'o.

Isaías 14:28

Apxeyenmeyk axta Isaías apyeyam apketsapma axta wesse' apwányam Ahaz se'e amya'a nak:

Isaías 15:1

Moab ekxénamaxche yaqwánxa kólteméssesek. Kéltawáseyha axta Moab cham'a axta'a kélmasséssekmo axta m'a Ar; kéltawáseyha axta Moab cham'a axta'a kélmasséssekmo axta tegma apwányam Quir.

Isaías 17:1

Tegma apwányam Damasco apxénamáp yaqwánxa kólteméssesek. Kamaskok sa' etnehek tegma apwányam ma'a Damasco; meteymog ektaháneykekxa mók sa' etnekxa'.

Isaías 19:1

Egipto ekxénamaxche yaqwánxa kólteméssesek. Kóllano Wesse' egegkok: Apxegakmek néten yaphope ekyennaqte ekxega apmeyókmo m'a Egipto. Kelpexyennegkek apmonye' m'a aqsok kéláyókxa nak Egipto, apkelakawók apagko' ma'a egipcios.

Isaías 20:2

Appaqmetchek axta Wesse' egegkok xa ekhem nak, Isaías axta eyke apchásenneyk, Amós apketche nak. Aptáhak axta apcháneya s'e: “Elhaxyawes sa' xa apáwa sẽlwáxaqxo apkelántaxneykekxa nak tén han xa apkelatchesso apmagkok nak.” Aptemék axta nahan Isaías xa ektáha nak, tén axta apweynchámeykencha'a aqsa meyke apkelatchesso apmagkok tén han meyke aptaxno.

Isaías 21:13

Yókxexma ekyamayéxma ekxénamaxche yaqwánxa kólteméssesek: Énxet'ák Dedán kéltekxeyéyak nak chá'a kélmók kélxega, kélnaqteyenma nak chá'a axta'a m'a ekmompagqexa nak ma'a yókxexma meykexa énxet,

Isaías 22:1

Xapop ekyapwate ekwesey nak sẽlxekmóssamakxa aqsok ekxénamaxche yaqwánxa kólteméssesek: ¿Yaqsa ektáha kélchánta nak kélyókxoho néten tegma?

Isaías 22:25

“Kayawheykha sa' láwa kélyaqxaqxamakxa axta ekyennaqte agko' xa ekhem nak; kóllók sa', keñe sa' katyamok, keñe sa' ma'a ekyókxoho aqsok kélmakheyáseykha axta m'a, kalpaqxek sa'.’” Wesse' egegkok ekha nak apyennaqte, apxeyenma xa.

Isaías 43:14

Aptáhak Wesse' egegkok se'e, cham'a Dios Aptaqmalma nak Israel, apkelwagkasso axta teyp: “Aláphaksek sa' ko'o énxet'ák ma'a Babilonia yaqwayam alwagkasek teyp kéxegke, wának sa' elmeykesagkok ekyókxoho atña'ák, apkellegeykegkoho ekmáske sa' katnekxak élpayheykekxa nak chá'a apkelwáxok ma'a caldeos.

Jeremías 24:1

Exekmóssek axta ko'o Wesse' egegkok ánet hówenaq apxagkok kélxata higo ekyexna kélpekkenma m'a apmonye' nak tegma appagkanamap, cham'a natámen axta apyentameykekxa Nabucodonosor wesse' apwányam nak Babilonia megkatnahakxa apchókxa m'a Jeconías, Joaquim axta apketche, wesse' apwányam axta m'a Judá, yetlo m'a apkelámha apmonye'e axta m'a Judá, tén han ma'a apkeláneyak axta chá'a aqsok, tén han ma'a apkelyenyekhe nak chá'a sawo.

Jeremías 28:8

Apkellegassegkek axta chá'a kawak kempakhakma, nenlegeykegkoho ekmaso, tén han negmasse ekxámokma agko' apkelókxa, tén han élyawakxa nak apkelókxa m'a Dios appeywa apkellegasso nano' axta, metyeykemxa axta makham xép tén han ko'o.

Jeremías 50:1

Amya'a ekxeyenma nak Babilonia, caldeos apchókxa, Wesse' egegkok axta aplegasso, apchásenneykekxo axta m'a Dios appeywa aplegasso Jeremías:

Jeremías 51:51

Kéltáhak kéxegke kélpeywa s'e: “Nélmegqakkek negko'o nenleg'a ektáhakxa sẽlwanyeykha. Nélmegqakkók egagkók negko'o hakte weykmók apkelántaxnama énxet apkeleñama mók nekha m'a kañe' ekpagkanamaxchexa agko' nak ma'a tegma appagkanamap.”

Ezequiel 12:10

Eltennés sa' ektáha ko'o seklegasso xama sekpeywa m'a wesse' apwányam nak Jerusalén tén han ma'a apyókxoho israelitas apheykha nak ma'a.

Daniel 5:28

keñe PARSÍN ekxeyenma: ekyeptamáxche neyseksa m'a aptémakxa nak wesse' apwányam, énxet'ák medos sa' kólmeyásekxa', tén han persas.”

Daniel 5:6

mopeykxók axta nápat, apkelpexyennegkek axta apkeye.

Nahúm 1:1

Keso weykcha'áhak apxawe axta eñama kélxekmósso m'a Nahúm apkeñama axta Elcós. Cháxa amya'a ekxeyenma nak ma'a tegma apwányam Nínive.

Habacuc 1:1

Keso amya'a apxékmósso axta Wesse' egegkok Habacuc, apteme axta Dios appeywa aplegasso.

Zacarías 12:1

Keso appeywa axta Wesse' egegkok se'e, apxéna m'a Israel. Aptáhak Wesse' egegkok se'e, appeykesso nak ma'a néten, appekkenma nak awhak ma'a xapop, apmésso nak apyennaqte m'a énxet:

Zacarías 9:1

Keso appeywa apkeltennasa axta Wesse' egegkok énxet'ák apheykha nak yókxexma Hadrac tén han tegma apwányam Damasco yaqwánxa katnehek kéllegassáseykegkoho s'e: “Wesse' egegkok apagkok ma'a tegma apkelyawe nak Siria, ekhawo nahan ma'a apyókxoho pók aptémakxa nak chá'a énxet'ák Israel.

Malaquías 1:1

Keso Wesse' egegkok appeywa aplegasso axta énxet'ák Israel, apchásenneykekxo axta Malaquías apteme axta Dios appeywa aplegasso.