Isaías 12:6 - Biblia Enxet

⁶ Kólwehesha yetlo ekpayheykekxa kélwáxok, kélheykha nak Sión, hakte apheyk kélnepyeseksa kéxegke m'a Dios Aptaqmalma apagkok nak ma'a Israel, yetlo ekyawe apcheymákpoho.”

Isaías 12:6 ပူးပေါင်းရင်းမြစ်များ

Salmos 132:14

“Keso egkexe sekmáheyókxa nak chá'a ko'o axek meyke néxa s'e; axek sa' chá'a ko'o s'e, hakte émenye'.

Salmos 135:21

¡Kataqmalmakha sa' chá'a apxénamap Wesse' egegkok ma'a Sión, cham'a aphama nak Jerusalén! ¡Aleluya!

Salmos 46:5

Aphegkek Dios xa kañe' nak, megyohók sa' katnégwomhok exma; Dios sa' nahan chá'a epasmok ma'a élsaka enxoho.

Salmos 68:16

Kéxegke kélteme nak egkexe netna'awo', ¿yaqsa ektáha kélnatha'a nak kéllano m'a egkexe yaqweykenxa nak exek ma'a Dios? ¡Exek sa' chá'a meyke néxa Wesse' egegkok ma'a!

Salmos 71:22

Anneykmaksek sa' eyke ko'o negmeneykmasso, alpeykeshok ektémakxa nak mehenyenyaweykha, yetlo sekpáwasso arpa, alpeykeshok sa' Dios ahagkok, Appagkanamap nak Israel, yetlo sekpáwasso yát'axpog.

Salmos 89:18

¡Negáhakkásamaxche negko'o m'a Wesse' egegkok! ¡Wesse' apwányam egagkok ma'a Appagkanamap nak Israel!

Salmos 9:11

Kólmeneykmásses negmeneykmasso Wesse' egegkok, apteme nak wesse' apwányam ma'a Sión; kóllegés énxet'ák ma'a aqsok apkelane nak.

Salmos 99:2

Apwányam apagko' Wesse' egegkok ma'a Sión; apwányam apagko' Wesse' egegkok nepyeseksa m'a apyókxoho énxet'ák.

Isaías 1:24

Cháxa keñamak Wesse' ekha nak apyennaqte, Apyennaqte apagko' nak ma'a Israel, aptáha appeywa s'e: “¡Wánxa kólteme! Allegássesagkohok sa' ko'o m'a sélenmexma nak. Ayaqmagkásekxak sa' mók ma'a apkeltémakxa nak.

Isaías 10:24

Aptáhak Wesse' ekha nak apyennaqte s'e: “Énxet'ák ahagkok, kélheykha nak Sión, nágkóle aqsa énxet'ák Asiria, eltekpogmakha sa' eykhe yámet apagkok, elya'asha sa' eykhe néten yámet elenmexek kéxegke, ekhawo apteméssessamakxa axta m'a egipcios,

Isaías 24:14

Elwehesha sa' kalpayhekxak apkelwáxok ma'a meletsapma nak, elyennaqtések sa' apkelpeywa apkelwet'a enxoho Wesse' egegkok aptaqmalma m'a apheykegkaxa nak taxnegwánxa ekhem.

Isaías 24:23

Aptemék sa' agkok Wesse' apwányam egkexe Sión ma'a Wesse' ekha nak apyennaqte, cham'a Jerusalén nak, kapeysemekxak sa' ekhem tén han ma'a pelten, keñe sa' ma'a apkelámha apmonye'e nak énxet'ák apagkok elwetak sa' Wesse' egegkok apcheymákpoho.

Isaías 30:19

Énxet'ák Sión, kélheykha nak Jerusalén: megkóllekxagwaha sa' kaxwók kéxegke. Kélyósekak sa' elanok kéxegke Dios apleg'a enxoho kélpáxameykha ekyennaqte kólmaxnak yaqwayam epasmok, ketse' aplege sa' katnehek kélpeywa, yohók sa' chá'a yátegmowagkok.

Isaías 33:21

Cha'a senxekmóssamakxa negko'o apcheymákpoho Wesse' egegkok ma'a. Xama yókxexma ekxámokmakxa nak ma'a wátsam, yegmen ényé ekyawe nak ekpayhakxa, melántexek sa' eyke sẽlenmexma yetlo yántakpayhe étkok apagkok ma'a, tén han ma'a yántakpayhe élyawe apagkok nak.

Isaías 33:24

Méko sa' xama énxet etnehek appeywa s'e: “Ekháxexcheyk ko'o.” Meyaqmagkásekxeyk sa' mók Dios melya'assáxma m'a énxet'ák apheykha nak Sión.

Isaías 40:9

Yenát sa' egkexe néten nak Sión, énnaqtés sa' appeywa exének amya'a ektaqmela. Nágye aqsa énnaqtések appeywa m'a Jerusalén, etne sa' ellegaksek tegma apkelyawe nak Judá s'e: “¡Keso Dios kélagkok se'e!”

Isaías 41:14

Aptáhak Wesse' egegkok se'e: “Énxet'ák Israel, kélketcheyetsék eykhe kéxegke, nágkóle'; Jacob énxet'ák apagkok, kélyelqáxkók eykhe kéxegke, apasmok sa'. Ko'o sekteme sélmallanchesso chá'a ekyentaxno kélheykha, ko'o sektáha nak Dios sektaqmalma m'a Israel.

Isaías 41:16

Yempaksek sa' tén sa' kalsók éxchahayam; segyettekhane ekyennaqte sa' kaxpánchesha. Keñe sa' xép kapayhekxak apwáxok xamók ma'a Wesse' egegkok, kaqheykha sa' apwáxok ma'a Dios Aptaqmalma nak Israel.

Isaías 49:26

Wának sa' ko'o etawagkokxak aphápetek apancha'awók ma'a apsawhéssamo axta aqsok kélagkok, wának sa' kalnápekxak ma'a éma apagkok apagko' nak ektémól'a énagkok ma'a vino. Keñe sa' elya'asagkohok apyókxoho énxet ektáha ko'o sekwagkasso teyp, ko'o sektáha nak Wesse'; elya'asagkohok sa' sektáha sekmallahanchesso aqsok ekyentaxno, ko'o sektáha nak Jacob Wesse' apagkok ekha sekyennaqte.”

Isaías 54:1

Kelán'a megkate étche meyke nak chá'a étchek; kalpáxamha kapayhekxak awáxok; nágkeysagkoho kanneykmaksek negmeneykmasso yetlo ekmátsa awáxok, xeye' kelán'a, megkatné nak chá'a naqláwa xama enxoho, hakte aptáhak Wesse' egegkok se'e: “Xámók sa' katnehek étchek ma'a kelán'a ektaqmópeyak nak chá'a megkaxók sa' ma'a kelán'a apha nak chá'a atáwa'.”

Isaías 60:16

Elmések sa' nento élmátsa agko' ma'a pók aptémakxa nak chá'a énxet'ák, elsókásegmak sa' aqsok apagkok ekxámokma élmomnáwa m'a kelwesse'e apkelwányam nak; elya'ásegwók sa' sektáha ko'o sélwagkasso teyp, ko'o sektáha nak Wesse', tén han sektáha sélmallahanchesso aqsok ekmaso, ko'o ekha nak Sekyennaqte Jacob Wesse' apagkok.

Isaías 8:18

Negko'o nenteme aqsok magkenatchesso sempelakkasso nak agwetak apagkok ma'a énxet'ák Israel, ko'o tén han ma'a étchek sélmésso axta m'a Wesse' egegkok, senteméssesso axta m'a Wesse' ekha nak apyennaqte apha nak ma'a egkexe Sión.

Jeremías 10:6

Wesse', méko ekhawo exchep, xép apteme apwányam apagko', ekwányam ma'a apwesey, tén han ekteme ekyennaqte.

Ezequiel 35:10

“Temék chá'a exche' ekpaqméteykencha'a s'e: Ko'o sa' atnehek ahagkok ma'a Israel apchókxa, yetlo m'a ánet apchókxa agkok nak; ko'o sa' atnehek ahagkok, neyseksa apha eykhe Wesse' egegkok ma'a.

Ezequiel 39:7

Wának sa' ko'o elya'asagkohok sekwesey ektaqmalma m'a énxet'ák ahagkok Israel, magwohok sa' chá'a kaxwók kóllenxanmagkohok kéltawáseykha. Keñe sa' ma'a énxet'ák apkeleñama nak mók apkelókxa elya'ásegwók sektáha ko'o sektaqmalma m'a kañe' Israel, ko'o sektáha nak Wesse'.

Ezequiel 43:7

aptáhak axta seyáneya s'e: “Keso ekyetnamakxa ko'o sektaháno ekyawe ektaqmalma s'e, sektémakxa chá'a wesse' apwányam; sa' axek chá'a nepyeseksa énxet'ák Israel meyke néxa s'e. Metwasha sa' chá'a kaxwók sekwesey ektaqmalma m'a, tén han ma'a kelwesse'e apkelwányam apagkok nak, eñama seyamasma: kamaskok sa' elánésagkok chá'a takhaxpop apagkok ma'a kelwesse'e apkelwányam apagkok, cham'a apkeletsapa enxoho chá'a,

Ezequiel 48:35

Nueve mil metros sa' kammok ekyókxoho ekwenaqte m'a meteymog kélhaxta nak nepyáwa tegma, keñe sa' katnehek kaxwók apwesey xa tegma apwányam nak: ‘Apheyk Wesse' egegkok se'e.”

Ezequiel 48:8

“Kaxek sa' nahan mók xapop yaqwayam kóltaqmelchesek, sa' kawakxohok nahan eyeynamo m'a teyapmakxa ekhem nak ekweykekxoho m'a taxnegwánxa ekhem nak. Doce kilómetros náxet mók sa' katnehek ma'a ekpayhakxa, keñe sa' ma'a ekwegqakxa nak, kaxhok ekwenaqte m'a ekwánxa nak élwenaqte m'a nekha xapop eyeynamo nak ma'a teyapmakxa ekhem ekweykekxoho m'a taxnegwánxa ekhem nak. Sa' étek tegma appagkanamap xa neyseksa nak.

Oseas 11:9

Matnehek sa' ma'a ektáhakxa nak eklo ewáxok: mamasséssemek sa' ko'o kaxwók ma'a Efraín, hakte Dios ko'o, háwe énxet. Sekpagkanamaxche ko'o, sekha nak aphakxa exchep, maxñekmok ko'o yaqwayam amasséssak xép.”

Joel 2:27

keñe sa' kéxegke israelitas, kólya'asagkohok sekha ko'o kélnepyeseksa kéxegke, ko'o sektáha nak Wesse', sektáha ko'o Dios kélagkok, méko pók enxoho. ¡Kamaskok agko' sa' elmegqeyk ma'a énxet'ák ahagkok!

Sofonías 2:5

¡Kéxegkel'aye, énxet'ák Creta, kélheykha nak neyáwa wátsam ekwányam! Apxénchek Dios se'e yaqwánxa nak etnéssesek kéxegke: “¡Canaán, énxet'ák filisteos nak apchókxa, amasséssók sa' ko'o exchep, meyke énxet apheykha kañe' sa' atnessásekxa'!

Zacarías 2:5

Axta eyke aptáhak Wesse' egegkok se'e: Ko'o sa' eyke atnehek meteymog kélhaxta ekho táxa, nepyáwa m'a Jerusalén, keñe sa' ma'a nepyeseksa nak tegma apwányam axekmósek seyeymáxkoho.’”

Números 23:21

Méko ekweteya apkeltémakxa apkelmopwancha'a amya'a, tén han melya'assáxma m'a énxet'ák Israel, Jacob énxet'ák apagkok nak. Apheyk nepyeseksa ma'a Dios Wesse' apagkok, apkeltemegkek chá'a wesse' apwányam apagkok.

Deuteronomio 23:15

“Apxégánegkessek agkok wesse' apagkok xama kélásenneykha naqsa, keñe apkelmaxnegwa'a enxoho kéxegke yaqwayam kóltaqmelchesek. Nágkólmeyásekxa aqsa m'a ektáha nak nanók wesse' apagkok.